Kolose 4:3 - Tedim Bible Revision 2017

³ Mite kiangah Khrisʼ thusim hilh theih nadingin Pasian in kote tungah hunpha hong piak theih nadingin thu hong ngetsak un. Ka thongkiatna pen hih thu hang mah ahi hi.

Tedim Bible

^3-4 Keimah in Khazih’ thu thuk hangin thongkiatna ka thuak a, tua thu thukna gen dinginah Pasian in thuhilhna kongkhak, kote ading a hong hon’ nading ahi zongin, tua thu thukna hilh ding a kilawm mah bangin ka hilh theih nading uh ahi zongin, kote ading thu hong ngetsak un.

Kolose 4:3 Referans Kwoze

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uh ah Pasian in na a seppihna khempeuh le Gentail mite in zong thu a up theih nadingun Pasian in lam a honsaknate khempeuh a gen uh hi.

Kolose 1:26

Tua thuhilh ding pen a beisa hunah a ki-imcip thu hi a, ahi zongin tu-in Pasianʼ mite tungah a kipholak ta ahi hi.

2 KORIN NIHNA 2:12

Khris hangin lungdamna thu a hilh dingin Troas khua ka tun ciangin tua lai ah nasep theih nadingin Topa in lampi hong honsakna thu ka mu hi.

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mi that bangin sikkol hong kibulh hi. Pasianʼ thu ahihleh sikkol kibulh thei lo hi.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Efesa 4:1

Tua ahih ciangin Topaʼ na ka sepna hangin thong a kia keimah in noteʼ nuntak zia dingin a hong deihna tawh a kilawm a kituakin na nuntak nadingun ka hong hanthawn hi.

1 KORIN MASA 16:9

Hong langpang tampi a om tei hangin limtakin na sep theih nading lam tampi tak a om hi.

1 KORIN MASA 4:1

Kote pen Khrisʼ nasem le Pasianʼ thusim a zeekte in nong ngaihsut ding uh ahi hi.

1 THESALONIKA MASA 5:25

Sanggamte aw, kote ading thu hong ngetsak un.

Mattiu 13:11

Jesu in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

Filemon 1:22

Tua banah, Pasian in note khempeuhʼ thungetna hong pia-in, note kiangah kei hong paikik thei dingin kilamen ka hih manin ka om nading inn dei zong a baih sa-in na bawl un.

Filippi 1:19

Note hong thungetsakna le Jesu Khris Kha Siangtho huhna tawh suakta ding hi ing, ci-in thei ka hih manin ka lungdam hi.

2 TIMOTI NIHNA 1:16

Onesiforas in tam veipi kei hong lungnuamsak ahih manin Pasian in a innkuan bupun hehpihna thupha pia tahen. Ka thongkiatna hangin amah maizum lo a,

Efesa 3:1

No Gentail mite hangin Jesu Khris thu tawh kisai-in thong kia keimah Paul in Pasian kiangah thu ka ngen hi.

ROM (Romans) 16:25

Eite khempeuh in Pasian phat ni. Keima hilh Jesu Khris thu ahi Lungdamna Thu le tanglai-in a ki-imcip, tu-in a kipholak thu ah, amah pen noteʼ upna a hong kipsak thei pa ahi hi.

Efesa 3:3

Lai ka hong khak sate sungah a tomno-in kong gen sa bangin Pasian in ama thusim kei tungah hong hilh khinzo hi.

Efesa 3:4

Tua ka laigelh na sim le-uhcin Khris tawh kisai a thusim ka theihna thu na phawk ding uh hi.

Efesa 3:9

le Pasian in a geel sim thute a kisep khiatna thu mi khempeuh a musak dingin Pasian in kei tungah hih hamphatna hong pia hi. Tu hun laitakin vantung a uk van mite in pawlpiʼ hangin Pasianʼ pilna a nam tuamtuamin a muh theih nadingun na khempeuh a bawl Pasian in a beisa hunah hih thu khempeuh a imcip hi.

Kolose 4:18

Keimah Paulʼ khut mahmah tawh, Note ka hong hopih hi, cihna lai ka gelh ahi hi. Sikkhau khihna ka thuakna thu mangngilh kei un. Note khempeuh tungah Pasianʼ hehpihna thupha hong tung tahen.

2 TIMOTI NIHNA 4:2

hunhoih hunsia cih khen tuan loin Pasianʼ thu hilh ding na kin ngaihsut nading, lungduaina tawh miteʼ lungsim zo-in, mite taii-in, hanthawnin na hilh nadingin thu a hong pia ka hi hi.