Kolose 4:7 - Tedim Bible Revision 2017

⁷ Topaʼ nasepna ah citakin a manpha mahmah ka nasep pih uh ka sanggam uh Tikhikas in keiʼ thu a kicing takin note kiangah hong gen ding hi.

Tedim Bible

⁷ Topa sungah dikna nei-in nasem khawm sila ka hihpih, a it huai mi ahi sanggampa Tikhikas in keima thu a om khempeuh note kiangah a hong gen ding hi.

Kolose 4:7 Referans Kwoze

2 TIMOTI NIHNA 4:12

Tikhikas ahihleh Efesa khua ah ka paisak khin hi.

Sawltak 20:4

Berea khuami Pirrasʼ tapa Sopater, Thesalonika khuami Aristarkhas le Sekundus, Derbe khuami Gaias, Timoti le Asia gam sung panin Tikhikas le Trofimas te in zong a zui uh hi.

Titu 3:12

Artemas ahi a, Tikhikas ahi zongin khat peuhpeuh nang kiangah ka hong paisak ciangin, Nikopolis khua ah phalbi sung om sawm ka hih manin, kei omna tua khua ah nong pai theih nadingin hong hanciam in.

Kolose 4:9

Noteʼ khuapih mi, a citak i sanggam it pa Onesimas zong ka hong zuisak hi. Amau tegel in hih lai-a thupiang khempeuh note kiangah hong gen ding uh hi.

Kolose 4:12

Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

Filippi 2:25

Note in kamtai ding le keimah hong huh dingin na hong sawl uh, kei tawh na sem khawmin gal hong sim pih, i sanggampa Epafroditas pen note kiangah ka hong ciahsakkik ding kisam hi, ci-in ka ngaihsun hi.

Kolose 1:7

Hih thu pen, Khris nasepna sungah koteʼ tangin citakin na a sem, koteʼ nasep pih Epafras tung panin na zak uh ahi hi.