Late 112:10 - Tedim Bible Revision 2017

¹⁰ Migilo in hih thu mu-in a heh suak mahmah a, a ha gawigawi-in a tui mang hi. Migiloteʼ lametna a mawkna a suakta hi.

Tedim Bible

¹⁰ Migilo in hih thu mu-in a hehsuak a, a ha gawigawi-a tuimang hi; migilopa’ lametna in a mawkna suak ta hi.

Late 112:10 Referans Kwoze

Luka 13:28

Pasianʼ Ukna sungah Abraham, Isaac, Jakob le kamsangte khempeuh a omna mu napi-in, note a pua lamah hong kihawlkhiat ciangin tua huna na kahna uh le na ha gawina uh bangzah takin nasia ding ahi hiam?

Paunak 11:7

Migilote a sih ciangin a lametna teng uh tawh bei khawm a, hauhna suanna a mawkna a suak hi.

Paunak 10:28

Mihoihteʼ lametna lungdamna hi a, migiloteʼ lametna a hawmpi ahi hi.

Late 86:17

Topa nangmah in kei hong huhin, nong thahatsakna hangin, kei hong mudahte in mu-in a zahhuai nadingun keima tungah na maipha hong lak in.

Late 37:12

Migilo in thuman pa sawm a, a ha a gawi san hi.

JOB (Job) 8:13

Pasian a mangngilhte tua bangmah ahi hi. Pasian a don lo miteʼ lametna a bei ta ahi hi.

Mattiu 22:13

Tua ciangin kumpipa in a nasemte kiangah, ‘A khut a khe hen unla, pualam khua mialna lakah lawn khia un; tua lai ah kapin a hagawi ding hi,’ a ci hi.

Mattiu 8:12

Ahi zongin vantung ki-ukna sungah a om dingin a kingaihsun Israel mite ahihleh pualam khuamialna ah kilawn khia dinga, tua lai ah kapin a hagawi ding uh hi,” a ci hi.

Nehemiah 2:10

Ahi zongin Israel miteʼ phattuam nading a sem dingin mi khat a paina thu Horonaim khuami Sanballat le Ammon mi sal ahi Tobiah in a zak uh ciangin nakpi takin lungkim lo uh hi.

JOB (Job) 20:7

leivui them bangin maimang veve lel ding hi. Amah a thei ngei mite in, ‘Amah koi ah om ta ahi hiam?’ ci-in lamdang sa ding uh hi.