Kolose 4:18 - Tedim Bible Revision 2017

¹⁸ Keimah Paulʼ khut mahmah tawh, Note ka hong hopih hi, cihna lai ka gelh ahi hi. Sikkhau khihna ka thuakna thu mangngilh kei un. Note khempeuh tungah Pasianʼ hehpihna thupha hong tung tahen.

Tedim Bible

¹⁸ Kei Paul in ka khut tawh note hopihna hih lai kong gelh hi. Kei’ thuak kikhihna na ngaihsun un. Note tungah hehpihna thupha om ta hen.

Kolose 4:18 Referans Kwoze

Hebru 13:3

Amaute tawh thong a kia khawm bangin kingaihsunin thong sunga om mite na phawk un. Note zong leitung pumpi mah tawh a nungta lai na hih manun gimna a thuak mite na phawk un.

2 TIMOTI NIHNA 4:22

Topa in nangmah hong ompih tahen. Note khempeuh tungah Pasianʼ hehpihna thupha hong tung tahen.

1 TIMOTI MASA 6:21

Mi pawl khatte in tua bang pilna a nei-in kingaihsun uh a, upna thu bulpi khahsuahna-in a nei uh hi. Note khempeuh tungah Pasianʼ dikna thupha hong tung tahen.

1 KORIN MASA 16:21

Keimah Paul in ka hong hopih hi, cihna kamte ka khut mahmah tawh ka gelh ahi hi.

Hebru 13:25

Note khempeuh tungah Pasianʼ hehpihna thupha hong tung tahen. Amen.

Titu 3:15

Kei tawh a om mi khempeuh in nang hong hopih uh hi. Thu upna sungah ei hong itte khempeuh na na hopihsak in. Note khempeuh tungah Pasianʼ hehpihna thupha hong tung tahen.

2 TIMOTI NIHNA 1:8

Tua ahih manin i Topaʼ thu gen nading thu ah ahi a, ama thu hangin thong a kia keima thu ah ahi zongin maizum het kei in. Pasian in nangma tungah thahatna hong pia ahih mah bangin Lungdamna Thu hangin thuakna ah zong a thuak nuam hizaw in.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

2 THESALONIKA NIHNA 3:17

Keimah Paul in kong hopih hi, cihna kammal teng keima khut tawh ka hong gelh ahi hi. Keima laikhak khempeuh hih bangzia-in ciamtehin ka hih ngeina ahi hi.

Kolose 4:3

Mite kiangah Khrisʼ thusim hilh theih nadingin Pasian in kote tungah hunpha hong piak theih nadingin thu hong ngetsak un. Ka thongkiatna pen hih thu hang mah ahi hi.

2 KORIN NIHNA 13:14

Topa Jesu Khris hong hehpihna thupha le Pasianʼ hong itna le Kha Siangtho tawh kikholh theihna, note khempeuh tungah hong tung tahen.

ROM (Romans) 16:23

Keima zintunna pa le pawlpiteʼ kikhopna inn nei pa zong ahi Gaias in zong hong hopih hi. Ka omna khuapi sumkem pa Erastas le i Khristian sanggam Kuartas in zong hong hopih uh hi.

ROM (Romans) 16:20

Tua hileh eite tungah nopsakna a hong pia thei Pasian in Satan tuancilin noteʼ khenuai mi hong hisak baih ding hi. I Topa Jesu Khris hong hehpihna thupha, note tungah om tahen.

ROM (Romans) 16:22

Hih lai a gelhsak keimah Tertias in zong upna kikhat ihihna tawh ka hong hopih hi.