Kolose 3:2 - Tedim Bible Revision 2017

² Vantungah a om thute ngaihsutin nei unla, leitungah a om thute ngaihsutin nei kei un.

Tedim Bible

² Leitungah a om nate lunggulhin om kei un, atung lam nate bek lunggulhin om un.

Kolose 3:2 Referans Kwoze

1 KHANG TANGTHU MASATE 22:19

Tu-in Topa na Pasian uh a zong dingin na ngaihsutna uh le na lungsim uh kipsak un. Topaʼ min dingin a kilam biakinn sungah Topaʼ Thuciamna Singkuang le Pasianʼ umlebeel siangthote a kipaipih theih nadingin kithawi unla Topa Pasianʼ biakinn lam un,” a ci hi.

Kolose 3:1

Note pen Khris tawh a thokik khinte na hih manun, Pasianʼ taklam a kumpi tokhom tungah Khris a tutna mun vantung thute ngaihsutin nei un.

Mattiu 16:23

Ahi zongin Jesu kihei-in Peter kiangah, “Satan aw, ka nungah om in. Hih na ngaihsutnate Pasianʼ ngaihsutna hi loin mihingteʼ ngaihsutna ahih manin ka lam a hong khaktan ding a suak hi,” a ci hi.

Mattiu 6:19

“Nget in ne-in a kekseu theihna, gutate in luhin a guk theihna hih leitungah na sum uh khol kei un.

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna le milim biakna nam khat ahih manin huaihamna ahi note sungah a om leitung lungsimte na sisak un.

Luka 12:15

Tua ciangin Jesu in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzah ta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Late 62:10

Zawhthawh thu tawh ngahna muanin nei kei inla, suh gawpnate lametin nei kei in. Na hauhna a khan leh, tuate muanin nei kei in.

Late 91:14

Itna tawh hong bel ahih manin amah ka hon khia dinga, ka min hong thei ahih manin mun sangna ah amah ka koih ding hi.

Luka 16:11

Hih leitung sumte ah na cihtak kei uh leh kua in no tungah vantung sum hong ap ngam ding ahi hiam?

Filippi 1:23

Hih thu nih khensat hak ka sa mahmah hi. Kei adingin hoih zaw thampek ahih manin leitung pumpi si-in Khris tawh om khawm ding ka ut hi.

Paunak 23:5

Na ngah sa uh sumte mitphiat kalin bei mang thei a, muvanlai bangin thakhatin leeng mang thei hi.

Thuhilh-sia 7:14

Nopna na ngah laitakin lungdam in; haksatna na tuah ciangin hih thu ngaihsun in: Lungdamna le lungkhamna hong pia pa pen Pasian hi a, mai lamah bang piang ding cih kuamah in thei lo hi.

1 KHANG TANGTHU MASATE 29:3

Tua tham loin, a siangtho biakinn adingin ka koihte khempeuh banah, ngun le kham keima-aʼ mahmah zong om a, ka Pasianʼ biakinn ka ngaihsutna hangin ka Pasianʼ inn ah ka piakte: