Kolose 3:9 - Tedim Bible Revision 2017

⁹ Ngeina lui le gamtatna lui khempeuh a beisak khin na hihna uh kithei-in khatlekhat tungah zuau thu kigen nawn kei unla,

Tedim Bible

^9-10 Khat leh khat zuauthu kigen kei un. Bang hang hiam na cih uh leh, note in mi lui gamtatna leh mi lui pum suahkhia-in, a hong piangsakpa’ lim bangin, pilna maan adingin a kibawlpha mithak a sillh mi na hi uh hi.

Kolose 3:9 Referans Kwoze

Efesa 4:25

Tua ahih manin zuaugen nawn kei unla, Khris pumpi nate ihihna hangin pawl khat ihih manin khatlekhat tungah thuman kigen ni.

Efesa 4:22

Zuauna lungsim in a suksiat khit sa, nidangin na nuntakna ngei uh ahi na pian lui uh paikhia unla,

Siampi Laibu 19:11

“Note na guta kei ding uh hi. A man loin na gamta kei ding uh a, khatlekhat tungah zuau na kigen kei ding uh hi.

Johan 8:44

Note pen na pa uh Dawimangpaʼ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

ROM (Romans) 6:6

Mawhna khutnuai ah eite i om nawn loh nadingin mawhnopna lungsim i neihna teng i sucip a, singlamteh tungah Khris a sih laitak mahin i ngeina lui teng a sisak khawm ihihna thu i thei hi.

Zefaniah 3:13

Israel mi a om lai sunte, midangte tungah gilo nawn lo ding uh a, zuau thu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate le zuaugen nuamsa-in zuau a gengen mite, khuapi pua lamah a om uh hi.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lut thei ding uh hi.

1 TIMOTI MASA 1:10

nulepa mawhna a gamtate, palepa mawhna a bawlte, mi a gute, zuau thu a gente, miteʼ siat nading thu a gente le thuman tawh a kilehbulhin a gamta mite adingin thukham a kibawl ahi hi.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.

Kolose 3:8

Ahi zongin tu-in hehna, thangpaihna, muhdahna, gensiatna, kam hoih lo pauna cihte nei nawn kei un.

Isaiah 63:8

Bang hang hiam cih leh Topa in, “Amaute pen keima mi taktak hi a, amaute in kei hong khem lo ding hi,” a ci hi. Tua ahih manin a lungkhamna panun amaute a hon khia hi.

Zekhariah 8:16

Hih bangin note gamta un: Note khatlekhat tungah thuman thutak kam kipau un. Thukhenna zumah, kilemna a piangsak ding thutang zang un.

Paunak 13:5

Thuman mi in zuau thu deih lo a, a gilo mi in gensiatna le mindai nading bek a pau hi.