Kolose 1:16 - Tedim Bible Revision 2017

¹⁶ Vantung le leitungah a om na khempeuh, kha thu tawh kisai vangliatna, tote, mi ukte, aana neihnate a kipan a kimu thei hitaleh a kimu thei lo hitaleh na khempeuh, Pasian in amah zangin a piangsak hi. Leitung a kipanin huih lakah a om khempeuh dongin, Pasian in Khris adingin a mahmah zangin a piangsak hi.

Tedim Bible

¹⁶ Bang hang hiam na cih uh leh, tua Tapa hangin Pasian in vantung ahi zongin, leitung ahi zongin-ah a om khempeuh a kimutheite, a kimu thei lote, kumpi tokhomte ahi zongin uknate ahi zongin, a sang belnate ahi zongin, vangliatna ahi zongin, na khempeuh a piangsak hi. Tua Tapa hangah ahi zongin, tua Tapa ading ahi zongin na khempeuh a piangsak hi.

Kolose 1:16 Referans Kwoze

ROM (Romans) 11:36

Bang hang hiam cih leh na khempeuh ama piansak hi a, na khempeuh ama hang le ama minthan nading bekin a om ahi hi. Mi khempeuh in Pasian phat tawntung tahen! Amen.

Johan 1:3

Pasian in Thu tawh na khempeuh piangsak a, a kipiangsak na khempeuh, Thu tawh loin a kipiangsak khat beek om lo hi.

1 KORIN MASA 8:6

eite adingin Pasian khat bek, Pa khat bek a om hi. Ama adingin i nuntakna pa, na khempeuh a piangsak pa ahi hi. Eite tungah nuntakna a hong pia, na khempeuh a piangsak Topa Jesu Khris khat bek a om hi.

Hebru 2:10

Na khempeuh ama adingin a piangsak Pasian in tate tampi minthanna a ngahsak theih nadingin a thuakna tawh hotkhiatna thu ah a makai dingin Jesu a bawl ding a kilawm mah ahi hi.

1 KHANG TANGTHU MASATE 29:11

Topa aw, liatna, vangliatna, minthanna, gualzawhna le min liatnate nangma aʼ ahi hi; bang hang hiam cih leh vantung le leitungah a om khempeuh zong nangma aʼ ahi hi. Topa aw, kumpi gam nangma aʼ hi a, tuate khempeuh tungah nang a lutangin hong kisangsak hi.

Hebru 1:2

Ahi zongin tu hun nunung ciangin leitung vantung na khempeuh a bawlin a zat, a tawpna ah na khempeuh a luah dingin a seh a Tapa zangin eite tungah thu hong gen hi.

Efesa 1:10

Tua a geel thu pen, a hunhoih a tun ciangin Khris khutnuai ah, vantung le leitungah a om khempeuh gawm ding ahi hi.

Isaiah 44:24

Gil sung panin nangmah a hong piangsak, nangmah hong Honpa, Topa in hih bangin ci hi: “Keimah in na khempeuh bawlin, keimah guak in vantungte zalin, kuama seppih lohin leitung ka zal hi.

Paunak 16:4

Topa in na khempeuh ngimna nei-in bawl a, migilote nangawn siatna a thuak dingin a bawl ahi hi.

Kolose 1:15

Khris pen a kimu thei lo Pasianʼ lim hi a, a kipiangsak khempeuh lakah tapa upa pen ahi hi.

Kolose 2:10

Khris tawh na kipawlna hangun nuntakna kicing na nei uh hi. Huih lak a ukte le aana neite khempeuh tungah amah a lutangpi hi lai hi.

Thu-hilhkikna 4:39

Tua ahih ciangin tunga om vantung hitaleh nuai-a om leitung hitaleh Topa pen Pasian ahihna thu tu ni-in thei unla, na lungsim uh ah ciamteh un; kuamah dang om lo hi.

Filippi 2:10

Tua ahih manin vantung, leitung, leinuai-a om mi khempeuh in Jesu pahtawi-in khukdin ding uh a,

Kolose 1:20

Pasian in a Tapa zangin na khempeuh ama kiangah a kaihkik ding a seh sa ahi hi. Tua ahih manin singlamteh tungah a Tapa a sihna hangin amah tawh kilemkik theih nading hong omsak ahih manin, leitung, vantung a om khempeuh ama kiangah a hong tunkik ahi hi.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

Kolose 2:15

Amah in huihlak a ukte le vangliatna a nei khempeuh, singlamteh tungah zo gawp khin a, gal zote in a sal matte a kaih uh bangin mi khempeuh muhin a gualzawhna a lak hi.

Efesa 6:12

Eiteʼ do pen si le sa a nei leitung mite hi lo a, vantung huihlak a thuneite, aana neite, hih leitung khuamial gam a ukte le huih khua a om kha gilote ahi hi.

ROM (Romans) 8:38

Bangmah in ama hong itna tawh hong kikhensak zo het lo ding hi, ci-in ka thei hi. Sihna, nuntakna, vantung mite, vantung vangliatnate, tu hun nate le a hong tung ding nate,

Nehemiah 9:6

Nang bek Topa na hi hi. Nangmah in a sang pen vantung le van a om khempeuh, leitung le a tunga om khempeuh le tuipi le a sunga om khempeuh na bawl hi. Nangmah in tuate khempeuh na omsak a, vantung mihonpi in nang hong bia uh hi.

Johan 1:10

Amah, leitungah om a, amah tawh leitung a kibawl hi napi-in leitung mite in amah na thei kha lo uh hi.

ROM (Romans) 9:5

le a thupi pupiteʼ suanlekhakte hi uh a, leitung si le sa tawh kisai-in Khris zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.