Late 10:3 - Tedim Bible Revision 2017

³ Bang hang hiam cih leh migilo in a lungsim deihna kisaktheih pih a, ngahna dingah a huaiham pa in Topa phuisamin a taisan hi.

Tedim Bible

³ Bang hang hiam cih leh migilo in a lungsim deihna kiphatsak pih a, ngah nading a huaihampa in, Topa phuisam-in taisan hi.

Late 10:3 Referans Kwoze

Late 94:4

Gamtat siate bang tanvei kihisak lai ding uh a, a siat gamtatna uh bang tanvei kisialh pih lai ding ahi uh hiam?

Luka 12:19

Tua ciangin keimah in: Mi hampha mahmah ka hi hi. Kum tampi sung ka khom ding an nek tui dawn le na hoih tampi ka nei hi. An ne, zu ne-in, a nuam theithei-in ka om hithiat ding hi,’ ci hi.

Isaiah 37:23

Nang in kua zahko-in kua a simmawh na hi hiam? Nang in kuaʼ tungah na aw sangsakin kiphasak na hi hiam? Israel-teʼ Siangtho Pa, keiʼ tungah a hong tua ci na hi hi.

Paunak 28:4

Thukham a zui lo mite in migilote pakta uh a, thukham a zui mite ahihleh migilote tawh kilem lo uh hi.

Late 49:6

Mite in a hauhna uh muangin, tampi a neihna uh a kisaktheih pih hangun,

Late 35:21

Amaute in kei hong kamkat beba uh a, amaute in, “Ha, Ha! Mu khin hang ei!” ci uh hi.

Late 5:6

Zuau thu a gen mite nangmah in na susia hi. Topa in mi thahnopna lungsim le mi khemnopna lungsim a neite a mudah hi.

JOB (Job) 31:24

“Leitung hauhna muan le suanin ka nei ngei kei a,

Paikhiatna 15:9

Galte in, ‘Ka delh dinga, ka pha ding hi. A nate uh ka hawm dinga, ka deih zahzahin, tuate ka tang ding hi. Ka namsau ka dok dinga, ka khut in amaute susia ding hi,’ ci hi.

1 JOHAN MASA 2:15

Hih leitung nate le Pasian tawh a kizom lo thute deih luatin nei kei un. Mi khatpeuh in hih leitung nate a deih luat leh amah in Pa Pasian it taktak thei lo hi.

Jeim 4:13

Tu ni ahih kei leh zing ciangin tua khua tua khua ah va pai-in, kum khat bang va omin, sum bawlin a meet tampi va ngah ni, a ci mite aw, ka thugen hong ngai dih un.

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna le milim biakna nam khat ahih manin huaihamna ahi note sungah a om leitung lungsimte na sisak un.

Efesa 5:5

Nulepa khialhna a gamta mi, a kilawm lo-a a gamta mi le a huaiham (huaihamna zong milim biakna zahin sia hi) mite in Khris Ukna le Pasian Ukna sungah bangmah ngah nei het lo ding ahihna uh teltakin thei ta un.

1 KORIN MASA 6:10

a gutate, a huaihamte, zukhamte, mi gensiate, ahih kei leh miʼ na a sutte khat beek, Pasianʼ Ukna sungah lut thei het lo ding hi.

ROM (Romans) 1:32

Tua bangin a gamtate in sihna thuak ding hi, ci-in Pasianʼ thukhenna thei napi-in, tua bangin amaute a gamtat uh banah, tua bangin a gamtate pakta-in a awi zawsop lai uh hi.

ROM (Romans) 1:29

Siatna nam khempeuh ahi, hoih lohna, huaihamna, khatlekhat kisiatsak nopna, hazatna, mi thahna, kitotna, khemna, a sia lam bekbek ngaihsutna, zuaugenna,

Luka 12:15

Tua ciangin Jesu in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzah ta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Habakkuk 2:9

Miʼ van na suhna uh tawh na mite uh hausakin, lauhuaina le siatna a ngah loh nadingin na innkuan uh bawl na hih manun gim na ngah ding uh hi.

Jeremiah 22:17

Ahih hangin note in thuman lo tawh ngah nading ahi zongin, mimawh loteʼ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Isaiah 57:17

Amauʼ huaiham-mawhna hangin ka heh mahmah a, ka hehna lungsim tawh amaute gim pia-in ka nusia hi. Ahih hangin amaute a lungsim uh khauhin, a gamtat ngei bangun gamta lai veve uh hi.

Late 52:1

Mi thahatpa aw, bang hangin miphate suksiatna ah kisial na hi hiam? Sun thapai-in, suksiatna na ngaih sunsun hi.

Late 49:18

A hin lai-in amah a lungdamin kingaihsunin, mi khat in ama ading na a lim sep ciangin phatna a ngah hangin,

1 SAMUEL MASA 23:21

Tua ciangin Saul in, “Topa in note thupha hong pia tahen. Bang hang hiam cih leh note in kei tungah hehpihna nong nei uh hi.

Thu-hilhkikna 32:19

“Topa in tua thu thei a, a tapate le a tanute in amah hehsak uh ahih manin tua ama tate a nolh hi.

Siampi Laibu 26:30

Keimah in mual dawna na biaknate uh susia-in, na paknamtui biakna taute uh phukin, noteʼ milimʼ siluang hawmte tungah na luanghawmte uh ka pai dinga, keimah in note kong kih ding hi.

Jeim 4:16

Ahi zongin note kihisakin na kisial uh hi. Tua bangte hoih het lo hi.

Thukhente 17:2

Amah in a nu kiangah, “Ngun pek tul le za khat hong kiguksak lai-in a gu pa na samsiatna thu ka za hi. A ngunte pen keima guk hi a, tu-in hih lai ah tuate om hi,” a ci hi. Tua ciangin a nu in, “Ka tapa aw, Topa in thupha hong pia tahen,” a ci hi.

1 KUMPI MASATE 20:25

Tua ciangin na taan sa galkap tawh a kibang galkap, sakol tangin sakol, leeng tangin leeng khawm in. Tua ciangin zanglei ah amaute i do dinga, amaute sangin eite i hat zaw taktak ding hi,” a ci uh hi. Tua ciangin amah in amauʼ thu ngai-in a hih hi.

Thuhilh-sia 7:15

Ka nuntakna a mawknapi hi a, ahi zongin ka nuntak sungin thu khempeuh ka thei hi. Mi khat hoih napi-in si a, mi khat siahuai napi-in a khansau hi.