Kolose 3:7 - Tedim Bible Revision 2017

⁷ Note pen hih bangin gamta-in a nungta ngeite na hi uh hi.

Tedim Bible

⁷ Tua mite tawh note zong nidanga na kipawl lai takun tua khialhnate na gamta uh hi.

Kolose 3:7 Referans Kwoze

Efesa 2:2

Tua hun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukteʼ thu na mang uh hi.

Titu 3:3

Bang hang hiam cih leh eite zong nidangin hai tatin, thumang loin, vakvai-in, duhna deihna a tuamtuamte thuak lahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

1 KORIN MASA 6:11

Note pawl khat, tua bangin na gamta uh hi. Ahi zongin note pen i Topa Jesu Khris le i Pasianʼ Kha Siangtho hangin mawhna panin a hong kisiangsak khin sa, Pasianʼ tungah a kipia sa, Pasian tawh a kipawl sa mite na hi uh hi.

Kolose 2:13

A beisa hunah na mawhna uh hangin kha thu tawh kisai-in misi na hi uh a, Gentail mi na hih manun Thukham nei lote na hi uh hi. Ahi zongin Khris hangin Pasian in note hong hingsak a, i mawhna khempeuh hong maisak khinta hi.

ROM (Romans) 7:5

I leitung lungsim tawh i nuntak lai teng, thukham hangin i hih nop semsem mawh nopnate i gamta a, tuate khempeuh sihna tawh a kizom ahi hi.