Late 128:2 - Tedim Bible Revision 2017

² Na khut tawh na sep thaman na ne dinga, na lungdamin na maavang ding hi.

Tedim Bible

² Na khut tawh na sepsa thaman na ne ding a, na lungdamin na ma vang ding hi.

Late 128:2 Referans Kwoze

Isaiah 3:10

Amaute tungah thu hoih ding hi, ci-in thuman mite kiangah hih thu gen un. Bang hang hiam cih leh amaute in amauʼ gamtat hoih thaman ngah ding uh hi.

Isaiah 62:8

Topa in limtakin thuciamna bawl khinzo a, a vangliatna tawh tungsak ding hi. “Na galteʼ an dingin na ante ka piakik nawn kei dinga, nangma sep sa leenggahzu gamdang mite in dawn nawn lo ding hi.

Thu-hilhkikna 28:4

“Noteʼ sung pan a piangte le na leitang uh pan a piangte le na ganhing uh pan a piang, na bawngte uh pungin na tuuhonte uh tungah thupha om ding hi.

Thu-hilhkikna 28:11

Note piak dingin na pu na pate uh tungah Topa in a ciam sa gam sungah noteʼ sung pan a piangte, na gan khawi pan uh a piangte le na leitang pan uh a piangte ah Topa in note nakpi takin hong hausak ding hi.

1 KORIN MASA 15:58

Tua ahih ciangin ka hong it sanggamte aw, Topaʼ hangin na nasepnate uh a mawkna hi ngei het lo hi, ci-in na theih uh mah bangin Topa adingin a tawntungin na sem unla, liing het loin lungsim kip takin na om ta un.

Thuhilh-sia 8:12

Mawhnei khat in zavei dong siatna bawl napi-in a khansau veve hi. Ahi zongin “Pasian a zahtakte adingin thu khempeuh nuam ding hi.

Jeremiah 22:15

Taamtak sing tawh inn na lam manin kumpi kisa na hi hiam? Na pa in an ne tui dawn a, thumanna le diktatna tawh na a sep manin a maa pai hi lo ahi hiam?

Isaiah 65:13

Tua ahih manin Topa Pasian in hih bangin ci hi: En un, ka nasemte in ne ding uh a, ahih hangin note na gilkial ding uh hi. Ka nasemte in dawn ding uh a, ahih hangin note na dangtak ding uh hi. Ka nasemte lungdam ding uh a, ahih hangin note na maizum ding uh hi.

Thu-hilhkikna 28:51

note na sih matengun amaute in na gan hon note uh le na leitang panun a piang gahte hong neksak ding uh hi. Amaute in note hong beisak matengun note adingin an, leenggahzu, ahih kei leh sathau, na ganhingte uh ahih kei leh na tuu hon note uh zong hong nusiat lo ding uh hi.

Thu-hilhkikna 28:39

Note in leenggah lo zuanin na puah ding uh a, ahih hangin leenggahzu dawn loin, leenggah zong na ne kei ding uh hi; bang hang hiam cih leh lung in tuate ne ding hi.

Piancilna 3:19

Lei ah na ciahkik matengin khua-ul kai-in na na sep ciang bekin an na ne ding hi. Bang hang hiam cih leh lei sung panin nang hong kipiangsak a, nang, leivui na hih manin, leivui mah na suakkik ding hi,” a ci hi.

Late 109:11

Ama leibatna pa in a neih khempeuh man henla, khual mite in a om lai sunsunte sut tahen.

Thu-hilhkikna 28:8

“Topa in noteʼ ansal tung le na hihna khempeuh uh ah thupha hong puak ding hi. Topa na Pasian un note hong piakna leitang ah amah in note tungah thupha hong pia ding hi.

Late 1:3

Amah pen luitui luang gei-a a kisuan, ama gah hunin gah a, a teh a vul ngei lo, singkung tawh kibang hi. Ama hihna khempeuh ah a maa pai mahmah hi.