Kolose 2:2 - Tedim Bible Revision 2017

² Note, lungsim hanna tawh kidimin, thu a man taktakin na theihna hangun lungkip takin omin, itna tawh pum khat na suah theih nading uh ka deihna ahi hi. Tua hileh Pasianʼ thusim ahi Khris mahmah na thei ding uh hi.

Tedim Bible

² Note, lungsim hanna tawh kidimin, thu a man taktakin na theihna hangun lungkip takin omin, itna tawh pumkhat na suahtheih nading uh ka deihna ahi hi. Tua hileh Pasian’ thusim ahi Khrih mahmah na thei ding uh hi.

Kolose 2:2 Referans Kwoze

Kolose 1:27

Pasian in mi khempeuh adingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khris tawh a kipawlte in Pasian tawh minthanna ngahkhawm ding hi, cihna ahi hi.

Kolose 4:8

Hih lai-a koteʼ om zia hong gen ciangin noteʼ lungsim a nop theih nadingin amah a hong paisak ka hi hi.

Efesa 6:22

Koteʼ om zia na theih nading uh le amah in noteʼ lungsim hong thahatsak theih nadingin amah a hong paisak ka hi hi.

Kolose 3:14

Hihte khempeuh banah, mi khempeuh kilem takin a hong om khawmsak thei ahi ki-itna na bulphuh un.

ROM (Romans) 16:25

Eite khempeuh in Pasian phat ni. Keima hilh Jesu Khris thu ahi Lungdamna Thu le tanglai-in a ki-imcip, tu-in a kipholak thu ah, amah pen noteʼ upna a hong kipsak thei pa ahi hi.

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Filippi 2:1

Note, Khris tawh kipawlin na nuntakna uh in note hong thahatsak hi. Kha Siangtho tawh kikhawlin, khatlekhat kihehpihin, dikna na kibawl uh hi.

Isaiah 53:11

Amah in a gimna thaman mu-in a lungdam ding hi. A mawk thuak ahih lohna thei-in a thuman ka nasem pa in mi tampi tak a dik suaksak dinga, amah in amauteʼ mawhnate pua ding hi.

2 PETER NIHNA 1:3

Ama minthanna le a hoihnate a neikhawm dingin a hong sam pa i theihna hangin Pasianʼ deih bangin biakna mantak i nuntak theih nadingin ama vangliatna in eiteʼ kisap na khempeuh a hong pia hi.

ROM (Romans) 15:13

Kha Siangthoʼ huhna tawh noteʼ lametna a khan semsem theih nadingin, lametna a hong pia thei Pasian in, amah na upna uh hangin lungdamna le nopsakna tawh note hong kidimsak tahen.

Johan 10:30

Kei le ka Pa pum khat ka hi uh hi,” ci-in a dawng hi.

Johan 6:69

Tu-in nang ka hong um uh a, Pasian kiang panin a hong pai a Siangtho Pa na hihna thu ka hong thei uh hi,” ci-in a dawng hi.

Hebru 10:22

Tua ahih manin mawhna thu ah kisuanna lungsim om nawn loin, tui siangtho tawh i pumpi a kisawp sa-in muanna le lungsim takpi tawh Pasian kiang zuan ni.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Hebru 6:11

Note khat ciatʼ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

Kolose 1:9

Tua bangin noteʼ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasianʼ deihna na theihtheih nadingun ka hong ngetsak uh hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khris tawh na kipawlna hangun pawl khat hi-in, a kibang kim na hi uh hi.

1 KORIN MASA 2:12

Eiteʼ ngah lungsim pen leitung miteʼ lungsim hi lo a, Pasian in eite tungah a hong piak na khempeuh i theih nadingin Pasianʼ hong piak Kha Siangtho lungsim ahi hi.

Johan 17:3

Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Johan 16:15

Ka Paʼ neihsa khempeuh keima-aʼ suak khin ahih manin keima gen ding thute le a gen dingin ka sawl teng Kha Siangtho in note kiangah hong gen ding hi,” a ci hi.

Johan 10:38

Ahi zongin keimah in ka Paʼ na sem ka hih manin keima thu na hong um nuam lo uh ahi ta zongin, Pa tawh pum khat ka hihna thu na theih nadingun ka nasepnate na up dingun kilawm buang hi,” a ci leuleu hi.

Johan 5:17

Ahi zongin Jesu in amaute kiangah, “Ka Pa in tu ni dongin na sem tawntung ahih manin kei zong ka sep ding mah ahi hi,” a ci hi.

Mattiu 11:27

“Ka Pa in kei tungah na khempeuh hong pia khin hi. Pa sim loh Tapa a thei kuamah om lo a, Tapa le Tapa in a theihsak nop mite sim loh, pa a thei kuamah om lo hi.

Mattiu 11:25

Tua ciangin Jesu in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Jeremiah 9:24

A kisatheite in, keimah, leitungah migitna, thuman le thutang a zang ka hihna le tuate sungah nuam a sa pa ka hihna thu hong theihna uh ah kisathei uh hen. Topa in hih thu kong gen khin hi,” a ci hi.

Isaiah 40:1

Ka mite hehnem un, hehnem un, na Pasian un ci hi.

Isaiah 32:17

Tua ciangin thumanna hangin nopna om dinga, thumanna hangin daihna le lungmuan tawntungna om ding hi.

Late 133:1

En un, sanggamte pum khat suakin a tut khawm uh ciangin bangzahin hoihin nuam ahi hiam?

1 JOHAN MASA 5:7

Hih thu ah teci a pang thum om a,

1 JOHAN MASA 3:19

Tua ahih manin tu-a bangin i om leh a thuman Pasian tawh a kipawl ihihna le ama mai ah lungmuang takin a om thei ding ihihna i thei ding hi.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

2 PETER NIHNA 1:10

Tua ahih manin sanggamte aw, Pasian in note hong sapna le hong teelna ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

1 THESALONIKA MASA 5:14

Sanggamte aw, a thadah mite hilh unla, a meidawite hanthawnin, a zawngkhal mite huh unla, hih bang mite ngongbawl kei un.

1 THESALONIKA MASA 3:2

Khris Lungdamna Thu hilhna ah Pasian adingin kote tawh na a sem khawm i sanggampa Timoti hong paisak le-ung hoih pen ding hi, ci-in ka ngaihsun uh hi. Amah in note hong hanthawnin na upna uh ah hong kipsakin,

1 THESALONIKA MASA 1:5

Bang hang hiam cih leh note kiangah Lungdamna Thu kong hilh lai-un kam bek tawh a hong gen hi loin, Kha Siangthoʼ vangliatna le Lungdamna Thu a man taktak hi, ci-in theihna tawh a hong pai ka hi uh hi. Note kiangah ka om laitakun noteʼ phattuam nadingin ka sep ka bawlna khempeuh uh na thei uh hi.

Sawltak 4:32

Thu um mi khempeuh a lungsim uh le a ngaihsutna uh kikhat uh a, kuamah in ama neihsa kei-aʼ tuam ci loin, a neih khempeuh uh a neikhawm ciat uh hi.

1 KUMPI MASATE 3:28

Tua ciangin Israel mi khempeuh in kumpipaʼ piak thukhenna za uh hi. Thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdang sa-in a om uh hi.

Mattiu 13:11

Jesu in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

Luka 1:1

A lian mahmah Theofilas aw: Eite lakah a piang ngeisa thu a kigente, mi tampi in amau siamna zah ciat tawh lai-in a gelh uh hi.

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawk kha loin, a migitna, a lungduaina, a hong thuaknate neu ngaihsut kha na hi uh hiam?

1 KORIN MASA 14:31

Na vekpi-un a thu thei-in thahatna na ngah theih nadingun no thugen ding a neite khempeuh in khatkhatin thu na ban gen ding uh hi.

Efesa 1:7

Khris hong sihna hangin eite in suahtakna ngahin, i mawhnate hong kimaisak ahi hi. Tua zah dongin Pasianʼ hong hehpihna thu bangzah takin lian ahi hiam?

Efesa 3:3

Lai ka hong khak sate sungah a tomno-in kong gen sa bangin Pasian in ama thusim kei tungah hong hilh khinzo hi.

Efesa 3:16

noteʼ lungsim a thahat nadingin Pasian in a kicing ama vangliatna sung panin a Kha Siangtho tawh note hong tha khauhsakin,

Kolose 1:26

Tua thuhilh ding pen a beisa hunah a ki-imcip thu hi a, ahi zongin tu-in Pasianʼ mite tungah a kipholak ta ahi hi.

Kolose 2:19

lutang ahi Khris a len nawn lo uh ahi hi. Lutang ahi Khrisʼ ukna tawh pumpi na khempeuh kizom dimdiam uh ahih manin pumpi in thahatna ngah a, Pasianʼ deih bangin a khangto hi.

Kolose 4:3

Mite kiangah Khrisʼ thusim hilh theih nadingin Pasian in kote tungah hunpha hong piak theih nadingin thu hong ngetsak un. Ka thongkiatna pen hih thu hang mah ahi hi.