Kolose 1:23 - Tedim Bible Revision 2017

²³ Ahi zongin note in lungdamna thu na zak cil lai-un na neih uh lametna panin liing het loin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuh ah a kihilh lungdamna thu mah ahi hi.

Tedim Bible

²³ Ahi zongin note in lungdamna thu na zak cil lai-un na neih uh lametna panin ling hetloin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuhah a kihilh lungdamna thu mah ahi hi.

Kolose 1:23 Referans Kwoze

Hebru 3:14

A kipat tungin i neih lungmuanna kip takin i let ciat nakleh i vekpi-in Khris tawh pawl khat ihi hi.

Hebru 3:6

Ahi zongin Khris pen Pasianʼ inn sung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasianʼ inn ihi hi.

Hebru 10:38

Ahi zongin keima mi a thuman mite in ka thu umin nungta ding uh a, a nungkik a om uh leh tua mite tungah ka lungkim kei ding hi,” na ci hi.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

Efesa 3:17

na upna hangun note lungsim sungah Khris hong teengin, itna thu ah zung thuk kha-in bulkip na neih nadingun thu ka ngen hi.

ROM (Romans) 10:18

Tua ahihleh amaute in thu za lo uh ahi hiam? Lai Siangtho sungah, “Amauʼ awgingte leitung khempeuh ah kizel a, a thugente uh in mun khempeuh a ban hi,” ci-in a kigelh mah bangin amaute in thu za khinzo uh hi.

Hebru 6:19

I lungsim a hong kipsak dingin tu-a bang lametna a nei ihi hi. Tua i lametna kician mahmah a, vantung biakinn siangtho tawngnung sung ciang dong tung khinta hi.

1 THESALONIKA MASA 3:5

Tua ahih manin ka thuak zawh nawn loh ciangin noteʼ upna zia a thei dingin Timoti ka hong sawl hi. Dawimangpaʼ ze-etna in note hong puksak kha-in, koteʼ nasepna a mawkna suak kha ding hi, ci-in ka lunghimawh uh hi.

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muh theih nadingun noteʼ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khris hingsakin, vantung gamah zong, ama tak lamah a tutsak nadingin a zat vangliatna mah ahi hi.

2 KORIN NIHNA 3:6

Thuciamna thak nasem thei dingin kote tungah siamna a hong pia hi. Tua hong piakna pen lai-a kigelh thukham tawh hi loin Kha Siangtho tawh ahi hi. Bang hang hiam cih leh lai-a kigelh thukham in sihna piangsak a, ahi zongin Kha Siangtho in nuntakna hong pia hi.

Sawltak 2:5

Tua laitakin biakna pawi siim dingin gam tuamtuam panin a hong pai Jew mi biakna hahkat mi tampi tak, Jerusalem khua sungah a om uh hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Kolose 1:25

Pasianʼ thu a kicing takin noteʼ phattuam nadingin a hilh dingin pawlpi nasem dingin Pasian in kei a hong bawl hi.

Johan 15:6

Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kaang tum hi.

Luka 22:32

Ahi zongin, Simon aw, na upna na khahsuah loh nadingin nang adingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

1 PETER MASA 1:3

I Topa Jesu Khrisʼ Pa Pasian tungah lungdam ni. Ama hong hehpih mahmahna hangin sihna panin Jesu Khris a thawhkiksakna tawh eite tungah nuntakna thak a hong pia hi. Tua ahih manin i lametna kiam ngei lo a,

Hebru 4:14

Tua ahih manin eite in Pasianʼ omna vantung a va tung khin sa, Siampi Lianpen ahi Pasianʼ Tapa Jesu nei khin ihih manin i san sa upna thu kip takin len ni.

Kolose 2:7

Note tungah a hong kihilh sa bangin ama sungah zung thuk kha unla, ama deihna bangin nungta-in, na upna uh ah khauh semsemin, lungdam takin om un.

Galati 5:7

A beisa hunah hoihtakin a gamtate na hi uh hi. Tu-in a manin na gamtat loh nadingun kua in lam hong pialsakin Pasianʼ thu hong mang losak ahi hiam?

2 KORIN NIHNA 6:1

Tua bangin Pasian tawh na sem khawmin om ka hih manun Pasianʼ hong hehpihna thu a mawkna na suahsak khak loh nadingun ka hong thum uh hi.

Marka 16:15

Tua khit ciangin amaute tungah, “Leitung khempeuh ah note pai kawikawi unla, mi khempeuh tungah Lungdamna Thu na hilh ta un.

Zefaniah 1:6

Lam pialin, kei hong zui nawn lote, thu dong dingin kei kiangah hong pai nawn lote, ka susia ding hi,” a ci hi.

Thu-hilhkikna 4:19

Note in na mit uh tawh vantung lam en to-in, ni le kha le aksite, vantung na khempeuh na muh uh ciangin, mun khempeuh a miteʼ tungah Topa na Pasian un a piak nateʼ lamah kihei-in tuate bia-in a na na sep khak loh nading uh kidawm un.

Thu-hilhkikna 2:25

Nomauʼ thu za-in noteʼ hangin liingin a gim ding ahi, mun khempeuh ah a om miteʼ tungah note hong kikihtakna le noteʼ hanga launa ka tunsak ding tu ni-in ka kipan ding hi,’ hong ci hi.

1 JOHAN MASA 2:27

Khris in note tungah ama Kha Siangtho hong pia khin a, tua Kha Siangtho na neih lai teng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuau thu khat zong om lo hi. Tua ahih manin Kha Siangthoʼ hilhnate zui unla, Khris sungah kip takin om un.

1 PETER MASA 1:5

Noteʼ upna hangin nitawp ni ciangin na ngah ding uh hotkhiatna nomau-aʼ ahihna a kilatsak nadingin Pasian in ama vangliatna tawh a hong kepsak ahi hi.

Titu 3:7

ama hong hehpihna hangin Pasian tawh kilemin i lamet nuntak tawntungna a ngah thei ihi hi.

1 TIMOTI MASA 2:7

Hih ka gen thu pen zuau ahi lo, thu taktak a gen ka hi a, Gentail mite lakah upna thu le hih thuman a gen dingin sawltak na semin thu a hilh dingin kei a hong kisawl ahi hi.

1 TIMOTI MASA 1:12

Hih bangin na sep zawh nadingin thatang hatna a hong pia i Topa Khris Jesu tungah ka lungdam hi. Ama nasem dingin kei hong muangin hong seh ahih manin ka nuam hi.

2 THESALONIKA NIHNA 2:16

I Topa Jesu Khris mahmah leh, eite hong itin, a hong hehpihna tawh thakhauhna le lametna a hong pia tawntung eiteʼ Pa Pasian in

1 THESALONIKA MASA 5:8

Ahi zongin eite pen khuavak gamtatna a nei sun khuavak mi ihih manin pilvang ni. Awmdal bangin upna le itna bulhin, sik lukhu bangin i lamet hotkhiatna khu ni.

1 THESALONIKA MASA 3:3

hih bawlsiatna hangin note khat beek na puk loh nading uh deihna tawh a hong paisak ka hi uh hi. Hih bang bawlsiatna pen i thuak ding mah hi, ci-in note in zong na theih uh ahi hi.

Efesa 4:16

Ama ukna mangin pumpi na a tuamtuamte a kituak takin kizom a, amaute limtakin a kizop dimdiamna hangin pumpi pen pum khat a suak thei hi. Pumpi na a tuamtuamte in amauʼ sep ding ciat hoihtakin a sep uh ciangin itna hangin pumpi khangin a cingtaak a suak thei hi.

Efesa 2:21

Tua inn sutpi Khris pen inn-a a kilam khempeuh a puapi pen hi a, Topa adingin biakinn siangtho a suah dongin tua inn a khangsak hi.

Galati 5:5

Kote ahihleh Pasian in amah tawh a kipawl thei dingin hong bawl ding hi, ci-in lamenin, koteʼ upna hangin Kha Siangthoʼ vangliatna tawh hong piang ding hi, ci-in a om ka hi uh hi.

Galati 4:11

Tua ahih manin note adingin ka nasepna khempeuh a mawkna a suahkhak ding ka hong lunghihmawhsak mahmah hi.

2 KORIN NIHNA 11:23

Amaute Khris nasem ahihleh kei zong hong hai pau mai ning. Khris nasem a hoih zaw pekpek ka hi hi. Amaute sangin na ka nak sep zaw a, satna tamvei ka thuak zaw a, sih dektakna tamvei ka tuak zaw hi.

1 KORIN MASA 15:58

Tua ahih ciangin ka hong it sanggamte aw, Topaʼ hangin na nasepnate uh a mawkna hi ngei het lo hi, ci-in na theih uh mah bangin Topa adingin a tawntungin na sem unla, liing het loin lungsim kip takin na om ta un.

1 KORIN MASA 3:5

A taktakin ci lehang, Apollos i cihte, Paul i cihte, bangpi hi zenzen ka hi uh hiam? Note in thu na up theih nadingun Pasianʼ nasemte ka hi lel uh hi. Topa in koteʼ sep dingin a hong piak nasep tuak a sem ka hi lel uh hi.

ROM (Romans) 15:16

Gentail mite tungah na a sem dingin Khris Jesu sawltak hih theih nading hamphatna lianpi Pasian in kei a hong piakna hang ahi hi. Gentail mite pen Kha Siangtho in Pasianʼ tungah a piak, ama san theih biakpiaknate a suah theih nadingin Pasian kiang panin a hong pai Lungdamna Thu ka hilhna ah siampi bangin na ka sem hi.

ROM (Romans) 5:5

Pasian in eite tungah a hong piak a Kha Siangtho tawh eite sungah ama itna hong guang ahih manin hih lametna in eite hong lungkiasak ngei lo hi.

ROM (Romans) 2:7

Pahtakna, minthanna le hin tawntungna deihin a gamtat hoih tawntung mite tungah Pasian in nuntak tawntungna pia dinga,

Sawltak 26:16

Tu-in tho-in na khe-in ding in. Keima na a sem dingin a hong sawl dingin nang tungah a hong kilang ka hi hi. Tu ni-a kei nong muhna thu teng le nang tungah ka hong lah lai ding thu khempeuh, midangte tungah a gen ding na hi hi.

Sawltak 20:24

Ahi zongin Topa Jesu in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna ah bangbang hong piang taleh a thupi-in ka ngaihsun kei hi.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngah theih nadingin leitung khempeuh ah Pasian in hong piak min dang khat zong om lo hi,” ci-in a gen hi.

Sawltak 1:17

Judas pen eite tawh na a sem khawm dingin a kiteel khia ahih manin eima pawl mi ahi hi.

Luka 6:48

suang tungah inn lamin, a khuam kua ding suang sung thukpi tak to-in a phut pa tawh kibang hi. Tui a khan ciangin tui in tua inn a nawk hangin limtakin kilam ahih manin susia zo lo hi.

Ezekiel 18:26

Mihoih khat a gamtat hoih khawlin mawhna a bawl ciangin si ding hi. Ama sihna pen a gamtat siatna hang ahi hi.

Kah la 3:66

Amaute delh kek inla, leitung panin nuai mang gawp in,” ci ni.

Late 125:5

Ahih hangin amauʼ gitlohna a zuite pen siatna a bawlte gim na piak ciangin amaute tawh pia khawm in. Israel tungah nopna om tahen!

2 KORIN NIHNA 4:1

Pasian in hong hehpihna tawh hih nasep hong pia ahih manin ka thaneem het kei uh hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khua sung, Judea gam sung, Samaria gam sung le leimong dongin note in keima thu na gen ding uh hi,” ci-in a dawng hi.

2 KORIN NIHNA 10:1

Keimah Paul in Khris migitna le lungduaina tawh note kiangah kong thum hi. Kei pen note tawh ka hong om khawm laitakin a meidawi, note tawh ka om khawm loh ciangin a tapkual han in hong kigen hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.