Late 112:3 - Tedim Bible Revision 2017

³ Hauhna le nopsaknate a innkuan sungah dim dinga, ama thumanna kip tawntung ding hi.

Tedim Bible

³ Hauhna leh nopsaknate ama inn sungah dim ding a, ama thumanna kip tawntung ding hi.

Late 112:3 Referans Kwoze

Paunak 15:6

Thuman miteʼ neihsa kip a, migiloteʼ hauhna in lungkham a guan hi.

Paunak 3:16

Pilna in khan hong sausak a, hauhna le pahtawina zong hong pia thuah lai hi.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Isaiah 33:6

Amah pen nangma hunte a kipna, hotkhiatna a kicinna, pilna le theihna hi ding hi. Topa kihtakna pen ama sumgum hi ding hi.

Late 112:9

Amah in hawm khia zuahzuah a, mizawngte tungah a pia khia hi. Ama migitna kip tawntung a, amah vanglianin kipahtawi ding hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Late 111:10

Topa zahtakna pen pilna kipatna ahi hi. Ama thupiak a zuite khempeuh tungah thukhen siamna a pia hi. Amah phat tawntung ding ahi hi.

Late 111:3

Ama nasepnate, pahtawina le minliatna tawh kidim a, ama thumanna kip tawntung hi.

Isaiah 51:8

Bang hang hiam cih leh nget in puan a nektum bangin amaute bei mang dinga, lungno in samul puan a peh tum bangin amaute maimang ding uh hi. Ahih hangin keima khah khiatna om tawntung dinga, khang tawntungin ka hotkhiatna kip ding hi,” a ci hi.

Isaiah 32:17

Tua ciangin thumanna hangin nopna om dinga, thumanna hangin daihna le lungmuan tawntungna om ding hi.

JOB (Job) 5:24

Na inn sungah lunghihmawhna ding om lo hi, ci-in na thei dinga, na inn kiim na et ciangin a kitasam bangmah om lo ding hi.

Late 34:10

Humpinelkai khanglaite in kisapna le gilkialna thuak a, ahih hangin Topa a zongte in na hoih a kisap uh om lo hi.

Late 34:11

Tate aw, hong pai unla hong ngai un; Topa zahtakna thu kong hilh ding hi.

Paunak 21:20

Mipil paʼ inn sungah neihlelam a dimin om a, ahi zongin mihai pa in a ngah zahzah zang khia pah hi.