Late 127:3 - Tedim Bible Revision 2017

³ En un, tate pen Topaʼ tung pan a letsong hi a, tapate pen ama hong piak thupha ahi hi.

Tedim Bible

³ En un, tapate pen Topa’ tung pan-a letsong hi a, tate pen ama hong piak thupha ahi hi.

Late 127:3 Referans Kwoze

Thu-hilhkikna 28:4

“Noteʼ sung pan a piangte le na leitang uh pan a piangte le na ganhing uh pan a piang, na bawngte uh pungin na tuuhonte uh tungah thupha om ding hi.

1 SAMUEL MASA 1:27

Hih naupang ka ngen hi. Topa in ama tungah keima ngetna hong pia hi.

Isaiah 8:18

En un, Topa in kei hong piak ka tate le keima pumpi pen Zion Mual tungah a teeng Vanglian Topa’ tung panin Israel miteʼ sungah lim le kihilna ka hi uh hi.

Piancilna 48:4

kei kiangah, ‘En in, nang hong pungsakin, mihing hon khatin hong bawlin, nangʼ khit cianga na suanlekhakteʼ tungah a neih tawntung dingun hih leitang ka pia ding hi,’ hong ci hi.

Piancilna 33:5

Esau khuadak to-in nupite le naupangte a muh ciangin amah in, “Nang tawh a om hihte kua ahi hiam?” a ci hi. Jakob in, “Pasian in hehpihna tawh na nasem pa a piak tate ahi hi,” a ci hi.

Piancilna 1:28

Pasian in amaute thupha pia a, Pasian in amaute tungah, “Ci pha-in tampi pha unla, leitung dimin zo un. Tuipi ngasate tung, leitungah a gamtang, a nungtate tungah ukna nei ta un,” a ci hi.

Piancilna 24:60

Amaute in Rebekah thupha pia-in ama kiangah, “Koteʼ sanggamnu aw, a tultul a thenthenteʼ nu hi ta in. Na suanlekhakte in amau a mudahteʼ khuapite luah ta uh hen!” a ci uh hi.

1 KHANG TANGTHU MASATE 28:5

Tua ciangin ka tapate khempeuh lak panin (bang hang hiam cih leh Topa in kei tungah tapa tampi hong pia hi) Israel-te a ukin Topaʼ kumpi tokhom tungah a tu dingin amah in ka tapa Solomon teel khin hi.

Isaiah 13:18

Amauʼ thalte in tangvalte that ding hi. Amaute in gil sung pan a piang naungekte hehpih lo ding uh hi. Amauteʼ mit in naupangte khasiat lo ding hi.

Piancilna 4:1

Tu-in mipa in ama zi Eve luppih a, amah gai-in Kain nei a, “Topaʼ huhna tawh mi khat ka ngah khin hi,” ci hi.

Thu-hilhkikna 28:11

Note piak dingin na pu na pate uh tungah Topa in a ciam sa gam sungah noteʼ sung pan a piangte, na gan khawi pan uh a piangte le na leitang pan uh a piangte ah Topa in note nakpi takin hong hausak ding hi.

Thukhente 12:9

Amah in tapa sawm thum nei hi. Ama beh pualam mite tungah tanu sawm thum mo kha a, a pualam panin a tapate adingin tanu sawm thum la hi. Amah in Israel-te kum sagih sung thu khen hi.

2 SAMUEL NIHNA 3:5

A gukna pen Davidʼ zi Eglah ta Ithream ahi hi. Hihte pen Hebron khua ah Davidʼ sung pan a suak ahi hi.

1 KHANG TANGTHU MASATE 8:40

Ulamʼ tapate a thahat galhangte, thal tawite, tapa tampi le tupa tampi a neite hi a, mi za le sawm nga pha uh hi. Hihte khempeuh Benjamin minamte ahi uh hi.

JOB (Job) 1:2

Amah in tapa sagih le tanu thum nei hi.