Kolose 4:6 - Tedim Bible Revision 2017

⁶ Kam na pau uh ciangin miʼ zaknop, miʼ ngaih nop dingin na pau un. Tua hileh na kihopih uh mite khempeuh adingin phattuamna a nei kam a pau na hi ding uh hi.

Tedim Bible

⁶ Mi khempeuh tungah bang ci dawn’ kik ding cih na theih nadingun, note kam in ci al bangin a al limna tawh dimin kilawm tawntung ta hen.

Kolose 4:6 Referans Kwoze

Efesa 4:29

Na kiho uh ciangin kamguh zang kei unla, na pauna uh a za mite in phattuamna a ngah theih nadingin na-in a kimang kam hoihte bek na pau un.

1 PETER MASA 3:15

Na lungsim sung uh ah Khris zahtak bawl unla, amah Topa-in nei un. Noteʼ lametna thu a hong dong a om khak leh hoihtakin a gen thei dingin kiging tawntung unla, ahi zongin lungnemna le zahtakna lim tawh gen un.

Thuhilh-sia 10:12

Mipilteʼ kampauna in pahtawina ngahsak a, mihaiteʼ kampauna in amau mah siasak hi.

Marka 9:50

Ci hoih hi; ahi zongin a alna mang leh bangci alsakkik thei ding na hi uh hiam? Note in ci al bangin hoihna nei unla, khatlekhat kilem un,” a ci hi.

Paunak 15:4

Kam khum in nuntakna piangsak a, kam sia in lung gimsak hi.

Paunak 15:7

Mipilteʼ kampauna in pilna khangsak a, mihaiteʼ lungsimah thuman lohna bek om hi.

Kolose 3:16

Khris thu a cing takin note lungsimah hong om henla, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte le biakna late na sa un.

Mattiu 5:13

“Note pen leitung mite adingin ci tawh na kibang uh hi. Ahi zongin ci a alna bei leh i alsakkik theih nading lampi om nawn lo hi. A kizat nading bangmah om nawn lo a, miteʼ tuatcil gawp dingin kipaai lel hi.

Paunak 10:21

Mihoihteʼ thugente in mi tampi nuamtuamsak a, mihaite in a hai sihpih uh hi.

Late 119:46

Kumpiteʼ mai ah nangma thute ka gen dinga, maizumna ka thuak kei ding hi.

Late 105:2

Ama tungah la sa un. Ama tungah phatna la sa unla, a lamdang a septe khempeuh gen ciat ta un.

Late 45:2

Mihingte lakah nangmah na hoih pen a, thugen na siam a, na kam khum zungzung hi. Tua ahih manin Pasian in nang thupha hong pia tawntung hi.

Luka 4:22

Amaute khempeuh in Jesu thupi sa mahmah uh a, thugen siam sa mahmah uh ahih manin, “Hih pa, Josefʼ tapa hi lel hi lo ahi hiam?” a ci uh hi.

Late 119:13

Nangma hong piak nangmah biakna ngeina kipte khempeuh ka gengen ding hi.

Late 66:16

Pasian a zahtakte khempeuh aw, hong pai unla, hong za un. Kei-aʼ dinga ama bawl sate kong gen ding hi.

1 KHANG TANGTHU MASATE 16:24

Minam dangte lakah ama minthanna gen khia unla, a lamdang ama septe mi khempeuh lakah gen un!

Thu-hilhkikna 11:19

Na tate uh tungah na hilh ding uh a, na inn sung uh ah na lut laitak, lampi ah na pai laitak, na lup ciang uh leh na thawh ciangun tuate genin na nei ding uh hi.

Siampi Laibu 2:13

An tawh na biaknate khempeuh ci na sawh ding hi. An tawh na biakna ah na Pasian tawh na thuciamna ci sawh loin na om kei dinga, na biakna khempeuh ci na sawh ding hi.

Ezekiel 43:24

Topa ahi keima kiangah nong paipih ding hi. Siampite in tua ganhingte tungah ci thehin, keimah hong biakna-in tua ganhingte hal ding uh hi.