Late 113:3 - Tedim Bible Revision 2017

³ Nisuahna pan nitumna dongin Topaʼ min phat ding ahi hi.

Tedim Bible

³ Nisuahna pan nitumna dongin Topa’ min phat ding ahi hi!

Late 113:3 Referans Kwoze

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Late 18:3

A phat taak Topa ka sam a, ka galte kiang panin kei hong hon khia hi.

Isaiah 49:13

Vantungte aw, lungdamin la sa un. Leitung aw, lungdamin diang in. Mual liante aw, lungdamin la sa-in awng khia un! Bang hang hiam cih leh Topa in ama mite hehnem ta a, gimna a thuak ama mite hehpih ta ding hi.

Late 86:9

Topa aw, na bawl sa minam khempeuh hong pai-in na mai ah hong kun ding uh a, nangma min hong phat ding uh hi.

Isaiah 59:19

Tua ahih ciangin nisuahna le nitumna kikalah a om mi khempeuh in amah zahtakin, a vangliatna kihta ding uh hi. Bang hang hiam cih leh huihpi nung bang, tuipi khang bangin amah hong pai ding hi.

Late 48:10

Pasian aw, na min in leimong dong a zelh bangin, nangmah hong kiphatna in zong a zel hi. Na taklam khut gualzawhna tawh a kidim hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Late 72:11

Kumpi khempeuh ama mai ah bok uh henla, minam khempeuh in ama na sem ta uh hen.

Habakkuk 2:14

Tuipi, tui tawh a kidim mah bangin Topa’ minthanna theihna tawh leitung kidim ding hi.

Late 50:1

Vanglian, Topa Pasian hong pau khia a, nisuahna le nitumna kikal leitung mi khempeuh a khawm hi.

Isaiah 24:16

Leimong a gamla pek pan nangawnin a thuman Israel minamte a kiphatna la i za ding hi. Ahih hangin keimah in, “Ka lungkham hi; ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khem zawh thu mah ciamciam lai uh hi,” ka ci hi.