Late 13:4 - Tedim Bible Revision 2017

⁴ Ka galte in, “Ama tungah gualzo khin ung,” ci kha ding hi. Kei ka liin manin ka galte nuam kha ding hi.

Tedim Bible

⁴ ka galte in “Ama tungah gualzo khin ing” ci kha ding hi. Kei ka lin’ manin ka galte nuam kha ding hi.

Late 13:4 Referans Kwoze

Late 25:2

Ka Pasian aw, nangmah kong muang hi. Hong zahhuaisak kei in. Keima tungah ka galte gualzo-in lungdamsak kei in.

Jeremiah 1:19

Amaute in nangʼ lang khat ah hong do ding uh hi. Ahih hangin a hong zo kei ding uh hi; bang hang hiam cih leh Topa in kong cih in ah, nangmah a hong hu dingin ka hong ompih ding hi,” a hong ci hi.

Paunak 12:3

Gitlohna in lungmuanna piangsak lo a, thuman mite lungmuang takin om uh hi.

Late 62:6

Kei hong hupa le hong honpa amah bek mah hi a, ka guallel ngei kei ding hi.

Late 38:16

Bang hang hiam cih leh, “Ka khe a taal ciangin kei tunga hong kihisakte, keima gim thuakna ah lungdamsak kei in,” cih bek kong thum hi.

Joshua 7:9

Bang hang hiam cih leh Kanaan mite le hih gam a teeng mi khempeuh in hih thu za ding uh a, kote hong umcihin leitung panin kote hong phiat khia mang ding uh hi. Tua ciangin a lian mahmah nangma min bang cih ding na hi hiam?” a ci hi.

Kah la 1:16

Tua ahih manin ka mit pan khitui a dimletin a luang hi. Hong hehnem ding le a hong hanthawn ding kuamah om lo hi. Galte in hong zo khin a, ka mite a cimawh uh hi.

Late 112:6

Amah kiliing lo taktak dinga, kiphawk tawntung ding hi.

Late 62:2

Kei hong huhpa le hong honpa amah bek hi a, ka guallel ngei kei ding hi.

Late 55:22

Topa tungah na van gik nga in, amah in hong huh ding hi. Amah in mi thumante kiliingsak ngei lo ding hi.

Late 35:25

Amau le amau tungah, “Ha, i tuptup tung ei!” kicisak kei in. “Amah nawmvalh tum khin hang,” amaute cisak kei in.

Late 35:19

A man lopi a ka gal ahite kei tungah lungdamsak kei inla, thu om lopi a kei hong mudahte, mitheek kipiasak kei in.

Late 10:11

Ama lungsim sungah, “Hih thute pen Pasian in mangngilh hi; a mai seel hi, en lo ding hi,” ci-in a ngaihsun hi.

Late 9:19

Tho in, Topa! Mi kizosak keʼn; na mai ah minamte sam inla, amauteʼ tungah thu khen in!

Ezra 9:8

Ahi zongin tu-in Topa ka Pasian un tom kha sung kote hong hehpih a, a suakta pawl khat hong omsakin nangma mun siangtho ah siksan ding mun nong pia hi. Nangmah in ka mit uh hong vaksakkikin ka salsuahna uh ah ka nuntakna uh ka thak pat theih nading uh kalsuan cilna nong pia hi.