Late 102:19 - Tedim Bible Revision 2017

^19-22 Mihingte, kumpi gamte, Topa a bia dingin a kikaihkhop uh ciangin, mite in Zion khua sungah Topaʼ min, Jerusalem khua sungah amah phatna a pulak theih nadingun, thongkiateʼ taunate a za ding le a si dingin a kisehte a khah khia dingin a sangna ama siangtho mun panin amah in hong en sukin, vantung panin Topa in leitung hong en hi.

Tedim Bible

^19-22 Mihingte, kumpi gamte, Topa bia dingin a kikaikhop uh ciangin, mite in Zion khua sungah Topa’ min leh, Jerusalem khua-ah amah phatna a pulak theih nadingun, thongkiate’ taunate za ding leh a si dinga kisehte a khahkhia dingin amah in a sangna ama siangtho mun panin hong ensukin, vantung panin Topa in leitung hong en hi.

Late 102:19 Referans Kwoze

Thu-hilhkikna 26:15

Vantung, nangma omna a siangtho panin hong en suk inla, koteʼ pu le pate tungah bawngnawi le khuaizu tui bangin a luanna gam na ciam mah bangin, nangma mi Israel-te le na hong piak sa leitang thupha hong pia in,’ na ci ding uh hi.

Late 14:2

A pil gamtat, Pasian a zong a om uh hiam, cih a theih nadingin Topa in vantung panin mihingte hong en suk hi.

JOB (Job) 22:12

“Van a sang pen dawnah Pasian a om hi a, a sang mahmah a om aksite hong suk et lai hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubaang lo miteʼ tangin ama vangliatna a lak dingin Topaʼ mit in leitung khempeuh en kawikawi hi. Hih thu ah na hai gamtat khin hi; bang hang hiam cih leh tu a kipan gal na do ding hi,” a ci hi.

1 KUMPI MASATE 8:43

na teenna vantung panin za inla, tua gamdang mipa in nang tungah hong ngetna khempeuh tawh kizui-in hih in. Nangma mi Israel-te mah bangin leitung mi khempeuh in na min thei-in nang hong zahtak nading le hih ka lam sa biakinn pen nangma min tawh a kilo ahihna a theih nading uh ahi hi.

1 KUMPI MASATE 8:39

na teenna vantung panin za-in maisak in. Tua ciangin amauʼ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihing khempeuh lungsim na thei hi).