Kolose 2:11 - Tedim Bible Revision 2017

¹¹ Amah tawh na kipawlna uh hangin mihingte in pumpi vun a at uh bang hi loin, Khrisʼ vun-atna ahi mawhnopna lungsim tawh kipelhna a ngah khinta na hi uh hi.

Tedim Bible

^11-12 Khazih’ sungah vunatna hangin ci-le-sa pumpi paaikhia-in, khut tawh kibawl lo vunatna Topa tawh na ngah uh baptaizna hangin, amah tawh na kivui khawm uh hi. Khazih sihna pan a thosak Pasian’ vangliatna na upna uh hangin baptaizna ngahin tua Topa tawh thawhkikna na ngah uh hi.

Kolose 2:11 Referans Kwoze

ROM (Romans) 2:29

Jew mi taktak i cihte pen, a sung lamah Jew mi ahite ahi hi. A vun ki-atna uh lungsim vun atna hi a, kha thu tawh a kisai ahi hi. Thukham zui-in pumpi tung vun atna pawl hi lo hi. Hih bang mite pen mihingte in phat loin Pasian in phatin a pakta hi.

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Efesa 4:22

Zuauna lungsim in a suksiat khit sa, nidangin na nuntakna ngei uh ahi na pian lui uh paikhia unla,

ROM (Romans) 6:6

Mawhna khutnuai ah eite i om nawn loh nadingin mawhnopna lungsim i neihna teng i sucip a, singlamteh tungah Khris a sih laitak mahin i ngeina lui teng a sisak khawm ihihna thu i thei hi.

Galati 5:24

Tua hi a, Jesu Khris a zui mite in a leitung lungsim pianzia uh le a leitung lungsim deihna khempeuh uh a phiat khit sa ahi hi.

Thu-hilhkikna 30:6

Note in na lungsim khempeuh uh le na nuntakna khempeuh uh tawh Topa na Pasian uh itin na hin theih nadingun, Topa na Pasian un note le na suanlekhakte uh tungah thu man nopna lungsim hong guan ding hi.

Galati 2:20

Tua ahih manin tu hun a ka nuntakna zia pen kei hang hi nawn loin ka sungah a hong om Khris hang ahi hi. Tua hi a, keimah hong itin, keima adingin a nuntakna a hong pia Pasianʼ Tapa ka muanna tawh tu laitakin a nungta ka hi hi.

2 KORIN NIHNA 5:17

Tua ahih manin mi khatpeuh, Khris tawh a kipawl ciangin mi thak suak a, a mi lui ngeina bei-in a mi thak ngeina a nei ta ahi hi.

Hebru 9:24

Tua ahih manin a lim ahi mihingteʼ bawl Siangtho Mun sungah Jesu pai lo a, vantung mahmah ah va pai-in Pasianʼ omna ah eiteʼ tangin tu-in amah a va kilaak ahi hi.

Thu-hilhkikna 10:16

Tua ahih ciangin Topaʼ thu mang unla, lungkhauh nawn kei un.

Hebru 9:11

Ahi zongin tu-in a hoih zaw thu a sem ding Siampi Lianpen Khris hong tung khinta a, ama lutna biakbuk pen a kipiangsak tawm, khut tawh a kibawl biakbuk hi loin a lian zaw, a cingtaak zaw mun ahi hi.

Jeremiah 4:4

Judah mite le Jerusalem khua mite aw, Topaʼ thu zui unla, lungsim takpi tawh zui un. Na tua cih kei uh leh na bawl uh mawhnate hangin ka hehna mei bangin hong kuang khia dinga, a phelh zo kuamah om lo ding hi,” a ci hi.

2 KORIN NIHNA 5:1

Bang hang hiam cih leh hih ka teenna ka leitung pumpi uh a sih ciangin mihingte bawl ahi lo, Pasian in a kip tawntung dingin kote adingin a hong bawlsak inn, vantungah a nei ding ka hihna uh ka thei uh hi.

Sawltak 17:24

Tua Pasian pen leitung buppi le a tunga om khempeuh a piangsak Pasian hi a, vanlelei a uk Topa ahih manin mihingteʼ lam sa biakinn sungah teeng lo hi.

Sawltak 7:48

Ahi zongin kamsang pa in, ‘Topa in hih bangin ci hi: Vantung pen keima tokhom hi a, leitung zong ka khengakna mun ahi hi. Kei ading bang biakinn hong lamsak thei dinga, ka om nading koi lai mun hi thei ding ahi hiam? Hih nate khempeuh keima bawl sa hi lo ahi hiam, ci hi,’ ci-in a gen mah bangin mihingteʼ lam sa inn sungah a Lianpen Pasian a teeng hi lo hi.

Luka 2:21

Naungek a vun a ki-at ni hun nipikal khat a cin khit ciangin, amah a kipaii ma-in a min dingin vantungmi in a piak sa ahi Jesu, a min dingin a phuak uh hi.

Marka 14:58

“Mihingteʼ lam hih biakinn ka susia dinga, ni thum khit ciangin mihingteʼ lam ahi lo a dang khat ka lam ding hi,” a cihna ka za uh hi, ci-in hong gen uh hi.

ROM (Romans) 7:24

Kei pen a lungkham mi ka hi ta hi. Kei a hong sisak ding hih lungsim lui panin kua in kei hong hon khia zo ding ahi hiam?

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna le milim biakna nam khat ahih manin huaihamna ahi note sungah a om leitung lungsimte na sisak un.