Kolose 3:5 - Tedim Bible Revision 2017

⁵ Tua ahih manin nulepa mawhna, a kilawm lo gamtatna, hukna lanna, a hoih lo lunggulhna le milim biakna nam khat ahih manin huaihamna ahi note sungah a om leitung lungsimte na sisak un.

Tedim Bible

⁵ Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.

Kolose 3:5 Referans Kwoze

ROM (Romans) 8:13

Na pumpi uh deihna zui-in na gamtat uh leh na si ding uh a, ahi zongin Kha Siangtho huhna tawh na mawh gamtatnate uh na sihsak uh leh na nungta ding uh hi.

Galati 5:24

Tua hi a, Jesu Khris a zui mite in a leitung lungsim pianzia uh le a leitung lungsim deihna khempeuh uh a phiat khit sa ahi hi.

ROM (Romans) 6:13

Mawhna gamtat nadingin na pumpi nate uh khat beek na zang nawn kei ding uh hi. Note pen misi hi napi-in a kihingkiksak mite bang na hih manun, a hoihin a hong zat theih nadingin na pumpi bup uh Pasianʼ tungah na pia zaw ding uh hi.

1 PETER MASA 2:11

Ka itte aw, hih leitungah gamdang mi, a peem pak bangin kingaihsun unla, na kha nuntakna uh tawh a kilehngat pumpiʼ deihnate na kikham un.

1 KORIN MASA 6:18

Numei tawh mawhna na pelh un. Mi khat in a bawl mawhna tuamtuamte in ama pumpi su kha lo hi, a ci om hi. Ahi zongin numei tawh a mawhte, ama pumpi tungah a khial ahi hi.

Efesa 4:19

Amaute in maizumna mel thei nawn lo uh a, siatna sung tungin, a ututun a kilawm lo pipi-in gamta uh hi.

2 KORIN NIHNA 12:21

Note kiangah ka hong tun ciangin a beisa hunah note tampi tak thaangtatin, numei tawh mawhna, hukna, lannate hangin na khialhnate uh na kisik loh manun keimah dahin kapin, noteʼ muhna ah ka Pasian in kei hong maizumsak khak ding ka lunghimawh mahmah hi.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.

ROM (Romans) 7:23

Ahi zongin keiʼ deih loh thudang khat in ka lungsimah na hong sem hi. Tua ka sunga na hong sem pen in mawhna thu ah kei hong mancip hi.

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktaakna, zuaugenna, mi gensiatna le ngaihsut hoih lo a tuamtuam hong piang khia hi.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate le zuaugen nuamsa-in zuau a gengen mite, khuapi pua lamah a om uh hi.

Jeim 4:1

Note lakah a om kitotna le kilaiina koi panin hong piang ahi hiam? Deih luatna lungsim na neih manun noteʼ pumsung a kitoktok niloh ahi hi.

1 KORIN MASA 6:13

“An pen i gilpi ading hi a, gilpi zong an ading mah hi lo ahi hiam?” a ci zong om kha ding hi. Ahi zongin Pasian in tua tegel a beisak hun hong tung ding hi. Pumpi pen paktatna-in zat ding hi lo a, Topaʼ na sepna-in zat ding hizaw hi. Topa in pumpi ading na hong sem hi.

ROM (Romans) 6:6

Mawhna khutnuai ah eite i om nawn loh nadingin mawhnopna lungsim i neihna teng i sucip a, singlamteh tungah Khris a sih laitak mahin i ngeina lui teng a sisak khawm ihihna thu i thei hi.

Hebru 13:4

Mi khempeuh in nupa thu thupi ngaihsut uh henla, zite pen pasalte tungah citakin, pasalte zong a zite uh tungah citak uh hen. Pasian in a thaangtat mite le nulepa mawhna a gamta mite tungah thu khen ding hi.

Hebru 12:16

Numei tawh a mawh mite suak kha kei unla, Esau bangin annek khat tawh innluah za a zuak mi na suahkhak loh nadingun kidawm un.

1 THESALONIKA MASA 4:3

Note a siangtho-in nungta-in numei tunga mawhna tawh na kipelh siangtho nading uh Pasian in hong deih hi.

1 KORIN MASA 5:1

Note lakah numei tawh paktatna nasia mahmah in, lawkite nangawn a gamtat lohte na gamtatna uh hong kigen a, mi khat in ama nukik nangawn a luppihna thu ka za hi.

ROM (Romans) 7:5

I leitung lungsim tawh i nuntak lai teng, thukham hangin i hih nop semsem mawh nopnate i gamta a, tuate khempeuh sihna tawh a kizom ahi hi.

ROM (Romans) 1:29

Siatna nam khempeuh ahi, hoih lohna, huaihamna, khatlekhat kisiatsak nopna, hazatna, mi thahna, kitotna, khemna, a sia lam bekbek ngaihsutna, zuaugenna,

ROM (Romans) 1:26

Tua ahih manin amau utna bangin a zumhuai pi-in a gamtat theih nadingun Pasian in a khah khong hi. A numeite un pasal tawh lup khop ngeina zang loin a numeipihte mah uh lunggulhin lum khawm uh a,

1 KORIN MASA 6:11

Note pawl khat, tua bangin na gamta uh hi. Ahi zongin note pen i Topa Jesu Khris le i Pasianʼ Kha Siangtho hangin mawhna panin a hong kisiangsak khin sa, Pasianʼ tungah a kipia sa, Pasian tawh a kipawl sa mite na hi uh hi.

Kolose 2:11

Amah tawh na kipawlna uh hangin mihingte in pumpi vun a at uh bang hi loin, Khrisʼ vun-atna ahi mawhnopna lungsim tawh kipelhna a ngah khinta na hi uh hi.

1 TIMOTI MASA 6:10

Sum deih luatna in siatna namkim piangsak hi. Mi pawl khat in sum deih lua liang uh ahih manin a upna panun pial khia-in gimna lungkhamna tampi a thuak lawh uh hi.

Hebru 13:5

Sum deih luatna tawh na kipelh nadingun na nuntakna uh ah kikem unla, na neihzah uh tawh lungkim un. Pasian in, “Note ka hong nusia ngei kei dinga, ka hong tamasak ngei kei ding hi,” hong ci hi.

Paikhiatna 37:22

Amauʼ nunte le a hiangte pen tua tawh sakhat hi a, a buppi-in kham citak a kiseek sakhat ahi hi.