Kolose 4:5 - Tedim Bible Revision 2017

⁵ A pualam mite tungah a kilawm a kituakin gamta unla, hunhoih na ngah khempeuh uh na valkhongsak ngei kei un.

Tedim Bible

⁵ Pua lamah a om mite mai-ah pilna tawh gamta un la, a hun na teel un.

Kolose 4:5 Referans Kwoze

1 THESALONIKA MASA 4:12

Tua bangin gamta le-uhcin thu um lo mite in note hong zahtak ding uh a, miteʼ neihsa na duhgawh kei ding uh hi.

Jeim 3:13

Note lakah pilin thu thei a kisa a om leh kiniamkhiatin pilin, nuntak hoih le gamtat hoih tawh a lahkhiat ding ahi hi.

ROM (Romans) 16:19

Lungdamna thu tawh kisai ah na cihtakna uh mi khempeuh in thei ahih manin hih thu ah kong lungdam pih mahmah hi. A hoih bang hiam, ci-in theih nading pilna nei-in, a sia peuhmah tawh na kizop khak het loh nading uh kong deihsak hi.

Jeim 3:17

Ahi zongin tung lam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

Mattiu 10:16

“Ngia hon lakah tuu a kikhah bangin note hong sawl khia ka hih manin gul bangin pilvang unla, vakhu bangin migi un.

1 TIMOTI MASA 3:7

Pawlpi mi ahi lo midangte in zong a zahtak mite hi ding hi. Tua hileh mindai kha lo dinga, Dawimangpaʼ thang ah awk kha lo zaw deuh ding hi.

Kolose 3:16

Khris thu a cing takin note lungsimah hong om henla, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte le biakna late na sa un.

Marka 4:11

Jesu in, “Pasianʼ Ukna tawh kisai thusim, Pasian in note tungah hong gen khinzo hi. Ahi zongin a pualam a om mite tungah na khempeuh, thu gentehna bek tawh kigen hi.

Jeim 1:5

Pilna kisam na om uh leh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

1 PETER MASA 3:1

Tua mah bangin zite aw, na pasalte uh Pasian thu um lo ahih khak leh na gamtatna hangun Pasian thu a up theih nadingun na pasalte uh thu na mang un. Kampau kul sese loin,

Late 90:12

Tua ahih ciangin pilna lungsim ka ngah theih nadingun ka nuntak hun uh a tomlam ka theih nadingun hong hilh in.

Daniel 2:8

Kumpipa in, “Ka ngaihsut sa teng hong zasak khinzo ka hih manin hun sau theihtheih nading a zong na hih lam uh teltakin kithei hi.