Late 139:1 - Tedim Bible Revision 2017

¹ Topa aw, nangmah in kei na hong en tel a, nong thei khin hi.

Tedim Bible

¹ Topa aw, nangmah in kei nong entel-a nong thei khin hi.

Late 139:1 Referans Kwoze

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Jeremiah 12:3

Ahih hangin Topa aw, nangmah in kei nong thei hi. Ka gamtatnate nong mu a, nang ka hong itna thu na hong thei hi. Amaute pen gawh dingin a kikoih tuu bangin kai khia inla, a kigawh ni hun ding a tun mateng tuam koih in.

Late 44:21

Pasian in hih thu mu khia lo ding ahi hiam? Bang hang hiam cih leh amah in lungsim thusim a thei hi.

Late 139:23

Pasian aw, kei hong en tel inla, ka lungsim hong thei in. Kei hong sit inla, ka ngaihsutnate hong thei in.

Late 17:3

Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

1 KHANG TANGTHU MASATE 28:9

“Tu-in nang, ka tapa Solomon aw, na paʼ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paai khia paisuak ding hi.

1 KUMPI MASATE 8:39

na teenna vantung panin za-in maisak in. Tua ciangin amauʼ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihing khempeuh lungsim na thei hi).

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Johan 21:17

Jesu in a thum veina dong leuleu a, “Johanʼ tapa Simon aw, kei na hong it hiam?” a cih ciangin, “Kei na hong it hiam?” ci-in thum vei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesu in, “Ka tuute na kem in.

Mangmuhna 2:18

“Thiatira khua pawlpi vantungmi kiangah lai gelh inla, meikuang tawh a kibang mittang nei-in sumngo kihalsan tawh a kibang khe a nei Pasianʼ Tapaʼ thugen in:

2 SAMUEL NIHNA 7:20

David in nang tungah bang gen thuah nawn ding ahi hiam? Bang hang hiam cih leh nangmah in na nasem pa na thei hi, O Topa Pasian!

2 KUMPI NIHNATE 19:27

Ahih hangin keimah in na tut sukna le na pusuahna le na sung tumna, kei tungah na hehna ka thei khin hi.

1 KHANG TANGTHU MASATE 17:18

Na nasem pa nong pahtawina ah David in nang tungah bang gen ding nei nawn ahi hiam? Bang hang hiam cih leh nangmah in na nasem pa na thei hi.