Kolose 3:18 - Tedim Bible Revision 2017

¹⁸ Zite aw, Khristiante gamtat dingin a kilawm ahih mah bangin na pasalte uh thu na mang un.

Tedim Bible

¹⁸ Numeite aw, Topa sungah a kilawm mah bangin, pasalte hong ukna na mang un.

Kolose 3:18 Referans Kwoze

Efesa 5:22

Zite aw, Topaʼ thu na man uh mah bangin na pasalte uh thu na mang un.

1 KORIN MASA 11:3

Ahi zongin na theih ding uh ka deih thu in: Mi khempeuhʼ lutang pen Khris hi a, numeiʼ lutang pen pasal hi a, Khrisʼ lutang pen Pasian ahihna thu ahi hi.

Piancilna 3:16

Tua ciangin numei kiangah, “Naupaiina ah na gimna nakpi takin ka khangsak dinga, na a sa pipi-in nau na nei ding hi. Ahi zongin na pasal mah na deih dinga, amah in nang tungah hong uk ding hi,” a ci hi.

1 TIMOTI MASA 2:12

Numeite in pasalte tungah aana nei-in thu a hilh ding ka phal kei hi. Gamdai takin a om ding uh ahi hi.

Esther 1:20

Tua banga kumpipaʼ thupiakna thu kumpi gam sung khempeuh ah a kizak ciangin numei khempeuh in a neu a lian amauʼ pasal ciat zahtak ding uh hi,” a ci hi.

1 KORIN MASA 14:34

mihon biak kikhopna sungah numeite pau loin om uh hen. Numeite a kiniamkhiat nading thu Jew Thukham in a gen mah bangin amaute in mihon lakah thu a gen ding uh kiphal lo hi.

Sawltak 5:29

Ahi zongin Peter le sawltak dangte in, “Miteʼ thu sangin Pasianʼ thu ka mang zaw ding uh hi.

Efesa 5:3

Note pen Pasianʼ mi na hih manun note lakah nulepa khialhna, a kilawm lo-a gamtatna, huaihamna cihte genin zong na nei vet kei un.

Efesa 5:9

Bang hang hiam cih leh khuavak sunga omna in a hoih, a man, a thutakte hong piangsak hi.