Kolose 1:24 - Tedim Bible Revision 2017

²⁴ Tu-in ka pumpi-in ka thuakna tawh Khris in ama pumpi ahi pawlpi adingin a thuak ding a kisam lai teng a kitaangcingsak suak ka hih manin note adingin ka thuakna thu ah ka lung a dam hi.

Tedim Bible

²⁴ Tu-in note adingin gimna thuakna ah lungdamin, Khazih’ gimna neu kha a kisam lai, pawlpi ahi ama pumpi adingin keima pumpi sungah hong kicingsak hi.

Kolose 1:24 Referans Kwoze

ROM (Romans) 5:3

Haksatna i thuak laitak nangawnin i lungdam veve hi. Bang hang hiam cih leh haksatna in thuak zawh hatna piangsak a,

2 TIMOTI NIHNA 1:8

Tua ahih manin i Topaʼ thu gen nading thu ah ahi a, ama thu hangin thong a kia keima thu ah ahi zongin maizum het kei in. Pasian in nangma tungah thahatna hong pia ahih mah bangin Lungdamna Thu hangin thuakna ah zong a thuak nuam hizaw in.

Filippi 3:10

Jesu Khris thei-in, ama thawhkik bangin thokikin, kei zong sihna panin hong hingsakkik ding hi, ci-in ka lametna hangin ama thuak bangin thuakin, sihna ah zong amah tawh ka kibat ding ka utpi pen ahi hi.

2 KORIN NIHNA 7:4

Note hong muang mahmah in note hangin ka kisathei a, lungkhamna a tuamtuam ka tuah hangin lunghimawh loin ka lungnuam mahmah hi.

Efesa 3:13

Tua ahih manin note hangin ka thuakna pen noteʼ phattuam nading ahih manin tua ka thuakna thu hangin lungkiatna-in na nei kei un.

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

Kolose 1:18

Na khempeuh ah amah a lian pen ahih theih nadingin, amah pen pawlpi ahi ama pumpi lutang hi a, pawlpiʼ nuntakna a kipatna hi a, sihna panin a kithokiksak Tapa cil ahi hi.

Sawltak 5:41

Uliante omna panin sawltakte paikhia uh a, Jesuʼ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

Efesa 3:1

No Gentail mite hangin Jesu Khris thu tawh kisai-in thong kia keimah Paul in Pasian kiangah thu ka ngen hi.

Efesa 1:23

Tua pawlpi pen Khrisʼ pumpi hi a, tua pawlpi adingin a mahmah kipia-in, mun khempeuh a om pawlpite, thu khempeuh ah a cingtaaksak hi.

ROM (Romans) 8:17

Eite pen ama ta ihih manin mite adingin a koih thuphate i ngah banah Khris adingin a koihte zong i ngahkhawm lai ding hi. Bang hang hiam cih leh Khris in a thuak mah bangin i thuak nakleh amah a minthan mah bangin ei zong i minthang ding hi.

1 KORIN MASA 12:27

Tu-in note khempeuh pen Khris pumpi na hi uh a, na vekpi-un a pumpi na khat ciat na hi uh hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

2 KORIN NIHNA 12:15

Note kong huh theih nadingin lungdam takin ka neih khempeuh kong piak nop banah keima pumpi mahmah zong ka hong kipia nuam hi. Tua zah takin ka hong itna pen it lohna tengin hong nei zawsop ding na hi uh hiam?

Marka 10:39

amaute in, “Ka hi zo ding uh hi,” ci-in a dawng uh hi. Tua ciangin Jesu in amaute kiangah, “Keimah in gimna ka thuak ding mah bangin na thuak takpi ding uh a, ka thuak ding kiphumna zong na thuak takpi ding uh hi.