Late 1:5 - Tedim Bible Revision 2017

⁵ Tua ahih ciangin migilote in thukhenna thuak zo lo ding uh a, mimawhte pen midikteʼ pawl sungah kihel thei lo ding uh hi;

Tedim Bible

⁵ Tua ahih ciangin migilote in thukhenna nang zo lo ding a, mimawhte in midikte’ pawl sungah kihel thei lo ding hi;

Late 1:5 Referans Kwoze

Late 5:5

A kisathei mite nangma mit tawh kituak lo a, siatna a bawlte khempeuh nangmah in na mudah hi.

Mattiu 25:46

Tua ahih ciangin tawntung gim thuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Malakhi 3:18

Tua ciangin midikte le migilote le keima na hong semte le hong sem lote a kilamdanna na mukik ding uh hi,” a ci hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite adingin a kibawl meikuang tawntung sungah pai un.

Luka 21:36

Hih thupiang khempeuh thuak zawh nading thahatna na neih nading uh le Mihing Tapa mai ah na din theih nadingun a tawntungin thu ngenin vil niloh un,” a ci hi.

Mattiu 25:32

Ama mai ah leitung minam khempeuh hong kikhawm ding hi. Gancing pa in tuu le keelte a khen mah bangin mi khempeuh khen nihin hong koih ding hi.

Mattiu 13:49

Leitung hun bei ciangin zong tua bangmah hi ding hi. Vantung mite hong pai-in mihoihte lak panin migilote la khia-in,

Juda 1:15

Pasianʼ deihna bangin a gamtat lohna hang uh le kam hoih lo pipi zangin Pasian a gensiatnate uh hangin Pasianʼ deihna bangin a gamta lo mite tungah thu khenin mawhsakna pia ding hi,” na ci hi.

Late 26:9

Mimawhte, mi that nuamte, siatna a bawl mite, le golhguk a la nuamte tawh kei hong susia khawm kei in.

Late 9:16

Topa in thu hong khenin migilote amauʼ nasepna mahah awksakna tawh amah hong kilang hi.

Late 24:3

Topaʼ mual tungah kuate kah to ding ahi hiam? Ama mun siangtho ah kuate ding ding ahi hiam?