Late 100:2 - Tedim Bible Revision 2017

² Lungdamna tawh Topaʼ na sem un. Ama omna ah la sa kawmin hong pai un.

Tedim Bible

² Lungdamna tawh Topa’ na sem un! Ama omna-ah la sa kawmin hong pai un!

Late 100:2 Referans Kwoze

Filippi 4:4

Topa sungah lungdam tawntung un, ka hong cih sa bangin tu-in zong lungdam un, ka hong cikik hi.

Late 71:23

Nangmah phatna ka sak ciangin nuamin ka awng dinga, na hong hotkhiatna hangin ka lungsim khempeuh tawh nuamin ka awng ding hi.

Late 95:2

Ama omna ah lungdamna ko-in pai ni. Phatna late, ama tungah lungdam takin sa ni.

Thu-hilhkikna 28:47

Hih a tampi nate khempeuh om napi-in note in lungdamna le lungsim kipahna tawh Topa noteʼ Pasianʼ na sem lo na hih manun,

Late 42:4

Ka lungsim sung ka suah khia a, pawi bawl mihon khat kipakin otna le nuamna la tawh Pasianʼ inn ah ka makaihna, mihonpi tawh ka paina ka phawkkik hi.

Thu-hilhkikna 12:12

Topa na Pasian uh mai ah note le na tapate uh le na tanute uh, na nasem numeite uh le na nasem pasalte uh le noteʼ neih bangin tanh ahi a, luah ahi zongin a nei lo na khua sung uh a om Levi mite tawh lungdam khawm un.

Thu-hilhkikna 16:11

Topa na Pasian uh mai, ama min om nadingin Topa na Pasian un a teelna munah, note a kipan na tanute le na tapate, na nasem numeite le na nasem pasalte, na khua sunga om Levi mite, peemtate, pa nei lote le note lakah a om meigong numeite tawh na lungdam khawm ding uh hi.

Thu-hilhkikna 16:14

Tua pawi sungah nang a kipan na tanute le na tapate, na nasem numeite le na nasem pasalte, Levi mite, peemtate, pa nei lote le na khua sunga om meigong numeite tawh na lungdam khawm ding uh hi.

1 KUMPI MASATE 8:66

A ni giat ni-in amah in mite ciahsak hi. Amaute in kumpipa thupha pia uh a, Topa in a nasem pa David le ama mi Israel-te tungah hoihna a lahnate khempeuh hangin lungdamna le lungsim kipahna tawh a inn ciat uh ah a ciah uh hi.

2 KHANG TANGTHU NIHNATE 31:2

Tua ciangin Hezekiah in siampite le Levi mite amauʼ nasep ciat tawh kizui-in a khen a khenin seh a, siampite le Levi mite in meihal biaknate le thunuam a biakna te pia-in, Topaʼ biakinn sung phual tuamtuamte ah na semin lungdamkohna le phatna a bawl ding uh ahi hi.

2 KHANG TANGTHU NIHNATE 29:30

Tua ciangin Davidʼ kammalte le thumu pa Asafʼ kammalte zangin Topaʼ tungah phatna la a sak nadingun kumpipa Hezekiah le uliante in Levi mite thu a pia uh hi. Tua ciangin amaute in lungdamna tawh phatna late sa uh a, tua ciangin amaute kunin Pasian a bia uh hi.