Kolose 2:12 - Tedim Bible Revision 2017

¹² Note tui na kiphum uh ciangin Jesu tawh kiphum khawmin, misiteʼ lak panin Khris a thosak Pasianʼ vangliatna na up manun Khris mah tawh tuiphumna panin a thokhawm leuleu na hi uh hi.

Tedim Bible

¹² Note tui na kiphum uh ciangin Jesuh tawh kiphum khawmin, misite’ lak panin Khrih a thosak Pasian’ vangliatna na up manun Khrih mah tawh tuiphumna panin a thokhawm leuleu na hi uh hi.

Kolose 2:12 Referans Kwoze

1 PETER MASA 3:21

Tui pen note a hong hon khia tuiphumna lim hi a, pumpi panin nin sawp khiatna lim hi loin, Jesu Khris thawhkikna hangin lungsim siantho nadingin Pasianʼ tungah kamciamna lim ahi hi. Tua Jesu thawhkikna in note hong hon khia ahi hi.

Galati 3:27

Khris sungah a kiphum note in Khrisʼ pianzia a nei khinta na hi uh hi.

Sawltak 2:24

Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

Efesa 3:17

na upna hangun note lungsim sungah Khris hong teengin, itna thu ah zung thuk kha-in bulkip na neih nadingun thu ka ngen hi.

ROM (Romans) 4:24

Sihna panin i Topa Jesu a hingsak pa a um eite khempeuh zong i upna hangin mihoihin hong kisang ding hi, ci-in eite adingin zong a kigelh ahi hi.

Efesa 4:5

Topa khat bek, upna khat bek, tuiphumna khat bek mah a zangkhawm ihi hi.

Efesa 2:8

Noteʼ upna hangin Pasianʼ hong hehpihna tawh hotkhiatna a ngah na hi uh hi. Noteʼ thalawhna hangin a ngah hi loin Pasianʼ hong piakkhong ahi hi.

1 KORIN MASA 15:20

Ahi zongin a thuman taktak ci lehang, a si sa mite zong hingkik takpi ding hi cih a kitel theih nadingin sihna panin Khris kihingkiksak khinzo hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Hebru 6:2

tuiphumna le khut ngakna thu, misite thawhkikna le tawntung gim thuakna, cih thute genpha sansan nawn kei ni.

Filippi 1:29

Bang hang hiam cih leh Khrisʼ na sep nading hunpha zong note tungah a hong kipia hi a, Khris upna tawh ama na a sem hi bek loin, thuakna tawh zong a sem ding na hi uh hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khris in nang hong taan ding hi,” kici hi.

Efesa 3:7

Tua lungdamna thuhilh a sem dingin Pasian in a tuam vilvelin ama vangliatna tawh kei a hong seh hi.

1 KORIN MASA 12:13

Jew mi ihi a, Gentail mi ihi zongin, sila ihi a, sila ahi lo ihi zongin, eite minam tuamtuam ihih hangin Kha Siangtho khat bek mah in Jesuʼ pumpi a suak dingin ama sungah hong phum a, eite khempeuh tungah a hong kipia pen tua a kibang Kha Siangtho khat bek mah ahi hi.

ROM (Romans) 7:4

Sanggamte aw, note zong tua mah tawh a kibang na hi uh hi. Khris tawh pum khat na hihna uh hangin thukham tawh kisai thu ah a si khin na hi uh a, Pasianʼ nasepna ah eite a man nei i suah theih nadingin sihna panin a kithokiksak Khris tawh nupa na hi uh hi.

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uh ah Pasian in na a seppihna khempeuh le Gentail mite in zong thu a up theih nadingun Pasian in lam a honsaknate khempeuh a gen uh hi.

Luka 17:5

Ni khat, sawltakte in Topa kiangah, “Ka upna uh hong liansak in,” a ci uh hi.

Sawltak 2:32

Pasian in sihna panin hih Jesu hingkiksak a, kote khempeuh pen hih thu a thei teci vive ka hi uh hi.

Kolose 1:29

Hih bang a tangtun theih nadingin Khris in kei tungah a hong piak ka thahatna khempeuh zangin, nakpi takin na semin ka hanciam hi.

Kolose 2:13

A beisa hunah na mawhna uh hangin kha thu tawh kisai-in misi na hi uh a, Gentail mi na hih manun Thukham nei lote na hi uh hi. Ahi zongin Khris hangin Pasian in note hong hingsak a, i mawhna khempeuh hong maisak khinta hi.