Kolose 2:1 - Tedim Bible Revision 2017

¹ Note a kipan Laodisia khua mite le kei a hong thei ngei nai lo mi khempeuhte ading nangawnin hahkat takin na ka sem hi.

Tedim Bible

^1-2 Note leh Laodikia khuamite-a kipan kei maitang mu ngei lo mi a om khempeuhte in, ki-itna tawh kipawlin Khazih ahi Pasian’ thu thukpi thei-in up khialhna om lo pilna hauhnate tawh dimin, lungsim kihehnep nadingin bang zaha lian kidemna, kidona ka thuak thu note ka hong theisak nuam hi.

Kolose 2:1 Referans Kwoze

Kolose 1:29

Hih bang a tangtun theih nadingin Khris in kei tungah a hong piak ka thahatna khempeuh zangin, nakpi takin na semin ka hanciam hi.

Filippi 1:30

Tua ahih ciangin tu-in note in na hong muh uh ka galdona le tu mahmah in ka do lailai na zak uh thute ah kei na hong do pih thei ding uh hi.

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Kolose 1:24

Tu-in ka pumpi-in ka thuakna tawh Khris in ama pumpi ahi pawlpi adingin a thuak ding a kisam lai teng a kitaangcingsak suak ka hih manin note adingin ka thuakna thu ah ka lung a dam hi.

Sawltak 20:38

Paul in, “Kuamah in nong mukik nawn kei ding uh hi,” a cihna hangin a dah mahmah uh hi. Amaute in teembaw tung ciang dong Paul a hong kha uh hi.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kam a gen zawh loh zah dongin nakpi takin na lungdam uh hi.

Kolose 2:5

Bang hang hiam cih leh note tawh ka hong om khawm loh hangin ka lungsimin note tawh ka hong om khawm a, Khris na upna uh hangin kip takin na om khawmna uh ka theih manin ka nuam mahmah hi.

Galati 4:19

Taneute aw, note in Khrisʼ pianzia bang na neih dong uh, naupaii nupi in ta a suah ding a gimpih bangin note ka hong lunggimpih ding hi.

Sawltak 20:25

“A beisa hunah Pasianʼ Ukna thu a hilhin note lakah kong vak kawikawi a, ahi zongin tu-in kuamah in nong muhkik nawn loh ding uh ka thei hi.

Luka 22:44

Lunggim mahmah ahih manin nakpi takin thu ngen semsem a, leilak a si mal gol taak bangin a khua-ul a taak hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

1 THESALONIKA MASA 2:2

Note in na theih sa uh mah bangin Thesalonika khua ka hong tun ma-un Filippi khua ah simmawh bawlna le maizumna ka thuak uh hi. Tua bangin nakpi takin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

Piancilna 30:8

Tua ciangin Rachel in, “Nakpi takin hanciamna tawh ka sanggamnu ka zo hi,” a ci hi. Tua ahih ciangin ama min Naftali a phuak hi.