Late 102:1 - Tedim Bible Revision 2017

¹ Topa aw, ka thungetna hong za inla, ka thumna hong ngai in.

Tedim Bible

¹ Topa aw, ka thungetna hong za in la, ka hong thuumna hong ngai in.

Late 102:1 Referans Kwoze

Late 18:6

Ka gimna ah Topa ka sam a, ka Pasianʼ tungah huhna ngenin ka kiko hi. Amah in a biakinnpi panin ka aw hong za a, amah ka kohna aw in ama bilte va ban to hi.

Late 61:2

Ka lungsim a neu ciangin, leimong panin nang kong sam hi. Keimah sangin a sang zaw suangpi tungah hong paipih in.

Late 39:12

Topa aw, ka thungetna hong ngai inla, ka kikona hong za in. Ka khitui luanna hong thudon in. Bang hang hiam cih leh ka pu ka pate khempeuh bangin kei zong na zin, na peemta ka hi hi.

Paikhiatna 2:23

Tua zawh kum tampi khit ciangin Egypt kumpipa si hi. Israel mite a salsuahna sung uh ah amauʼ kikona Pasian kiang tung hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Luka 22:44

Lunggim mahmah ahih manin nakpi takin thu ngen semsem a, leilak a si mal gol taak bangin a khua-ul a taak hi.

Kah la 3:44

Na hehna, meiipi zahin sah mahmah ahih manin ka thungetna uh na kiang a hong tung zo kei hi.

Kah la 3:8

Hong huh un, ci-in ka kiko hangin ka kikona aw a pua lamah a kiza zo kei hi.

Late 143:7

Topa aw, kei hong dawng mengmeng in. Kei ka cimawh ta hi. Leihawm sung misite kiangah a pai sukte tawh ka kibat loh nadingin kei kiang panin na maitang seel kei in.

Late 143:4

Tua ahih ciangin cih nading ka thei nawn kei a, ka lungtang ah si teng nawn lo hi.

Late 5:2

Ka kumpi le ka Pasian aw, nangma tungah hong thum ka hih manin ka kikona aw hong ngai in.

2 KHANG TANGTHU NIHNATE 30:27

Tua ahih ciangin siampite le Levi mite dingin mite thupha pia uh a, amauʼ awging kiza-in, amauʼ thungetna in vantung a a siangtho ama teenna a ban to hi.

1 SAMUEL MASA 9:16

“Zing ciang tu bang hunin Benjamin gam sung panin nang kiangah mi khat kong sawl dinga, nangmah in ka mi Israel-te tungah ulian dingin amah sathau na nilh ding hi. Amah in Filistia miteʼ khut sung panin ka mite hon khia ding hi; bang hang hiam cih leh amauteʼ kikona kei kiang hong tung khin ahih manin ka miteʼ gimna ka mu khinzo hi,” a ci hi.

Thukhente 10:16

Tua ahih ciangin amaute in amauʼ lak panin gamdang pasian-te koih khia-in Topa a bia uh hi. Tua ahih ciangin Israel-teʼ gentheihna ah amah a dah hi.

Late 145:19

Amah a zahtakteʼ deihna a kicingin tungsak a, amauteʼ kikona zong za-in amaute a hon khia hi.

Late 77:3

Keimah in Pasian ka ngaihsun a, ka tautau hi. Lung ka geelgeel a, ka gim mahmah hi.

Late 62:8

Mite aw, amah muang tawntung unla, na lungkhamna teng uh ama tungah gen un. Pasian, eiteʼ bukna ahi hi.

Late 42:4

Ka lungsim sung ka suah khia a, pawi bawl mihon khat kipakin otna le nuamna la tawh Pasianʼ inn ah ka makaihna, mihonpi tawh ka paina ka phawkkik hi.

Late 12:5

Topa in, “Mizawngte a neihsa kihawk khia a, mi cimawhte thumin tau uh ahih ciangin tu-in dingin, amauʼ lunggulh, lungmuanna munah amaute ka koih ding hi,” a ci hi.