Kolose 1:22 - Tedim Bible Revision 2017

²² Ahi zongin, a Tapa a pumpi mahmah in a hong sihna hangin note, a cidam, a siangtho, paubaanna om het loin ama kiangah hong lak theih nadingin Pasian in note ama lawmin a hong bawl khinta ahi hi.

Tedim Bible

^22-23 ci leh sa-ah sihna a thuak maninah tu-in kilemna a hong piangsak hi. Bang hang hiam na cih uh leh, van nuai-ah a om a pian’sak khempeuhte kiangah hilhin note in na zaksa uh Lungdamna Thu lametna pan kiam loin, khuam bangin kiphutin, kipna tawh na up uh leh, siatna om lo a, siangtho-in Pasian mai-ah hong kipiak nading ahi hi. Keimah Paul zong tua thu tawh kipawl a, nasemin hong kikoih zo hi.

Kolose 1:22 Referans Kwoze

Juda 1:24

Ama minthanna mai ah paubaanna om het loin lungdam takin a hong paipih theih nadingin note na puk khak nading panun a hong kem,

Hebru 10:10

Pasianʼ deihna bangin Jesu Khris gamta a, a tawntungin a kimang paisuak dingin ama pumpi biakna-in khatvei a kipiakna hangin eite khempeuh i mawhna panin a siang ihi hi.

Efesa 1:4

Ama mai ah eite pen paubaanna a nei lo, mi siangthote ahi ding le Khris hangin ama mite ahi dingin leitung a pian mapek nangawnin Pasian in a hong teel sa ihi hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

ROM (Romans) 7:4

Sanggamte aw, note zong tua mah tawh a kibang na hi uh hi. Khris tawh pum khat na hihna uh hangin thukham tawh kisai thu ah a si khin na hi uh a, Pasianʼ nasepna ah eite a man nei i suah theih nadingin sihna panin a kithokiksak Khris tawh nupa na hi uh hi.

Hebru 10:20

Ama pumpi mahmah ahi dalna puan tawnin nuntakna lampi ah i pai theih nadingin amah in lampi thak hong honsak hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

2 KORIN NIHNA 11:2

Pasian in hong aam mahmah bangin note ka hong aam mahmah hi. Nungak le tangval nupa dingin a kigawm mah bangin khat bek ahi Khris tawh a kigawm dingin nungak siangtho bang na hi uh hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasianʼ muhna ah paubaanna om het loin amah tawh nuam takin na om khawm theih nadingun hanciam un.

1 THESALONIKA MASA 4:7

Eite a thanghuai gamtat dingin Pasian in a hong sam hi lo a, a siangtho-in a nungta dingin a hong sam ahi hi.

Luka 1:75

i khang tawnin ama mai ah a siangtho, a thumanin i om tawntung theih nading thu hong ciam hi.

Late 51:7

Puknah tawh hong nul in; kei ka siang ding hi. Hong sil in; vuk sangin ka ngo zaw ding hi.

JOB (Job) 25:5

Ama mitah khapi nangawn taang sa zo lo lai a, aksite nangawn siang sa zo lo lai hi.

JOB (Job) 15:15

Pasian in a siangtho vantung mite nangawn muang lo ahihleh, ei mawhnei mite bang hangin hong muang mah ding ahi hiam?

2 SAMUEL NIHNA 22:24

Ama mai ah kawk ka baang kei a, kisuanna dangte panin hoihtakin ka kikem hi.

2 KORIN NIHNA 4:14

Topa Jesu a hingkiksak pa in Jesu mah tawh kote zong hong hingkiksak khawmin note tawh ama omna ah hong paipih khawm ding hi, ci-in ka thei uh hi.

2 KORIN NIHNA 5:18

Hih thu khempeuh Pasianʼ vaihawm hi a, eite pen Pasianʼ gal hi napi-in Khris hangin amah tawh a kilem mi hong hisak a, kote tungah tua kilem nading nasep hong pia hi.

Kolose 1:28

Tua ahih manin a milip tungah Khrisʼ thu ka hilh uh a, Khris tawh a kipawlna uh hangin a milipin a khang cingin Pasianʼ omna ah ka tunpih theih nadingun a milip tungah hilhin ka gen khol uh hi.

1 PETER MASA 3:18

Khris mahmah zong note adingin si a, Pasianʼ kiangah hong tunpih theih nadingin mihoih khat pen mihoih loteʼ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.