Kolose 4:12 - Tedim Bible Revision 2017

¹² Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

Tedim Bible

¹² Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

Kolose 4:12 Referans Kwoze

ROM (Romans) 15:30

Lawmte aw, kei adingin Pasian kiangah thu na hong ngetsak nadingun i Topa Jesu Khris i upna hang le Kha Siangtho in a hong piak itna tawh a hong thum ka hi hi.

Kolose 1:9

Tua bangin noteʼ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasianʼ deihna na theihtheih nadingun ka hong ngetsak uh hi.

Filemon 1:23

Khris Jesu hangin thong ka kiat pih Epafras a kipan,

Kolose 1:28

Tua ahih manin a milip tungah Khrisʼ thu ka hilh uh a, Khris tawh a kipawlna uh hangin a milipin a khang cingin Pasianʼ omna ah ka tunpih theih nadingun a milip tungah hilhin ka gen khol uh hi.

Kolose 1:7

Hih thu pen, Khris nasepna sungah koteʼ tangin citakin na a sem, koteʼ nasep pih Epafras tung panin na zak uh ahi hi.

2 PETER NIHNA 1:1

Jesu Khris nasem le sawltak ahi keimah Simon Peter in: Eiteʼ Pasian le Honpa ahi Jesu Khris a thumanna hangin koteʼ upna zah mahin upna manpha a nei mite tungah lai ka hong khak hi.

Galati 4:19

Taneute aw, note in Khrisʼ pianzia bang na neih dong uh, naupaii nupi in ta a suah ding a gimpih bangin note ka hong lunggimpih ding hi.

Galati 1:10

Hih bangin thu ka gen ciangin miteʼ hong pahtak theih nading a zong tawh kibang na hong sa uh hiam? Miteʼ pahtak ding a ut ka hi kei a, Pasianʼ hong pahtak ding a hanciam ka hi hi. Mihingteʼ hong pahtak theih nadingin a gamta hi zenzen leng, Khrisʼ nasem ka hi kei ding hi.

ROM (Romans) 15:14

Thu upna sungah sanggamte aw, note mihoih hi-in, bangci gamtat ding cih thei-in, khatlekhat zong a kihilh thei dingin kong muang mahmah hi.

Juda 1:24

Ama minthanna mai ah paubaanna om het loin lungdam takin a hong paipih theih nadingin note na puk khak nading panun a hong kem,

Hebru 5:14

Ahi zongin antak i cih pen a sia le a pha a khen thei, a lim le a lim lo a khen thei ta, a khangham khin sa mite ading ahi hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Kolose 1:22

Ahi zongin, a Tapa a pumpi mahmah in a hong sihna hangin note, a cidam, a siangtho, paubaanna om het loin ama kiangah hong lak theih nadingin Pasian in note ama lawmin a hong bawl khinta ahi hi.

2 KORIN NIHNA 13:11

Sanggamte aw, tu-in mangpha na man un. Na om zia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a pia thei Pasian in note hong ompih tahen.

1 KORIN MASA 14:20

Sanggamte aw, na thu ngaihsutnate uh ah naupang bang kei un. Gitlohna lamah naupang bang unla, ahi zongin thu ngaihsutna ah a khangham hi ta un.

1 KORIN MASA 2:6

Ahi zongin kha thu lamah a khangham mite tungah pilna thu ka gen hi. Tua ka gen pilna pen tu-in a maimang kuankuan ta ding hih leitung miteʼ pilna le vangliatna thu hi lo hi.

Johan 12:26

Ka nasemte keima omna ah a om theih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Mattiu 5:48

Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihteʼ thungetna in vang nei a, na lianpi sem zo hi.

Jeim 1:1

Pasian le Topa Jesu Khris sila keimah James in Leitung mun khempeuh ah kithehthangin a om minam sawm le nihte tungah hopihna lai ka hong gelh hi.

1 THESALONIKA MASA 5:23

Nopsakna a hong pia Pasian in na khempeuh ah sianthona le kicinna hong pia henla, na kha uh, na nuntakna uh le na pumpi uh hoihtakin hong kem henla, i Topa Jesu Khris hong pai ciangin mawhna khat zong a nei het lo dingin hong bawl tahen.

Luka 22:44

Lunggim mahmah ahih manin nakpi takin thu ngen semsem a, leilak a si mal gol taak bangin a khua-ul a taak hi.

Luka 1:1

A lian mahmah Theofilas aw: Eite lakah a piang ngeisa thu a kigente, mi tampi in amau siamna zah ciat tawh lai-in a gelh uh hi.

Kolose 1:29

Hih bang a tangtun theih nadingin Khris in kei tungah a hong piak ka thahatna khempeuh zangin, nakpi takin na semin ka hanciam hi.

Kolose 4:9

Noteʼ khuapih mi, a citak i sanggam it pa Onesimas zong ka hong zuisak hi. Amau tegel in hih lai-a thupiang khempeuh note kiangah hong gen ding uh hi.

Jeim 1:4

A kisam bangmah om loin a cingtaak na suah theih nadingun na thuakna uh hangin a tawntungin na kip paisuak nadingun na ngaihsun un.