Late 139:3 - Tedim Bible Revision 2017

³ Nangmah in ka sep laitak ahi a, ka khawl laitak ahi zongin na hong mu a, ka gamtatna khempeuh a vekpi-in na thei hi.

Tedim Bible

³ Nangmah in ka sep laitak ahi a, ka khawl laitak ahi zongin nong mu a, ka gamtatnate khempeuh na thei hi.

Late 139:3 Referans Kwoze

Jeremiah 23:24

Mi khat peuhpeuh keiʼ muh loh dingin busim thei ding ahi hiam, Topa in kong ci hi. Leitung, vantung, mun khempeuh ah ka om lamtak thei lo na hi uh hiam, Topa in kong ci hi.

JOB (Job) 31:4

Pasian in ka gamtatna khempeuh thei a, ka kalsuanna khempeuh a hong mu hi.

Thuhilh-sia 12:14

A pha hitaleh a sia hitaleh a simthamin ihih simte nangawn ihihna khempeuh ah Pasian in thu hong khen ding hi.

Late 139:18

Tuate a mal sim leng sehnel sangin tam zaw hi. Ka khanlawh ciangin nang tawh ka om khawm lai hi.

Isaiah 29:15

Topa’ kiang panin amauʼ thu vaihawmna a seelcip, khuamial sungah a gamta, “Kua in hong mu ding hiam? Kua in hong thei ding hiam?” a cite in gimna ngah tahen.

2 SAMUEL NIHNA 11:27

A kahna a ven ciangin David in mi sawlin ama inn ah tua nu lasak a, tua nu ama zi suakin, amah tawh tapa khat a nei hi. Ahih hangin Davidʼ gamtatna thu in Topa lungkim losak hi.

Johan 13:21

Jesu in hih thu teng a gen khit ciangin lungkham mahmah ahih manin, “A mantakin ci lehang, note khat in kei nong lehhek ding uh hi,” ci-in a kilangin a gen khia hi.

Johan 13:2

Jesu le a nungzuite nitak an ne-in a tukhawm uh hi. Tua hun laitakin dawimangpa in Simon Iskariotʼ tapa Judasʼ lungsim sungah Jesu lehhek nading ngaihsutna koih khinzo hi.

2 SAMUEL NIHNA 8:14

Tua ciangin amah in Edom ah khuacingte a koih hi. Edom gam sung khempeuh ah amah in khuacingte koih a, Edom mi khempeuh Davidʼ nasemte a suak uh hi. Topa in David a paina peuhpeuh ah gualzosak hi.

Mattiu 3:12

Amah in a khut ah anzapna tawi-in a ante zap a, a taksate khawmin a ansal sungah koih dinga, a ansite ahihleh a mit ngei lo mei sungah a khul ding hi,” ci-in thu a hilh hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et leh ka sianthona a mu ding hi.

Late 119:168

Na thuhilhnate le na ngeina kip omte khempeuh hoihtakin ka zui a, ka gamtatna khempeuh nangmah in na hong mu hi.