Late 102:17 - Tedim Bible Revision 2017

¹⁷ Amah in mi cimawhteʼ thungetna kinin, amauʼ thumna simmawh lo ding hi.

Tedim Bible

¹⁷ amah in, mi cimawhte’ thungetna kin-in, amau’ thuumna simmawh lo ding hi.

Late 102:17 Referans Kwoze

Nehemiah 1:6

Israel mi ahi na nasemteʼ tangin sun le zanin kong thunget nilohna a ngai dingin na bil hong ngat inla, na mit hong hak in. Nangma tungah ko Israel mite ka khialhna uh, keimah le ka pu ka pate zong ka khialhna uh ahi ka mawhnate uh kong pulak uh hi.

Late 72:12

Bang hang hiam cih leh mi cimawhte in a koh ciangin amah in hon khia a, mizawng, a huh ding a om lote amah in a hon khia hi.

Late 22:24

Bang hang hiam cih leh amah in a thuak miʼ gimna simmawh bawl lo a, zong kihbawl lo hi. Ama kiang pan a mai seel lo a, ama tungah a koh ciangin, amah in a za hi.

Late 9:18

Bang hang hiam cih leh mi cimawhte kimangngilh den lo dinga, mizawngteʼ lametna bei paisuak lo ding hi.

Thu-hilhkikna 32:36

Bang hang hiam cih leh amauteʼ vang a beina le sila le sila ahi lote a beina a muh ciangin Topa in a miteʼ dikna kilangsak dinga, ama nasemte tungah hehpihna nei ding hi.

Thu-hilhkikna 4:29

Ahih hangin tua lai panin Topa na Pasian uh na zong ding uh a, na lungsim khempeuh uh le na nuntakna khempeuh uh tawh na zon uh leh amah na mu ding uh hi.

Nehemiah 1:11

Keima hong thungetna le nangma min a zahtak nuam na nasemteʼ thungetna na bil hong ngat in. Tu-in kei tungah maavanna hong pia inla, kei tungah hih kumpipa hong migitna ding lungsim hong guan in,” ka ci hi. Tua hun laitakin kei pen kumpipaʼ an a pia pa ka hi hi.

Late 69:23

Khua a muh theih loh nadingun amauʼ mit mialsak inla, a kawngte uh zawcipsak in.

Nehemiah 2:20

Tua ciangin amaute dawngin, “Vantung Pasian in ka maa uh hong telhsak dinga, ko ama nasemte in nasep a kipan ta ka hi uh hi; note in ahihleh Jerusalem tawh kisai-in thu na neih theih nadingun bangmah kimematna na nei kei uh hi,” ka ci hi.

Late 147:2

Topa in Jerusalem khuapi lam a, amah in a kinil khia Israel-te a kaikhawm hi.

Isaiah 40:5

Topa’ kam in gen khin ahih manin, Topa’ minthanna vang hong kilang dinga, mi khempeuh in mu khawm ding uh hi,” a ci hi.

Isaiah 44:26

a nasem paʼ thu kipsakin, a kamtaiteʼ thugente a sem pa, ‘Jerusalem khua ah mi teengin, Judah khuapite kilamkik dinga, a kisia khuate ka lamkik ding hi,’ a ci pa;

Jeremiah 31:38

Topa in kong cih in ah, “Hananel Tausangpi panin khuakulh Kiu Kongpi dongin khuapi a kibawl phat hun hong tung ding hi.