Kolose 1:29 - Tedim Bible Revision 2017

²⁹ Hih bang a tangtun theih nadingin Khris in kei tungah a hong piak ka thahatna khempeuh zangin, nakpi takin na semin ka hanciam hi.

Tedim Bible

²⁹ Tua bang deihna-in kei in hahkatin keima tungah, vanglianpi tawh hong bawlphatna bangin semin, demin ka om hi.

Kolose 1:29 Referans Kwoze

1 KORIN MASA 15:10

Tua bang hitaseleh Pasianʼ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpi takin ka sem zawsop hi. Tua ka sep zawhna pen keima hatna hang hi loin Pasianʼ hong hehpihna hang ahi hi.

Efesa 3:7

Tua lungdamna thuhilh a sem dingin Pasian in a tuam vilvelin ama vangliatna tawh kei a hong seh hi.

Filippi 2:13

Bang hang hiam cih leh note in utna lungsim na neih nading uh le ama deihna na zuih zawh nadingun note sungah Pasian in a tawntungin na a hong sem ahi hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

Kolose 2:1

Note a kipan Laodisia khua mite le kei a hong thei ngei nai lo mi khempeuhte ading nangawnin hahkat takin na ka sem hi.

2 THESALONIKA NIHNA 3:8

Kuama an a khongin ka ne kei uh hi. Note khat peuhpeuh in nong suplawh khak loh nadingun a sun a zanin hahkat takin na ka sem uh hi.

1 THESALONIKA MASA 2:9

Sanggamte aw, ka nasep ka silbawlnate khempeuh uh note in na thei uh hi. Pasian kiang panin a hong pai Lungdamna Thu note kiangah ka hong hilhna hangun note in them khat beek na gim lawh khak loh nadingun a sun a zanin nakpi takin na ka sem uh hi.

Kolose 4:12

Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

Filippi 2:16

Tua hileh a beisa hunah ka sepna le ka hanciamnate a mawkna suak lo ding ahih manin Khris hong paikik ni ciangin kei ka kisial thei ding hi.

1 KORIN MASA 12:11

Hih siamna a tuamtuamte a hong pia pen Kha Siangtho a kibang khat bek mah hi a, mi a tuamtuamte tungah ama hoihsak bangin a hong piak ahi hi.

ROM (Romans) 15:20

A tawntungin keima tup thu in: Mi khatpeuh in a pat sa nasep maban, ol takin zomin a sem mi ka suahkhak loh nadingin Khris thu a kizak ngei nai lohna munte bekah Lungdamna Thu hilh ding keima utna ahi hi.

Mangmuhna 2:3

Note in lungduai takin thuakin, keima min hangin thuak zo-in, lungkia het loin na omna uh ka thei hi.

2 TIMOTI NIHNA 2:10

Tua ahih manin Pasianʼ teel mite in zong Khris Jesu hangin hotkhiatna le tawntung minthanna a ngahkhawm theih nadingun amauteʼ hangin na khempeuh ka thuak hi.

Filippi 1:30

Tua ahih ciangin tu-in note in na hong muh uh ka galdona le tu mahmah in ka do lailai na zak uh thute ah kei na hong do pih thei ding uh hi.

Filippi 1:27

Note tawh a om khawm dingin ka hong pai thei a, ka hong pai thei kei zongin note in lungdamna thu tawh kipawl upna thu ah ngimna kikhatin kip takin na om nading uh le deihna kikhatin na do khawmna thu uh ka zak theih nadingin Khris hanga lungdamna thu tawh a kilawm a kituakin na nuntak ding uh a thupi pen ahi hi.

Efesa 3:20

Eite adingin na a hong sepsak, eiteʼ ngetzah val le i ngaihsut zawh loh zah dongin a vangliatna tawh tampi tak a hong hihsak thei

2 KORIN NIHNA 13:3

Khris in keima tungtawnin thu hong gen taktak mah ahi hiam, ci-in theihtelna na deih uh mah bangin tu-in na deihdeih uh na thei ta ding uh hi. Note tungah amah in na hong sep ciangin hong dam hih het loin khauh takin hong hih ding hi.

2 KORIN NIHNA 11:23

Amaute Khris nasem ahihleh kei zong hong hai pau mai ning. Khris nasem a hoih zaw pekpek ka hi hi. Amaute sangin na ka nak sep zaw a, satna tamvei ka thuak zaw a, sih dektakna tamvei ka tuak zaw hi.

2 KORIN NIHNA 6:5

Kote hong kisatin, thong ah hong kikhia-in, mihonpi in hong hih gawp uh hi; nakpi takin na semin, an ne lo, ihmu lo liangin ka om uh hi.

2 KORIN NIHNA 5:9

Tua ahih manin hih lai inn ah a ki-om ahi a, hua lai vantung inn ah a ki-om ahi zongin thudang khempeuh sangin Topa lungdamsak ding ngaihsutpi-in a kinei ahi hi.

1 KORIN MASA 12:6

Nasep nading siamna a nam tuamtuam om a, ahi zongin sep theih nading siamna a hong pia Pasian a kibang ahi hi.

ROM (Romans) 15:30

Lawmte aw, kei adingin Pasian kiangah thu na hong ngetsak nadingun i Topa Jesu Khris i upna hang le Kha Siangtho in a hong piak itna tawh a hong thum ka hi hi.

Luka 13:24

Jesu in amaute kiangah, “Kong kawcik tawnin na lut nadingun hanciam un. Note kiangah kong genin ah, mi tampi tak in lut ding a hanciam uh hangin lut zo lo ding uh hi.

Hebru 12:4

Tu ciang dong mawhna tawh na kidona uh ah sihna zah ciang dongin na dona uh om nai lo hi.

Kolose 2:12

Note tui na kiphum uh ciangin Jesu tawh kiphum khawmin, misiteʼ lak panin Khris a thosak Pasianʼ vangliatna na up manun Khris mah tawh tuiphumna panin a thokhawm leuleu na hi uh hi.