Kolose 2:8 - Tedim Bible Revision 2017

⁸ Khris thu tawh a kituak lopi-in, tangthu tuanthu ahi a, huihlak a ukteʼ thu siksanin ahi zongin, bangmahin a kimang lo leitung pilna tawh miteʼ khem sa-in sila na suahkhak loh nadingun kingaihsun un.

Tedim Bible

⁸ Khazih thu zui lo mite’ tangthu leh leitung thungeek zui-in, leitung pilna leh mawkna khempeuh hangin note kuamah in hong sut, hong bawlsiat theih loh nadingin kikem un.

Kolose 2:8 Referans Kwoze

1 TIMOTI MASA 6:20

Timoti aw, nang tungah a hong kipia thute hoihtakin na zui in. Mi pawl khatte in, “Thu theihna,” ci-in a ngaihsut khak uh, Pasianʼ thu tawh a kituak lo, thu kihai selnate na pelh in.

Efesa 5:6

Hih bang mawhnate i bawl hangin phamawh kei, ci-in a mawk gen miteʼ khem sa-in ta kei un. Pasian thu mang loin hih bangin a gamta mite in Pasianʼ hehna a thuak ding uh ahi hi.

Mattiu 7:15

“Kamsang taktak ahi lote na muh uh ciangin limtakin kikem un. Amaute in a tungtham ah tuu lim hong pua-in, ahi zongin a sung tawng taktak uh ngia hangsan bang ahi uh hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a gina lo tua bangte lamah kiheikik nuam a, sila va suakkik nuam na hi uh hiam?

Kolose 2:20

Khris tawh si khawm khin na hih manun huihlak a ukteʼ khut sung panin a suakta khin na hi uh hi. Tua hi napi-in, bang hangin hih leitung mite bangin gamta na hi uh hiam? Bang hangin ngeina a tuamtuamte,

2 TIMOTI NIHNA 3:13

migilote le thu thei kineihin mi khem theite zong siat tat semsemin, amaute in mi khemkhemin, amaute mah in zong khemna a thuak ding mah uh ahi hi.

Jeremiah 29:8

Vanglian Topa, Israel miteʼ Pasian in kong genin ah: Noteʼ lakah a om na kamsangte uh le na aisan theite uhʼ khem sa-in ta kei unla, a mangmat hong gente uh na ngai kei un.

2 PETER NIHNA 3:17

Tua ahih ciangin ka itte aw, hih thute thei khol unla, ngeina man zui lo miteʼ khemna zui kha-in na bulkip panun na puk khak loh nadingun na kidawm un.

Hebru 13:9

Thuhilhna lamdang a tuamtuamte zui-in lam man panin pial kha kei un. A zui mite tungah bangmah phattuamna a piangsak thei lo an nek tui dawn tawh kisai ngeina zuihna in thahatna hong pia thei lo a, Pasianʼ hehpihna bek in i lungsim hong thahatsak thei hi.

2 JOHAN NIHNA 1:8

Tua ahih ciangin na sep sa uh thuman taan kha loin, a kimtakin na ngah theih nadingun limtakin kidawm un.

Galati 4:3

Tua mah bangin eite zong kha thu ah i neu lai hun sungteng huihlak a uk vangneiteʼ khutnuai ah a om ihi hi.

2 KORIN NIHNA 10:5

Miteʼ ngaihsutna a man lote ka thal nial gawp zo uh a, Pasianʼ thu theih nading a khaktan thei nate ka susia gawp uh a, mi khempeuhʼ ngaihsutna zo gawpin Khrisʼ thu a mang dingin ka bawl uh hi.

Kolose 2:18

Maang a muhna hangun a thupi diakin kingaihsunin, a kilawm lo zah dongin kiniamkhiat nading le vantung mite biak ding a hong hanthawn miteʼ khem sa-in ta kei un. Tua bang mite pen amauʼ ngaihsut tawmna tawh a kihisak mawk hi a,

1 PETER MASA 1:18

Na pu na pate uh nuntak zia, bangmahin a kimang lo nuntakna panin a hong suahtaksak nadingin Pasian in noteʼ man dingin a piak pen a man a kiam thei ngun le khamte bang hi lo a,

ROM (Romans) 16:17

Lawmte aw, noteʼ theih sa thute gensia langpangin, miteʼ upna nawngkaisakin pawl a kikhensak mite kidawm un. Tua bang mite tawh kikhawl vet kei un.

Efesa 4:20

Tua bang gamtatnate pen Khris thu panin na theihkhak uh hi lo hi.

Galati 1:14

le ka khangualte lakah Jew biakna lamah a makai pen ka hihna thu le ka pu ka pate uh tang ngeinate a nak kin mahmah ka hihna a kipanin ka pianzia ngeisate khempeuh na zak sa na theih sa uh ahi hi.

Filippi 3:2

Ui bangin a mi ginalo, a gitloh gamtat, vun at ding a ci teiteite kiang panin na kidawm un.

Thu-hilhkikna 6:12

salsuahna Egypt leitang panin hong paikhiatpih Topa na mangngilh khak loh nading uh kidawm un.

Mattiu 16:6

Jesu in amaute kiangah, “Farisi-te le Saddusi-teʼ silngo hoihtakin kidawm un,” a ci hi.

Mattiu 10:17

Mi pawl khatte in note hong manin zumah hong paipih ding uh a, amauteʼ kikhopna inn sungah hong sat gawp ding uh ahih manin hoihtakin kidawm un.

Kolose 2:22

Hih nate pen i nek, i zat khit ciangin a maimang hi lel a, mihingteʼ bawl tawm thuhilhna le ngeina hi lel hi.

Efesa 2:2

Tua hun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukteʼ thu na mang uh hi.

Sawltak 17:18

Epikuras thu ngaihsutzia le Stoik thu ngaihsutzia a um mite pawl khat, Paul tawh thu kinial uh a, “Hih mi kipilsak thu mawk gengen pa in bang gen nuam ahi hiam?” cih san uh a, pawl khat in, “Minam dangteʼ pasian thu a gen tawh kibang hi,” a ci uh hi. Paul in Jesu thu le a thawhkikna thu hilh ahih manin hih bangin a gen uh ahi hi.

Sawltak 17:32

Sihna panin thawhkikna thu Paul in a gen a zak uh ciangin mi pawl khat in zahpih bawl uh a, ahi zongin mi pawl khat in, “Hih thu khatvei zakik nuam lai ung,” a ci uh hi.

Solomon la 2:15

“I leengguite pak ta ahih manin ngia no hon in a suksiat ma-in tua ngia no honte man ni,” hong ci hi.

1 KORIN MASA 8:9

Ahi zongin noteʼ ut bangin gamtat theih nading thu na neihna uh hangin upna a neu laite a puksak na suahkhak loh nadingun hoihtakin kidawm un.

1 KORIN MASA 10:12

Lungkip takin ka om zo hi, ci-in a kingaihsun mite a puk khak loh nadingun kikem uh hen.

Galati 5:15

Ahi zongin note pen gamsa bangin khatlekhat kiphuai-in kipet kha le-uhcin na vekpi-un na siatlawh khak ding uh lauhuai ahih manin hoihtakin na kidawm un.

Kolose 2:23

Hih bang gamtatnate pen a tungtham in i et ciangin limtakin biaknopna lungsim a piangsak ding, kiniamkhiatna a piangsak ding, pumpi ki-uk zawhna a piangsak ding tawh kibang hi. Ahi zongin a taktakin hihte khat beek in pumpi ki-uk zawhna piangsak zo lo hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na om khak loh nadingun na kingaihsun un.