Kolose 3:11 - Tedim Bible Revision 2017

¹¹ Tua ahih manin Gentail mi le Jew mi, vun at mi le vun at loh mi, khuapi mi le khua neu mi, sila le sila ahi lo, cih bangin a kilamdanna om lo a, Khris pen mi khempeuh ading hi thei a, thu khempeuh ading hi thei a, thu khempeuh ah amah bek ahi hi.

Tedim Bible

¹¹ Tua bawlphatna-ah Grik mi a om kei hi, Judah mi a om kei hi, vunat mi a om kei hi, vunat lo mi a om kei hi, mi pil lo a om kei hi, Sithia mi a om kei hi, sila a om kei hi, sila lo mi a om kei hi; Khazih in na khempeuh hi a, na khempeuh sungah a om hi.

Kolose 3:11 Referans Kwoze

1 KORIN MASA 12:13

Jew mi ihi a, Gentail mi ihi zongin, sila ihi a, sila ahi lo ihi zongin, eite minam tuamtuam ihih hangin Kha Siangtho khat bek mah in Jesuʼ pumpi a suak dingin ama sungah hong phum a, eite khempeuh tungah a hong kipia pen tua a kibang Kha Siangtho khat bek mah ahi hi.

ROM (Romans) 10:12

Bang hang hiam cih leh Jew mi le Gentail mi a kideidanna om lo ahih manin Topa pen mi khempeuhʼ Topa hi kim a, ama kiangah a ngen khempeuh tungah thupha tampi tak a pia hi.

Efesa 3:6

Tua thusim pen: Lungdamna thu a kihilhna hangin Gentail mite in Jew mite tawh Pasianʼ thupha ngahkhawm thei a, amaute tawh pawl khat suakin, Pasian in piak dingin a ciam thute, Khris hangin a ngah khop theihna uh ahi hi.

Efesa 1:23

Tua pawlpi pen Khrisʼ pumpi hi a, tua pawlpi adingin a mahmah kipia-in, mun khempeuh a om pawlpite, thu khempeuh ah a cingtaaksak hi.

ROM (Romans) 3:29

Pasian, Jew miteʼ Pasian bek hi a, Gentail miteʼ Pasian hi lo ahi hiam? Gentail miteʼ Pasian zong hi veve hi.

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pum khat a suah taktak theih nadingun amaute lakah kei ka om a, kei tawh nang na hong om khawm hi.

Galati 2:20

Tua ahih manin tu hun a ka nuntakna zia pen kei hang hi nawn loin ka sungah a hong om Khris hang ahi hi. Tua hi a, keimah hong itin, keima adingin a nuntakna a hong pia Pasianʼ Tapa ka muanna tawh tu laitakin a nungta ka hi hi.

1 KORIN MASA 7:19

Bang hang hiam cih leh vun atna le vun at lohna a thupi hi lo a, Pasianʼ thupiakte zuih ding a thupi ahi hi.

Isaiah 52:10

Topa in minam khempeuh mai ah a vangliatna siangtho zangin ama mite hon khia hi. Leitung mi khempeuh in i Pasianʼ hotkhiatna mu ding uh hi.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih dinga, tua ciangin note kiangah kei a hong sawl ahihna thu na thei ding uh hi.

Amos 9:12

Tua ciangin Israel mite in Edom gam a om lai teng le keima mi ahi ngei minam khempeuh zo-in ngahkik ding uh hi, Topa in ci hi.

Micah 4:2

Minam tampite hong pai-in, “Israel miteʼ Pasianʼ biakinn, Topaʼ mualah va pai to ni. Tua lai ah ama deihna hong hilh dinga, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topaʼ thu hong paikhia hi.

Kolose 2:10

Khris tawh na kipawlna hangun nuntakna kicing na nei uh hi. Huih lak a ukte le aana neite khempeuh tungah amah a lutangpi hi lai hi.

ROM (Romans) 1:14

Nuntakna sang mite le nuntakna niam mite, mipilte le mihaite, a kuamah peuh ka huh ding ka tavuan ahih manin,

Johan 15:5

“Kei pen leenggui ka hi a, note pen a hiang na hi uh hi. Note in kei tawh loin bangmah hih thei lo ding na hih manun kei tawh a kizomte in gah tampi na gah ding uh hi.

Sawltak 28:4

Tua lai-a teeng mite in Paulʼ khut tunga gul kivial a muh uh ciangin, “Hih mipa pen mi that hi takpi ding hi. Hih tuipi lauhuai panin a suahtak hangin a thuman pasian in hingsak tuan lo ding hi,” ci-in khatlekhat a kikum uh hi.

Sawltak 28:2

Tua lai-a teeng mite ko tungah hong nuam mahmah uh hi. Guahzu-in khua dam mahmah ahih manin meiphual pi hong cihsak uh a, limtakin zin hong do uh hi.

Johan 14:23

Jesu in, “Kei hong itte in ka thu zui ding uh hi. Ka Pa in zong it dinga, ka nihun tua mite kiangah pai-in amaute tawh ka om khawm ding uh hi.

Hosea 2:23

Leitungah ka mite kipsakin a cithei-in ka bawl dinga, hehpih loh, a kici mite ka hehpih dinga, ka mi hi lo, a kici mite, ka mi na hi uh hi, ka ci dinga, amaute in, “Nang pen koteʼ Pasian na hi hi,” hong ci ding uh hi, Topa in a ci hi.

Late 117:2

Bang hang hiam cih leh eite a hong itna lian mahmah a, Topaʼ thutakna a tawntungin kip ngitnget hi. Topa phat un.

2 JOHAN NIHNA 1:9

Khrisʼ thuhilhna zui loin a khengvalin a pai mite pen Pasian tawh a kipawl lo ahi hi. Ahi zongin a thuhilhna a zuite pen Pa Pasian le a Tapa tawh a kipawl ahi uh hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.

Efesa 6:8

Salte ahi a, sal ahi lote ahi zongin na hoih a sem mi khempeuh, Topa in thaman a piak ding lamtak na thei un.

Efesa 3:17

na upna hangun note lungsim sungah Khris hong teengin, itna thu ah zung thuk kha-in bulkip na neih nadingun thu ka ngen hi.

1 KORIN MASA 14:11

Ahi zongin a kipau pau nam thei kei leng, kei pen a pau pa adingin mi namdangpi ka hi dinga, a pau pa zong kei adingin mi namdangpi khat hi ding hi.

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuau thu le bangmahin a kimang lo milimte longal bangmah dang a luah kei ding uh hi.

Ezekiel 47:22

Note adingin na neih kip tawntung ding uh gamh hi ding hi. Hih leitang na hawm uh ciangin note lakah hong teengin ta a nei khin sa minam dangte zong note mah bangin tanh na pia ding uh hi. Amaute pen Israel minam taktakte mah bangin na ngaihsun ding uh a, Israel minam dangte mah bangin leitang hawmna ah ai sawk thei ding uh hi.

ROM (Romans) 3:22

Tua thu in: Jew mi le Gentail mi kuamah a kilamdanna om loin Jesu Khris upna hangin mi khempeuh in Pasian tawh kipawl theihna a ngah hi.

Efesa 2:14

Khris mahmah in Gentail mite le Jew mite pawl khatin hong bawl ahih manin eite tungah nopsakna a hong pia pa ahi hi. Hih minam nihte khenin gal a piangsak dalna pen Khris in ama pumpi tawh a satkham hi.

Efesa 2:15

Amah tawh kipawlna hangin minam nihte pawl khat a suah theih nadingin minam a dei Jew Thukham le a ngeinate khempeuh phiatin, eite pawl khat hong suahin a hong kilemsak hi.