Late 102:15 - Tedim Bible Revision 2017

¹⁵ Minamte in Topa hong zahtakin, leitung kumpi khempeuh in na minthanna hong zahtak ding uh hi.

Tedim Bible

¹⁵ Minamte in Topa hong zahtak-in, leitung kumpi khempeuh in nangma minthan’na hong zahtak ding uh hi.

Late 102:15 Referans Kwoze

1 KUMPI MASATE 8:43

na teenna vantung panin za inla, tua gamdang mipa in nang tungah hong ngetna khempeuh tawh kizui-in hih in. Nangma mi Israel-te mah bangin leitung mi khempeuh in na min thei-in nang hong zahtak nading le hih ka lam sa biakinn pen nangma min tawh a kilo ahihna a theih nading uh ahi hi.

Late 138:4

Topa aw, leitung khempeuh in na thuciamnate za khin uh ahih manin nang hong phat ding uh hi.

Late 86:9

Topa aw, na bawl sa minam khempeuh hong pai-in na mai ah hong kun ding uh a, nangma min hong phat ding uh hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Late 72:11

Kumpi khempeuh ama mai ah bok uh henla, minam khempeuh in ama na sem ta uh hen.

Mangmuhna 21:24

Tua a taang sungah leitung mite lam pai ding uh a, leitung kumpite in a neihsa khempeuh uh hong paipih ding uh hi.

Isaiah 55:5

Tu-in note in na theih ngei loh uh minam dangte na sam ding uh a, amah in note hong min thangsak zo ahih manin, Topa noteʼ Pasian, Israel-teʼ Siangtho Paʼ hangin note hong thei lo minamte note kiangah hong tai ding uh hi.

Nehemiah 1:4

Hih thu ka zak ciangin tu sukin ka kap niloh a, ni tampi sung an tangin, vantung Pasian kiangah thu ka ngen hi.

Nehemiah 2:3

kumpipa ka dawng a, “Kumpipa nungta tawntung in. Ka pute ka pate a kivuina khuapi sia gawp a, a kongpite kaang tum ahih ciangin mai khing loin bangci om theih ding ka hi hiam?” ka ci hi.

Nehemiah 2:17

Tua ciangin amaute kiangah, “I lungkhamna thu na thei uh hi. Jerusalem a siasa-in omin, a kongpite mei in kaang tum hi. Hong pai un, zahkona i ngah nawn loh nadingin Jerusalem kulh ciang pha ni,” ka ci hi.