Kolose 3:10 - Tedim Bible Revision 2017

¹⁰ ngeina thak tawh kituakin gamta un. Eite a hong piangsak Pasian a kicing takin i theih semsem nadingin amah a sun dingin a hong thakbawl tawntung ahi hi.

Tedim Bible

¹⁰ ngeina thak tawh kituakin gamta un. Eite a hong piangsak Pasian a kicing takin i theih semsem nadingin amah a sun dingin a hong thakbawl tawntung ahi hi.

Kolose 3:10 Referans Kwoze

ROM (Romans) 12:2

Leitung mihingteʼ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasianʼ deihna na phawk thei ding uh hi.

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

Kolose 3:12

Pasian in note hong itin, hong teelin, ama mi siangthote hi khin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

2 KORIN NIHNA 5:17

Tua ahih manin mi khatpeuh, Khris tawh a kipawl ciangin mi thak suak a, a mi lui ngeina bei-in a mi thak ngeina a nei ta ahi hi.

Late 51:10

Pasian aw, keima sungah lungsim siangtho hong piangsak inla, a thak a man ngaihsutna ka sungah hong guan in.

Ezekiel 11:19

Amaute tungah lungsim thak le ngaihsutna thak ka pia ding hi. Amauteʼ suang lungtang paih khiatsakin mihing lungtang ka guan ding hi.

Kolose 3:14

Hihte khempeuh banah, mi khempeuh kilem takin a hong om khawmsak thei ahi ki-itna na bulphuh un.

Ezekiel 36:26

Note sungah lungtang thak le lungsim thak kong guan dinga, na suang lungtang uh hong lak khiatsakin mihing lungtang kong guan ding hi.

1 JOHAN MASA 2:5

Ahi zongin ama thu a zui mite pen Pasian a itna a kicingtaak taktak mi ahi hi. Hih bangin i gamtat leh Pasian tawh a kipawl taktak ihihna i thei hi.

ROM (Romans) 13:14

Kidal nadingin, Topa Jesu Khrisʼ hong piak galhiamte zang unla, na pumpi uh deihna bangin gamtat nading hun omsak nawn kei un.

1 JOHAN MASA 2:3

Eite in ama thupiaknate i zuih leh amah a thei taktak ihihna hong kilang hi.

ROM (Romans) 8:29

Pasianʼ Tapa mi khempeuh lakah a upa pen a suah theih nadingin Pasian in a teel kholh sa mite, a Tapa tawh a kibang dingin a seh sa ahi hi.

Johan 17:3

Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Ezekiel 18:31

Na gamtatna sa uh mawhna khempeuh nusia unla, na lungsim uh le na ngaihsutna uh thaksuaksak un. Bang hangin no Israel mite si nuam na hi uh hiam?

Mangmuhna 21:5

Tua ciangin tokhom tungah a tupa in, “Tu-in na khempeuh a thakin ka bawl hi,” ci hi. Tua ciangin, “Hih thute thumanin muantaak ahih manin lai ah gelh in,” hong ci lai hi.

Efesa 2:15

Amah tawh kipawlna hangin minam nihte pawl khat a suah theih nadingin minam a dei Jew Thukham le a ngeinate khempeuh phiatin, eite pawl khat hong suahin a hong kilemsak hi.

Galati 6:15

Vun ki-atna le ki-at lohna a thupi om tuan lo a, mi thak nam pawl hih ding bek a thupi ahi hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuʼ maitang a taangsak Pasianʼ vangliatna thu theih nading khuavak ka ngah theih nadingun kote lungsim sungah khuavak hong taangsak hi.

2 KORIN NIHNA 3:18

Tua ahih manin eite khempeuh i maitang hong kiliah nawn loin Topaʼ minthanna vang taang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawl pha a, minthanna khat panin minthanna sang zaw ah hong omsak hi.

ROM (Romans) 13:12

Zan khuamial bei dektak a, sun khuavak hong tung dektak ta hi. Khuamial sunga gamtatnate khawlin khuavak sunga nazatte zam ta ni.

Galati 3:27

Khris sungah a kiphum note in Khrisʼ pianzia a nei khinta na hi uh hi.

Isaiah 52:1

Zion aw, khanglo in; khanglo inla na tha khauhsak in. Khuapi siangtho Jerusalem aw, na puan hoihte silh in. Bang hang hiam cih leh dawibia mite le a nin mite nang sungah hong pai nawn lo ding hi.

Hebru 6:6

amaute a tawpkik leh, amau utthu tawh singlamteh tungah Pasianʼ Tapa thatkikin a zumhuai dingin a pholak kikkik suak uh ahih manin a kisik theih nading uh lampi om nawn lo hi.

Isaiah 59:17

Amah in thumanna pen awmdal lum bangin silh dinga, gualzawhna pen sik lukhu bangin khu ding hi. Na khempeuh a manin bawlkik nopna, gimna a piangsakte gim pia-in thukkik nopna lungsim puan bangin a silh ding hi.

JOB (Job) 29:14

Thuman, puan bangin ka silh a, thuman in kei hong tuam hi. Thutang, puan pi-in ka silh a, thutang in kei hong tuam hi.

Piancilna 5:1

Hih pen Adamʼ suanlekhakteʼ laibu ahi hi. Pasian in mi a piansakin, amah in Pasian tawh a kisunin a bawl hi.

ROM (Romans) 6:4

I Paʼ vangliatna tawh sihna panin Khris a kithawhkiksak mah bangin eite zong nuntakna thak i nuntak theih nadingin tui i kiphum ciangin amah tawh kiphum khawmin a si khawm ihi hi.

2 KORIN NIHNA 4:16

Tua thu hangin ka lungkia tuan kei uh hi. Koteʼ leitung pumpi in damdamin muat lam a manawh ahi zongin ka kha nuntakna uh a nini-in thaksuak semsem hi.

Filemon 1:6

Thu umte ihihna hangin Khristian sungah eite i kikholh manin, Khris hangin i nuntakna sungah i ngah thupha a hoih khempeuh na theihna a kicin semsem nadingin thu ka ngen hi.