Kolose 2:18 - Tedim Bible Revision 2017

¹⁸ Maang a muhna hangun a thupi diakin kingaihsunin, a kilawm lo zah dongin kiniamkhiat nading le vantung mite biak ding a hong hanthawn miteʼ khem sa-in ta kei un. Tua bang mite pen amauʼ ngaihsut tawmna tawh a kihisak mawk hi a,

Tedim Bible

¹⁸ Lutang suang loin, pumpi ci-le-sa tawh kipawl ama lungsim tawh kisathei mawkin, ama theih loh a muh loh thute kantelin lungsim kiniamsakna-ah ahi zongin, vantungmi biakna-ah ahi zongin, nuamsa-a a om mi khat nangawn note lungdamna kisutsak kei un.

Kolose 2:18 Referans Kwoze

Kolose 2:8

Khris thu tawh a kituak lopi-in, tangthu tuanthu ahi a, huihlak a ukteʼ thu siksanin ahi zongin, bangmahin a kimang lo leitung pilna tawh miteʼ khem sa-in sila na suahkhak loh nadingun kingaihsun un.

1 TIMOTI MASA 1:7

Thei kisa ngelin a gen kankan uh thute le amau kampauna mahmah zong bang gen ka hi hiam cih a thei het lo hi napi-in amaute pen Pasianʼ thukhamte a hilh dingin ut zaw lai uh hi.

Kolose 2:23

Hih bang gamtatnate pen a tungtham in i et ciangin limtakin biaknopna lungsim a piangsak ding, kiniamkhiatna a piangsak ding, pumpi ki-uk zawhna a piangsak ding tawh kibang hi. Ahi zongin a taktakin hihte khat beek in pumpi ki-uk zawhna piangsak zo lo hi.

1 TIMOTI MASA 4:1

Nidang ciangin a upna panun mi pawl khat pialin, zuau thu gente le dawi thu a kigente a zuih nading uh Kha Siangtho in teltakin a gen hi.

2 KORIN NIHNA 11:3

Ahi zongin gulpi in ama zuau ngian tawh Eve a khem zawh bangin na lungsim uh kihei-in Khris tungah na kipiaknate uh na nusiat khak ding uh ka lunghimawh hi.

ROM (Romans) 1:25

Amaute in a man ahi Pasianʼ thu um nuam lo uh a, a tawntungin phat dingin a kilawm a Piangsak pa bia loin, Pasianʼ bawl sa nate bia-in a zui uh hi. Tu-a bangin hi takpi uh hi.

Mattiu 24:24

Bang hang hiam cih leh Khris a kineihkhemte le kamsang a kineihkhemte hong piang dinga, ahih zawh leh a teel sa mite nangawn a khem nadingun lim le nalamdang lian pipi hong bawl ding uh hi.

Mangmuhna 3:11

Keimah ka hong pai baih ding hi. Kuamah in, na ngah ding uh gualzawhna lukhu hong tuh khak loh nadingun na neihsate uh hoihtakin na lenkip un.

1 JOHAN MASA 2:26

Note khempeuh a hong sawm miteʼ thu tu-a zah tawh khin phot ni.

Filippi 3:14

Khris Jesu nasepna tawh vantung nuntakna ah Pasianʼ hong sapna ahi hamphatna ka ngah theih nadingin, a kung lam zuanin tangtakin ka tai hi.

Efesa 5:6

Hih bang mawhnate i bawl hangin phamawh kei, ci-in a mawk gen miteʼ khem sa-in ta kei un. Pasian thu mang loin hih bangin a gamta mite in Pasianʼ hehna a thuak ding uh ahi hi.

1 KORIN MASA 8:1

Tu-in milim biakna sa tawh kisai thu panin: Amaute in, “Ka thei uh hi,” a cih mah bangin eite khempeuh in theihna i neih ciatna thu i thei hi. Tua bang theihna in mite kisatheisak a, ahi zongin itna in mite kipsak hi.

Daniel 11:38

Tua pasian-te sangin kulhpi a dal pasian a thupi sim zaw ding hi. Amah in kham, ngun, suangmanpha le a thupi letsongte, a pu a pateʼ biak ngei loh pasian kiangah a pia ding hi.

Ezekiel 13:3

Topa Pasianʼ thugen hih bang ahi hi: Hih kamsang haite in gimna thuak ding uh hi. Amaute in amauʼ lungsim bangin thu gen tawmin, maang mu kineih uh hi.

Gamlak-vakna 25:18

bang hang hiam cih leh amaute in a khelpilna uh tawh note hong gimsak gawp uh a, Peor tawh kisai thu le Peorʼ hangin gimna ni-in a kithat, amauʼ sanggamnu, Midian ulianteʼ tanu Kozbi thu ah note hong khem uh hi,” a ci hi.

Piancilna 3:13

Tua ciangin Topa Pasian in numei kiangah, “Bangci a hici gamtat na hi hiam?” a ci hi. Numei in, “Gulpi in kei hong khem a, ka ne hi,” ci hi.

Mangmuhna 19:10

Tua ciangin amah a bia dingin a khe phung ah ka kun suk a, ahi zongin amah in, “Kei hong bia kei in. Kei pen Jesuʼ hong thugente a lenkip nang le na sanggamte khempeuh tawh nasem khawm khat ka hi hi. Pasian bia in!” hong ci hi. Jesuʼ thugen in kamsang nasep sepnop nading lungsim a guan ahi hi.

Mangmuhna 13:14

Ganhing masa omna ah nalamdang bawl theih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liam sa hi napi a nungta lai ganhing pahtawi nading milim khat a bawl nadingun a gen hi.

Mangmuhna 13:8

Tua ahih manin a kigo Tuuno laibu sungah a nungta ding miteʼ min, leitung pianmapekin a kikhumna ah a kihel lo leitung mi khempeuh in tua ganhing bia ding uh hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasianʼ samsiat mite ahi uh hi.

Kolose 2:4

Kuamah in note a hong khem zawh loh nadingin hih bang thu a hong gen ka hi hi.

2 KORIN NIHNA 12:20

Bang hang hiam cih leh note kiangah ka hong tun ciangin noteʼ om zia ding ka deih bangin na om loh khak ding uh le note in keima maisuah na muhnop zia bangun na hong muh loh khak ding uh ka lunghimawh hi. Note lakah kitotna, hazatna, hehna, huaihamna, mi zahpihna, mi gensiatna, kiphatsakna le buaina a om khak ding ka lunghimawh hi.

1 KORIN MASA 13:4

Itna neite a lungduai-in migi hi. Itna neite in hazatna lungsim nei loin, zong kisathei lo hi.

1 KORIN MASA 9:24

Tai kidemna ah mi khat bek in thaman a ngah ding hi napi-in a vekpi-un tai veve uh hi. Tua ahih manin thaman na ngah zawh nadingun na tai un.

1 KORIN MASA 4:18

Note kiangah kei hong hawh lo ding, ci-in ngaihsun kha uh ahih manin mi pawl khat a kiphasak uh hi.

1 KORIN MASA 3:3

Bang hang hiam cih leh Pasianʼ deihna bangin gamta loin, leitung lungsim deihna bangin gamta lai na hih manun upna sungah naungek bang ahi lai na hi uh hi. Note khatlekhat kihaza-in kitawng kiseelin na om uh ciangin hih leitung mite mah a bang lel na hihna uh hong kilang hi.

ROM (Romans) 16:18

Tua bang mite in i Topa Khrisʼ na a sem hi loin, gilpi vai bek a sem uh ahi hi. Amaute in mite phatin kam khum nono zang uh ahih manin mihoih pawl khat a khem zo uh hi.

Isaiah 57:9

Molek pasian kiangah a pai dingin sathau tawh khual na zin a, na paknamtuite tawh na siam tawpin na kipuah hi. Nang in gamlapi ah na taangmite na sawl a, Leinuai dong nangawn ah na paisak hi.

JOB (Job) 38:2

“Keiʼ pilna a nial dingin nang kua na hi hiam? Thu na theih loh lam a kilangsak na hi bek hi.

Thu-hilhkikna 29:29

“Topa i Pasian in hong lahkhiat loh thusim om a, ahih hangin hih thukham sunga om thute khempeuh i zuih theih nadingin hong lak khia a, eite le i suan i khakteʼ zuih tawntung ding ahi hi.

1 KORIN MASA 4:6

Sanggamte aw, note ading ka ngaihsutna-in hih thu khempeuh Apollos le keima pumpi tungah ka zat uh thu ahi hi. “A khengvalin gamta kei un,” cihna thu na theih nadingun ko tegel, etteh dingin ka hong zang hi. Note in mi khatpeuh kisaktheih pihin mi khatpeuh na simmawh bawl kei ding uh hi.

Efesa 4:17

Tu-in Topaʼ min tawh limtakin note kiangah ka hong gen nop thu in: Thu um lo dawi biate bangin gamta nawn kei un. Amauteʼ thu ngaihsutte a kimang bangmah om lo a,