Kolose 3:1 - Tedim Bible Revision 2017

¹ Note pen Khris tawh a thokik khinte na hih manun, Pasianʼ taklam a kumpi tokhom tungah Khris a tutna mun vantung thute ngaihsutin nei un.

Tedim Bible

¹ Tua ahih ciangin note in Khazih tawh thokik khawm na hih uh leh, Pasian’ ziat lamah a tu Khazih’ omna mun, tung lamah a om nate na zong un.

Kolose 3:1 Referans Kwoze

ROM (Romans) 8:6

I ngaihsutna, i pumpi deihna uksak lehang sihna tawh kizom hi; i ngaihsutna, Kha Siangtho uksak lehang nuntakna le nopsakna tawh a kizom hi.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

2 KORIN NIHNA 4:18

Bang hang hiam cih leh a kimu thei nate a mitsuan ka hi kei uh a, a kimu thei lo nate a mitsuan ka hi uh hi. A kimu thei nate tomno sung bek kimang a, a kimu thei lo nate a tawntungin a kip ahi hi.

Kolose 3:2

Vantungah a om thute ngaihsutin nei unla, leitungah a om thute ngaihsutin nei kei un.

Mattiu 6:20

Nget in a nek theih lohna, a kekseu theih lohna, gutate in luhin a guk theih lohna mun vantungah note adingin khol zaw un.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Luka 12:33

Na neihsa uh zuak unla, mizawngte tungah tua sumte na pia un. Note adingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei het loh nading mun vantungah na sumte uh na khol un.

Late 16:11

Nangmah in nuntakna lampi keimah nong lak hi. Nangma omna munah lungdamna lianpi om a, nangma tak lamah nop tawntungnate a om hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Luka 22:69

Ahi zongin tu a kipanin a Vanglian Pasianʼ tak lamah Mihing Tapa tu ding hi,” ci-in a dawng hi.

Kolose 2:20

Khris tawh si khawm khin na hih manun huihlak a ukteʼ khut sung panin a suakta khin na hi uh hi. Tua hi napi-in, bang hangin hih leitung mite bangin gamta na hi uh hiam? Bang hangin ngeina a tuamtuamte,

Hebru 8:1

Tu-in i gen nop thu pen hih bang ahi hi: Vantungah Pasianʼ tokhom tak lamah a tu tua bang Siampi Lianpen khat a nei ihi hi.

ROM (Romans) 8:34

Tua ahih manin kua in amaute tungah thu khen thei nawn ding ahi hiam? Eite adingin a hong thumsak pa pen Pasianʼ tak lamah a tu, a sih khit ciangin sihna panin a kihingkiksak Khris Jesu hi lo ahi hiam?

Hebru 10:12

Ahi zongin Khris in mawhna hangin khatvei a piak khit ciangin a tawntung adingin kimang ahih manin Pasianʼ taklam ah tu hithiat a,

Mattiu 26:64

Tua ciangin Jesu in, “Nangmah in tua mah na ci khin hi. Ahi zongin note khempeuh kiangah ka hong genin ah: Vanglian paʼ tak lamah Mihing Tapa omin meii tungah a hong pai na mu ding uh hi,” a ci hi.

Efesa 4:10

Tua ahih manin mun khempeuh ah a omkim khit theih nadingin a pai suk mipa pen mah vantung a sang pen dawn nangawn kheng to-in na pai to hi.

Marka 14:62

Jesu in, “Ka hi hi; Vanglian Pasianʼ tak lamah Mihing Tapa omin meii lakah a hong pai na mu ding uh hi,” a ci hi.

Hebru 1:13

Ahi zongin Pasian in ama vantung mite kiangah, “Na galte na khe nuai ah ka hong sikcipsak matengin ka tak lamah hong tu in,” ci ngei lo hi.

Sawltak 2:34

David pen vantungah a kah toh loh hangin amah in, ‘Topa in keima Topa kiangah: Na khe nuai ah na galte kong koihsak matengin ka tak lamah na tu in, ci-in gen hi,’ ci hi.

Luka 20:42

Bang hang hiam cih leh David mahmah in La Bu sungah, ‘Topa in keima Topa tungah thu gen a: Na galte, na khe nuai ah ka koih matengin ka tak lamah tu in,’ ci hi.

Marka 16:19

(Tua bangin Topa Jesu in amaute tungah thu a gen khit ciangin vantungah kila to-in Pasianʼ tak lamah a tu hi.

Marka 12:36

Kha Siangthoʼ sawlna tawh David mahmah in thu gen a, ‘Topa in keima Topa tungah thu gen hi: Na galte, na khe nuai ah ka koih matengin, ka tak lamah na tu in,’ ci hi.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

Sawltak 7:55

Ahi zongin Stefen ahihleh Kha Siangtho tawh kidimin vantung lam en to a, Pasianʼ minthanna vang le Pasianʼ tak lamah Jesu a ding mu ahih manin,

Mattiu 22:44

‘Topa in keima Topa tungah thu gen a: Na galte, na khe nuai ah ka koih matengin ka tak lamah na tu in,’ ci hi, ci-in thu na gen a, Khris pen ka Topa ci ahi hiam?

Paunak 15:24

Mipilte in nuntakna lampi zui to uh a, sihna lampi zui suk lo uh hi.

Late 110:1

Topa in ka to kumpipa tungah, “Na galte nangma khengakna-in ka bawl matengin ka tak lamah tu in,” a ci hi.

Thuhilh-sia 10:2

Mipilte a manin a gamtat ding a ngeina hi a, mihaite a sia-in a gamtat ding a ngeina ahi hi.

Efesa 5:22

Zite aw, Topaʼ thu na man uh mah bangin na pasalte uh thu na mang un.