Kolose 2:16 - Tedim Bible Revision 2017

¹⁶ Tua ahih manin an nek tui dawn, biakna pawite, Khadet pawi le Sabbath ni tawh kisai-in kuamah in ngeina zuih ding bawl kei un.

Tedim Bible

¹⁶ Tua ahih ciangin annek tuidawn ahi zongin, pawikham ni, kha det ni, Nipi ni tawh kipawl thute ahi zongin, note kuamah in kidongin thu kikhensak kei un.

Kolose 2:16 Referans Kwoze

ROM (Romans) 14:10

Tua ahihleh bang hangin na Khristian pihte uh tungah thu khen a, bang hangin simmawh bawl thei na hi uh hiam? Thukhenna a thuak dingin Pasianʼ mai ah eite khempeuh a ding ciat ding ihi hi.

Galati 4:10

Note in nite, khate, hunte, kumte a kipan pawi tuamtuamte limtakin tan ding na hah ngaihsut mahmah uh hi.

Hebru 13:9

Thuhilhna lamdang a tuamtuamte zui-in lam man panin pial kha kei un. A zui mite tungah bangmah phattuamna a piangsak thei lo an nek tui dawn tawh kisai ngeina zuihna in thahatna hong pia thei lo a, Pasianʼ hehpihna bek in i lungsim hong thahatsak thei hi.

Ezekiel 45:17

Gam uk ulian pa in biakna-in piak ding ganhingte, an tawh biakna-in zat dingte le pawi khempeuh, Khadet ni, Sabbath nite-in Israel mi buppite adingin tui phih biaknate a piak ding ama nasep ahi hi. Israel miteʼ mawhna a mai theih nadingin mawhna hanga biakna, an tawh biakna, meihal biakna le thunuam a biakpiakna-in a zat dingte khempeuh amah in a si ding ahi hi.

1 KHANG TANGTHU MASATE 23:31

a mal zah a kisam bangin Sabbath nite, Khadet nite le pawi nite-in Topa tungah meihal biakna a kipiak peuhpeuh ciangin a tawntungin Topaʼ mai ah om ding uh hi.

Mattiu 15:11

Kam sungah a tum suk nate in mi ninsak lo a, kam sung panin a pusuak nate in mi a ninsak hizaw hi,” a ci hi.

Hebru 9:10

Zu le an le pumpi siansuahna ngeina tuamtuamte hi bek a, Pasian in na khempeuh a puahphat hun ma kikal sungteng zat ding ngeina ahi hi.

Jeim 4:11

Sanggamte aw, khatlekhat kigensia kei un. A mipihte gensia-in thu a khente in Thukham gensia-in thu a khen ahi hi. Thukham na gensiat uh leh Thukham a zui hi loin thu a khen na hi uh hi.

Marka 7:19

A lungsimah tum loin a gil sung bekah tum ahih manin tua panin kitha khia lel hi. (Hih bang a gen ciangin an khempeuh nek dingin a siangtho ahi hi, ci-in Jesu in a gen ahi hi.)

Sawltak 15:20

milim biakna-a kizang an khempeuh a siang lo suak ahih manin a nek loh nading uh, numei tawh khialhnate panin a kikep nading uh, a si luang khiasak loin a kigawlmek sate le sasi khat peuhpeuh a nek loh nadingun lai i gelh zawk ding hoih ka sa hi.

Ezekiel 4:14

Ahi zongin kei zong ka dawngkik a, “Topa Pasian aw, cikmahin kei ka kininsak ngei kei hi. Ka neu tung a kipan tu dongin ama thu-in a sitawm ganhing sa ahi a, gamsateʼ nek baang ahi zongin ka ne ngei kei hi. A ninin a kiseh an khat peuhpeuh ka ne ngei nai kei hi,” ka ci hi.

Isaiah 1:13

Bangmahin a kimang lo piaknate hong paipih nawn kei un. Paknamtui halna ka kih hi. Khadet ni, Sabbath ni le thupi takin na kikhopnate uh mawhna tawh kidim ahih manin keʼn ka thuak zo kei hi.

Late 81:3

Khadet, khalik, i pawi ni-in peengkul tum un.

Late 42:4

Ka lungsim sung ka suah khia a, pawi bawl mihon khat kipakin otna le nuamna la tawh Pasianʼ inn ah ka makaihna, mihonpi tawh ka paina ka phawkkik hi.

Nehemiah 10:31

Hih mite in Sabbath ni-in van ahi a, an ahi zongin hong zuak leh Sabbath ni le ni siangtho khat peuhpeuh ni-in i lei kei ding hi. Kum sagihna-a an piangte nusia-in tua kumin leiba khempeuh i maisak ding hi.

Nehemiah 8:9

Tua ciangin a gam ukpa Nehemiah, lai thei pa lah hi-in siampi lah ahi Ezra le mite a hilh Levi mite in amaute khempeuh kiangah, “Tu ni pen Topa noteʼ Pasian adingin biakna ni siangtho ahi hi; a kap a mau om kei un,” a ci hi. Bang hang hiam cih leh thukham kammalte a zak uh ciangin mi khempeuh kap uh hi.

2 KUMPI NIHNATE 4:23

Tua ciangin amah in, “Bang hangin tu ni-in ama kiangah pai ding na hi hiam? Khadet ni ahi a, Sabbath ni ahi zongin hi lo hi,” a ci hi. Amah in, “Hong hoih na ding hi,” a ci hi.

1 SAMUEL MASA 20:18

Tua ciangin Jonathan in ama kiangah, “Zing ciang pen Khadet ni ahi hi. Na tutna awng ding ahih manin nang hong kiphawk ding hi.

1 SAMUEL MASA 20:5

David in Jonathan kiangah, “En in, zing ciang pen Khadet ni hi a, kumpipa tawh sabuai ah pel loin ka tut ding ahi hi. Ahih hangin a ni thum ni nitak dongin lo sungah ka buk theih nadingin kei hong paisak in.

Siampi Laibu 16:31

Tua pen note adingin a thupi tawlngakna Sabbath hi a, an na tang ding uh hi. Tua pen a tawntung a thukham ahi hi.

Amos 8:5

Note in na lungsim sung uh ah, “I ante i zuak theih nadingin zum khak hun bei ding i ngaklah hi. I mangbuhte i zuak theih nadingin cik ciangin Sabbath ni bei ding ahi hiam? I an tehna seu neuseekin sum tampi i ngen nuam a, tawikhaina man lo zangin a hong leite i khem nuam hi.

Gamlak-vakna 10:10

Na lungdam hun uh, a kiseh na pawi hunte uh le kha kipat hunte-in, note in na meihal biaknate uh le thunuam a na biakpiaknate uh ah zong peengkulte na tum ding uh hi. Tuate pen na Pasian uh mai ah phawkna-in kimang ding hi; kei pen Topa na Pasian uh ka hi hi,” a ci hi.

2 KHANG TANGTHU NIHNATE 31:3

Kumpipa in ama neihsa sung panin a piakte pen meihal biak nading ahi hi. Topaʼ thukham sungah a kigelh mah bangin zing le nitak a meihal biaknate, Sabbath nite, Khadet nite le a kiseh pawite adingin meihal biaknate ahi hi.

Kolose 2:20

Khris tawh si khawm khin na hih manun huihlak a ukteʼ khut sung panin a suakta khin na hi uh hi. Tua hi napi-in, bang hangin hih leitung mite bangin gamta na hi uh hiam? Bang hangin ngeina a tuamtuamte,