Late 135:1 - Tedim Bible Revision 2017

^1-2 Topa phat un. I Pasianʼ inn huang sung, Topaʼ inn sunga a ding, Topaʼ nasemte aw, Topa phat un; ama min phat un.

Tedim Bible

^1-2 Topa phat un. I Pasian inn huang sung, Topa’ inn sunga a ding, Topa’ nasemte aw, Topa’ min phat un, a min phat un!

Late 135:1 Referans Kwoze

Late 7:17

Keʼn ahihleh, ama dikna om bangin Topaʼ tungah lungdamna ka lak dinga, a Sangpen Topaʼ minphatna la ka sak ding hi.

Late 111:1

Topa phat un. Lungsim thutangte a omna, mihon kikhopna sungah ka lungsim khempeuh tawh Topaʼ tungah lungdamna ka ko ding hi.

Late 150:6

Husang thei khempeuh in Topa phat un. Topa phat un.

Late 148:13

Topaʼ min phat un. Bang hang hiam cih leh amah bek a min lian hi a, ama minthanna pen leitung le vantung sangin sang zaw lai hi.

Late 112:1

Topa phat un. Topa zahtakin a thupiaknate nuam a sa mahmah mi, thupha ngah mi ahi hi.

Late 107:8

Ama itna kip le mihing tate tungah a lamdang ama sepnate hangin amaute in Topaʼ tungah lungdamna ko ta uh hen.

Late 106:1

Topa phat un. Topaʼ tungah lungdam ko un; bang hang hiam cih leh amah hoih a, ama itna kip tawntung hi.

Late 134:1

Zan khuavakin Topaʼ inn sungah a ding, Topaʼ nasemte khempeuh aw, hong pai-in Topa phat un.

Nehemiah 9:5

Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah le Pethahiah-te in, “Ding un, Topa na Pasian uh phat unla, ‘A tawntung pan a tawntung dongin a minthang na min in thupha ngah a, thupha khempeuh le phatna dang khempeuh sangin a sang zaw hi.

Late 107:15

Ama itna kip le mihing tate tungah a lamdang a nasepnate hangin amaute in Topa tungah lungdamna ko ta uh hen.

1 KHANG TANGTHU MASATE 6:17

Gershomʼ tapate: Libni le Shimei ahi uh hi.