Late 118:6 - Tedim Bible Revision 2017

⁶ Topa in kei hong ompih hi. Bangmah ka kihta kei ding hi. Mihingte in kei, bang hong cih zo ding ahi uh hiam?

Tedim Bible

⁶ Topa in kei hong ompih hi; bangmah ka kihta kei ding hi. Mi in kei bang hong cih zo ding ahi hiam?

Late 118:6 Referans Kwoze

Hebru 13:6

Tua ahih manin kimuanna lungsim tawh hang takin, “Topa, kei hong huhpa hi a, ka lau kei ding hi. Kua in bang hong cih zo ding ahi hiam?” ci ngam ni.

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong kop pih peuh leh kua in eite hong zo zo ding ahi hiam?

Late 56:4

A thu ka phat Pasianʼ sungah, lunghihmawhna khat zong nei het loin Pasian ka muang hi. Mihing ahi lelte in kei, bang hong cih zo ding ahi hiam?

Late 56:11

lunghihmawhna khat zong nei het loin Pasian ka muang hi. Mihing lellelte in kei, bang hong cih zo ding ahi uh hiam?

Late 56:9

Tua ciangin, keimah in kong koh ni peuh ciangin ka galte nungkik ding hi. Pasian pen keima-aʼ ahihna ka thei hi.

Jeremiah 20:11

Ahih hangin Topa pen a kihtakhuai galhang pa bangin kei tawh hong om khawm gige hi. Tua ahih manin kei hong bawlsiate tuk ding uh a, kei hong zo lo ding uh hi. A tawntung a a mindaina uh kimangngilh ngei lo ding hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Late 23:4

Topa aw, kei hong ompih na hih manin khuamial thukpi ka nawk hangin ka lau kei hi. Na molhtum le na ciangkhut in kei hong hu hi.

Late 46:11

Vanglian Topa, eite tawh hong om khawm a, Jakobʼ Pasian, eima belh ahi hi.

Late 146:5

Jakobʼ Pasian pen amah huhpa hi-in, ama Topa Pasian a muang mipa mi lungdam ahi hi.

Late 46:1

Pasian, i belh leh i thahatna hi a, haksat hunin a hong huh pahpah pa ahi hi.

1 SAMUEL MASA 17:11

Saul le Israel-te khempeuh in Filistia mipaʼ kammalte a zak uh ciangin amaute lungkia-in nakpi takin a lau uh hi.

1 SAMUEL MASA 17:37

Tua ciangin David in, “Humpinelkai khecin le vom khecin panin kei a hong hon khia Topa in hih Filistia-paʼ khut sung panin zong kei hong hon khia ding hi,” ci thuah lai hi. Tua ciangin Saul in David kiangah, “Pai in; Topa in nang hong ompih tahen!” a ci hi.

Late 56:5

Amaute in ka vai siatsak ding sun thapai-in hanciam uh a, amauʼ ngaihsutnate khempeuh keima siat nading ahi hi.

Late 56:10

A thu ka phat Pasianʼ sungah, a thu ka phat Topaʼ sungah,

Late 56:12

Pasian aw, nang tungah ka kiciamna ka zuih kul hi. Nangma tungah lungdamna kong thuk hi.

Late 94:16

Kei adingin migilote a do dingin kua kipan ahi hiam? Kei adingin siatna a bawlteʼ lang khat ah kua ding ahi hiam?

Late 112:8

Amah lau loin, lunghimawh loin om hithiat a, amah a langpangte a guallelh ding a thei tel hi.