Kolose 2:4 - Tedim Bible Revision 2017

⁴ Kuamah in note a hong khem zawh loh nadingin hih bang thu a hong gen ka hi hi.

Tedim Bible

⁴ Kuamah in kheemna kam tawh note hong kheem zawh loh nadingin hih thu ka hong gen hi.

Kolose 2:4 Referans Kwoze

1 JOHAN MASA 4:1

Ka it lawmte aw, kha ka nei a ci mi khempeuhʼ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

Efesa 4:14

Tua hun ciangin thu upna lamah naupang ihi nawn kei dinga, mite khemin a khialsak theiteʼ mutna hangin i suk hoi i to hoi nawn kei dinga,

Mattiu 24:4

Jesu in amaute kiangah, “Kidawm unla, miteʼ khem sa-in ta kei un.

2 JOHAN NIHNA 1:7

Bang hang hiam cih leh leitungah midangte a khem tampi hong om ta a, tua mite in Jesu Khris, mihing banga hong paina thu a nial uh hi. Tua bang mite pen mi khemte hi a, Khrisʼ Gal ahi uh hi.

Marka 13:22

Bang hang hiam cih leh Khris kineihkhemte le kamsang kineihkhemte hong piang dinga, ahih zawh leh a teel sa mite nangawn a khem nadingun lim le nalamdangte hong bawl ding uh hi.

Mangmuhna 20:8

Gog le Magog a kici leitung gam khempeuh ah a om minam khempeuh a khem dingin kuan khia ding hi. Satan in a galsim pih dingin tuipi gei-a sehnel zahin a tam mihonpi kaikhawm ding hi.

2 TIMOTI NIHNA 3:13

migilote le thu thei kineihin mi khem theite zong siat tat semsemin, amaute in mi khemkhemin, amaute mah in zong khemna a thuak ding mah uh ahi hi.

2 TIMOTI NIHNA 2:16

Pasian tawh mite a kigamlasak semsem thei thu gina lo, a haihuai thu kikup thu kiseelnate na pelh in.

Efesa 5:6

Hih bang mawhnate i bawl hangin phamawh kei, ci-in a mawk gen miteʼ khem sa-in ta kei un. Pasian thu mang loin hih bangin a gamta mite in Pasianʼ hehna a thuak ding uh ahi hi.

Sawltak 20:30

Note sung mahmah panin zong mi pawl khat in thu um mite khemin a zol khiat hun hong tung ding hi.

Mangmuhna 20:3

Tua ciangin kuahawm thukpi sungah khia suk a, kum tul khat a cin mateng minam tuamtuamte a khem theih nawn loh nadingin a tawh kalhin a ciamteh hi. Kum tul khat a cin khit ciangin tawl khat sung a kikhah ding ahi hi.

Mangmuhna 13:8

Tua ahih manin a kigo Tuuno laibu sungah a nungta ding miteʼ min, leitung pianmapekin a kikhumna ah a kihel lo leitung mi khempeuh in tua ganhing bia ding uh hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

1 JOHAN MASA 2:26

Note khempeuh a hong sawm miteʼ thu tu-a zah tawh khin phot ni.

1 JOHAN MASA 2:18

Tate aw, tu-in hun tawpna hong nai ta hi. Khrisʼ Gal hong pai ding hi, ci-in na zak sa uh mah bangin tu-in Khrisʼ gal tampi tak hong tung khinta hi. Tua ahih ciangin bei nading nai taktak ta hi, ci-in i thei hi.

Kolose 2:18

Maang a muhna hangun a thupi diakin kingaihsunin, a kilawm lo zah dongin kiniamkhiat nading le vantung mite biak ding a hong hanthawn miteʼ khem sa-in ta kei un. Tua bang mite pen amauʼ ngaihsut tawmna tawh a kihisak mawk hi a,

Kolose 2:8

Khris thu tawh a kituak lopi-in, tangthu tuanthu ahi a, huihlak a ukteʼ thu siksanin ahi zongin, bangmahin a kimang lo leitung pilna tawh miteʼ khem sa-in sila na suahkhak loh nadingun kingaihsun un.

Galati 2:4

Ahi zongin mi pawl khat in atsak nuam sam uh hi. Khris Jesu tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

2 KORIN NIHNA 11:3

Ahi zongin gulpi in ama zuau ngian tawh Eve a khem zawh bangin na lungsim uh kihei-in Khris tungah na kipiaknate uh na nusiat khak ding uh ka lunghimawh hi.

1 KORIN MASA 2:4

thu kong hilh ciangin zong leitung mipilteʼ zat kammalte le siamnate ka zang kei a, Pasianʼ Kha Siangtho vangliatna tawh thu kong hilh hi.

Mattiu 24:24

Bang hang hiam cih leh Khris a kineihkhemte le kamsang a kineihkhemte hong piang dinga, ahih zawh leh a teel sa mite nangawn a khem nadingun lim le nalamdang lian pipi hong bawl ding uh hi.

Efesa 4:17

Tu-in Topaʼ min tawh limtakin note kiangah ka hong gen nop thu in: Thu um lo dawi biate bangin gamta nawn kei un. Amauteʼ thu ngaihsutte a kimang bangmah om lo a,