Biblia Todo Logo
Bib sou entènèt

- Piblisite -




Kolose 3:8 - Tedim Bible Revision 2017

8 Ahi zongin tu-in hehna, thangpaihna, muhdahna, gensiatna, kam hoih lo pauna cihte nei nawn kei un.

Gade chapit la Kopi

Tedim Bible

8 Tu-in ahih leh, tua khialhna khempeuh ahi zongin, hehna, thangpaihna, hazatna, mindai nading gensiatna, kam kihhuai zatnate ahi zongin, na muk uh pan paaikhia un.

Gade chapit la Kopi




Kolose 3:8
35 Referans Kwoze  

Na kiho uh ciangin kamguh zang kei unla, na pauna uh a za mite in phattuamna a ngah theih nadingin na-in a kimang kam hoihte bek na pau un.


Zuauna lungsim in a suksiat khit sa, nidangin na nuntakna ngei uh ahi na pian lui uh paikhia unla,


A kilawm lo-a kampauna le ciamnuih hoih lo cihte zong na zang kei unla, Pasian tungah lungdamkohna kam na pau zaw un.


Tua ahih manin nulepa mawhna, a kilawm lo gamtatna, hukna lanna, a hoih lo lunggulhna le milim biakna nam khat ahih manin huaihamna ahi note sungah a om leitung lungsimte na sisak un.


Na heh uh ciangin, tua hehna hangin khial kha kei unla, a tawntungin heh paisuak kei un.


Tua hi a, eite in i kiim i pam ah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh pai khia-in, i mai ah a om tai nading lampi a mong dongin lungsim kip takin tai ni.


A heh pahpahte in kitotna piangsak a, a heh baihte khial thei tawntung hi.


Ngeina lui le gamtatna lui khempeuh a beisak khin na hihna uh kithei-in khatlekhat tungah zuau thu kigen nawn kei unla,


Tua ahih manin gitlohna, zuauna, kineihkhemna, huaihamna le kigensiatnate na omsak nawn kei un.


Bang hang hiam cih leh note kiangah ka hong tun ciangin noteʼ om zia ding ka deih bangin na om loh khak ding uh le note in keima maisuah na muhnop zia bangun na hong muh loh khak ding uh ka lunghimawh hi. Note lakah kitotna, hazatna, hehna, huaihamna, mi zahpihna, mi gensiatna, kiphatsakna le buaina a om khak ding ka lunghimawh hi.


Bang hang hiam cih leh Pasianʼ deihna bangin gamta loin, leitung lungsim deihna bangin gamta lai na hih manun upna sungah naungek bang ahi lai na hi uh hi. Note khatlekhat kihaza-in kitawng kiseelin na om uh ciangin hih leitung mite mah a bang lel na hihna uh hong kilang hi.


Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.


Hehna panin kikham inla, sinsona nusia in. Nangmah kilung so tawmsak keʼn; tua in siatna bekah a hong paipih hi.


Ahi zongin note pen gamsa bangin khatlekhat kiphuai-in kipet kha le-uhcin na vekpi-un na siatlawh khak ding uh lauhuai ahih manin hoihtakin na kidawm un.


Sun khuavak sunga om mite bangin a kilawmin gamta ni. Gualnopna le zukhamna, mawhna le thangtatna, kitotna le kihazatnate-in i hun beisak kei ni.


Kitot i kipat ciangin tui lipi cinna phung kehsak khak tawh kibang hi. Tua ahih manin a nasiat ma-in kitot khawl pak in.


Tua mite mah bangin hih mite zong thumu-in kinei-in amau pumpi thanghuaisak uh a, Pasianʼ thu nialin tung lam a om minthanna a neite a simmawh bawl uh hi.


Amaute kiphasakin hai pau uh a, a khial gamtat mite sung panin a suakta khin liailiai zo mite, leitung pumpi deih bangin a gamtat nadingun a zol uh hi.


Pasian in note a hong phuah min hoih a gensiate, mihaute mah ahi uh hi.


Tua bang mite lakah Hymenaias le Alexander kihel uh a, Pasian gensiat nawn loh nading thu a phawk theih nadingun Satanʼ khut sungah amaute ka ap hi.


A beisa hunah amah gensia-in, simmawh bawlin, ama mite a bawlsia pa ka hih ngei tei hangin ama thu ka up nai loh manin theih lohna tawh a gamta ka hih manin Pasian in kei hong hehpih hi.


Kuamah kiphasak loin, khatlekhat kiphin loin, kuamah i kihaza kei ding hi.


milim biakna, mi bumna, kilangbawlna, kitotna, hazatna, hehna, huaihamna, kikhenna, pawl tuam lungsim neihna,


huaihamna, gitlohna, khemna, gamtat hoih lohna, enna, mi gensiatna, kisialhna le hai tatna a piangsak thei ngaihsutna hoih lote khempeuh,


Nisa in mite kaang gawp ahih manin mite in hih gimna tawh kisai ah thu a nei Pasian a samsia uh hi. Ahi zongin a mawhna uh panin kisikin Pasian a phat ding uh ut lo uh hi.


Migilo pa ama thuak ding gimna mah thuaksak zaw in. Hon khia lecin na hotkhiatkik zelzel kul ding hi.


a sepna uh tawh amau mahʼ maizum nading a piangsak tuipi hualte le Pasian in amauteʼ om nadingin lei sung khuamial thukpi a koihsak tawntung, a lampial aksite tawh kibang bek uh hi.


Ngeina bangin a gamta lo mite in Lot a lungkhamsakna panun Pasian in mihoih Lot a hon khia hi.


Tua ahih manin zuaugen nawn kei unla, Khris pumpi nate ihihna hangin pawl khat ihih manin khatlekhat tungah thuman kigen ni.


Swiv nou:

Piblisite


Piblisite