Kolose 3:16 - Tedim Bible Revision 2017

¹⁶ Khris thu a cing takin note lungsimah hong om henla, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte le biakna late na sa un.

Tedim Bible

¹⁶ Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Kolose 3:16 Referans Kwoze

Late 119:11

Nangma tungah kong khialh loh nadingin ka lungsim sungah nangma thu ka khol hi.

Efesa 5:19

La a tuamtuamte genin sakna tawh Topaʼ thu gen belin nei unla, na lungsim khempeuh uh tawh Topa phatna la sa un.

Johan 15:7

Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi.

ROM (Romans) 10:17

Tua ahih ciangin zakna panin upna hong piang thei a, Khris thu up nading pen hilhna panin hong piang thei pan hi.

1 JOHAN MASA 2:24

Note in ahihleh a kipat cil a kipan na zak uh thute hoihtakin na zui un. A kipat cil a kipan na zak uh thute hoihtakin na zuih nak uh leh Tapa tawh kipawlin, Pa Pasian tawh zong a kipawl na hi ding uh hi.

Jeremiah 15:16

Na thute in kei hong kem a, an bangin ka ne hi. Na thute kei adingin kipahna le lungdamna ahi hi. Bang hang hiam cih leh nangma minin kei hong kilo hi, aw, Topa, Vanglian Pasian aw.

Efesa 1:17

i Topa Jesu Khrisʼ Pasian ahi, a minthang Pa Pasian in note tungah Kha Siangtho hong pia-in, tua Kha Siangtho in note tungah lungpilna hong pia-in, note in Pasian na theih nadingun note tungah Pasian hong kilatsak nadingin thu ka hong ngetsak niloh hi.

JOB (Job) 23:12

Pasianʼ thupiakna bangin ka gamta ngitnget a, keima utna zui loin ama deihna ka zui hi.

Jeim 3:17

Ahi zongin tung lam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

2 JOHAN NIHNA 1:2

Thuman thei ihih manin a tawntungin tua thu ah i kip ding hi.

2 TIMOTI NIHNA 3:15

Khris Jesu upna hangin hotkhiatna a hong ngahsak thei ding pilna a hong pia Lai Siangtho pen na neu tung a kipanin a thei sa na hihna thu zong na theih sa thu mah ahi hi.

Kolose 1:9

Tua bangin noteʼ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasianʼ deihna na theihtheih nadingun ka hong ngetsak uh hi.

Mangmuhna 5:9

Amaute in la thak khat sa uh a, “Nang Tuuno, tua laizial a la khia ding le a ciaptehnate a la khia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a,

1 JOHAN MASA 2:27

Khris in note tungah ama Kha Siangtho hong pia khin a, tua Kha Siangtho na neih lai teng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuau thu khat zong om lo hi. Tua ahih manin Kha Siangthoʼ hilhnate zui unla, Khris sungah kip takin om un.

Kolose 4:6

Kam na pau uh ciangin miʼ zaknop, miʼ ngaih nop dingin na pau un. Tua hileh na kihopih uh mite khempeuh adingin phattuamna a nei kam a pau na hi ding uh hi.

Efesa 5:17

Tua ahih manin hai om mawk kei unla, Topa in bang a sem dingin hong deih ahi hiam, ci-in kan un.

Late 28:7

Topa, ka hatna le ka lum hi a, amah ka muang hi. Tua ahih manin kei hong kihuh a, lungdamin ka diang a, ka lasakna tawh ama tungah lungdamna ka ko hi.

Jeim 5:13

Lungkhamna a thuak na om uh leh thu na ngen un. A lungdam na om uh leh phatna la na sa un.

Late 71:23

Nangmah phatna ka sak ciangin nuamin ka awng dinga, na hong hotkhiatna hangin ka lungsim khempeuh tawh nuamin ka awng ding hi.

Titu 3:6

Pasian in eite hong Hon Jesu Khris hangin eite tungah a kicing takin Kha Siangtho hong pia ahih manin,

1 KORIN MASA 14:26

Tua ahih ciangin sanggamte aw, ka hong gen nop thu a tomin: Pasian bia dingin note na kikhop uh ciangin khat in la sak ding nei, khat in Pasianʼ thu a gen ding nei, khat in pau lamdang tawh thugen ding nei, khat in tua a kigente a khiatna gen theih nading nei cih bangin na om ding uh hi. Hih a tuamtuamte khempeuh, pawlpiʼ phattuam nading ahih ding kisam hi.

Jeim 1:5

Pilna kisam na om uh leh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

Kolose 1:28

Tua ahih manin a milip tungah Khrisʼ thu ka hilh uh a, Khris tawh a kipawlna uh hangin a milipin a khang cingin Pasianʼ omna ah ka tunpih theih nadingun a milip tungah hilhin ka gen khol uh hi.

Late 32:7

Nang pen kei adingin ka bukna mun na hi a, haksatna pan kei hong kemin hotkhiatna kicing nong pia hi.

Nehemiah 12:46

Bang hang hiam cih leh Davidʼ hun lai-in lasate a ukpi le phatna le lungdamkohna a makai-in Asaf om hi.

1 KUMPI MASATE 3:28

Tua ciangin Israel mi khempeuh in kumpipaʼ piak thukhenna za uh hi. Thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdang sa-in a om uh hi.

Mangmuhna 15:3

Amaute in Pasianʼ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate ah thumanin na thutang hi.

1 JOHAN MASA 2:14

Pate aw, note tungah lai ka hong gelhna pen a kipat cil a kipanin a na om pa na theihna hang uh ahi hi. Tangvalte aw, note tungah lai ka hong gelhna pen note na lungsim uh thahatin, Pasianʼ thu zui-in, Dawimangpa zo khin na hihna hang uh ahi hi.

1 TIMOTI MASA 6:17

Tu hun a a hau mite kisathei kha loin, a kip lo hauhnate muan le suanin nei kha loin, eite in nuam takin i zat theih dingin citna tawh a hong pia Pasian a muan a suan nadingun na hilh in.

2 THESALONIKA NIHNA 3:15

Ahi zongin amah galbawl kei unla, thu up pih mi khat hihna tawh hilh bawl zaw un.

1 THESALONIKA MASA 4:18

Tua ahih ciangin note khatlekhat hih thu tawh na kihehnem un.

1 KORIN MASA 14:15

Tua ahihleh bangci gamtat ding ka hi hiam? Ka lungsim tawh thu ka ngen dinga, ka ngette ka theih nading tawh zong ka ngen ding hi. Ka lungsim tawh la ka sa dinga, ka sakte ka theih nading tawh zong ka sa ding hi.

Mattiu 26:30

Tua ciangin la khat sa uh a, Oliv Mual tungah a pai uh hi.

Paunak 14:8

Thungaihsun theite a pilna in lampi man musak a, mihaite a haina in lam khialsak hi.

Late 138:1

Topa aw, ka lungsim khempeuh tawh nangma tungah lungdamna kong ko a, pasian-teʼ mai ah nangmah phatna ka sa hi.

Late 119:54

Hih leitung ka omna peuh ah nangma ngeina kipte la phuah in ka sa hi.

ROM (Romans) 15:14

Thu upna sungah sanggamte aw, note mihoih hi-in, bangci gamtat ding cih thei-in, khatlekhat zong a kihilh thei dingin kong muang mahmah hi.

Luka 2:51

Tua ahih ciangin a nu le a pa zui-in Nazareth khua ah ciahkik a, amauteʼ thu mangin tua lai ah hoihtakin a om hi. A nu in hih thu khempeuh a lungsim sungah ngaih sunsun hi.

1 KHANG TANGTHU MASATE 25:7

A Levi mipihte uh tawh Topa ading lasakna lamah sinna a nei a siam mi a vekpi-in za nih le sawm giat le giat ahi hi.

Mangmuhna 19:10

Tua ciangin amah a bia dingin a khe phung ah ka kun suk a, ahi zongin amah in, “Kei hong bia kei in. Kei pen Jesuʼ hong thugente a lenkip nang le na sanggamte khempeuh tawh nasem khawm khat ka hi hi. Pasian bia in!” hong ci hi. Jesuʼ thugen in kamsang nasep sepnop nading lungsim a guan ahi hi.

Isaiah 30:29

Ahi zongin no Pasianʼ mite in ahihleh biakna pawi a kikham ni zan a bangin la na sa ding uh hi. Israel-te a hu Topa’ biakinn ah a pai dingin tamngai aw ginna zui-in a kuan khiate bangin na lungdam ding uh hi.

Isaiah 26:1

Tua ni ciangin Judah gam sungah hih la kisa ding hi: Khuapi muanhuai khat i nei a, Topa mahmah in i kulhte le i panmun kipte hong hutsak hi.

Isaiah 5:1

Ka lawm it paʼ tangin a leenggui lo a itna la keʼn hong sa ning: Ka lawm it pa in leitang a hoih mahmahna mual tung khat ah leenggui lo khat a nei hi.

Solomon la 1:1

Solomonʼ la ngaih pente:

Mangmuhna 14:3

Tokhom, ganhing lite le upateʼ lam nga-in tua mihonpite in la thak khat a sa uh hi. Tua la pen leitungah a kitan khia sa mi tul za le tul sawm li le tul lite sim loh kuamah dang in sa thei lo uh hi.

Paunak 18:1

Midangte tawh a kipawl thei pha lote amah bek thupi a kisate hi a, midangteʼ cih khempeuh man a sak khat beek om lo hi.

Efesa 5:26

Pawlpi pen paubaanna a om het lo, a siangtho mahmah in Khris kiangah a kipiak theih nadingin Pasian thu tawh tui ah a silsiang khit ciangin Pasian kiangah a ap theih nadingin pawlpi adingin Khris a kipia ahi hi.

1 THESALONIKA MASA 1:8

Noteʼ gamtatna ziateʼ hangin Masedonia le Akhaia gam sungteng bekah Topaʼ thu a kithei hi loin, note in Pasian na upna thu uh mun khempeuh ah kiza ahih manin koteʼ gen ding bangmah kisam nawn lo hi.