Kolose 1:15 - Tedim Bible Revision 2017

¹⁵ Khris pen a kimu thei lo Pasianʼ lim hi a, a kipiangsak khempeuh lakah tapa upa pen ahi hi.

Tedim Bible

¹⁵ Tua Tapa in mittang a, kimu thei lo Pasian’ lim hi a, a om khempeuhte mai-ah zong ta Upa ahi hi.

Kolose 1:15 Referans Kwoze

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Johan 14:9

Jesu in, “Filip aw, hih tanvei om khawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?

Johan 1:1

A kipat cil-in Thu na om a, tua Thu, Pasian tawh na om khawm a, tua Thu, Pasian ahi hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khris minthanna hangin amaute tungah a hong taang lungdamna thu khuavak mu thei lo uh hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Filippi 2:6

Jesu Khris in Pasianʼ pianzia nei napi-in, Pasian tawh a kizakim theihna dingin thatang hat thu a suang kei hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuʼ maitang a taangsak Pasianʼ vangliatna thu theih nading khuavak ka ngah theih nadingun kote lungsim sungah khuavak hong taangsak hi.

Late 89:27

Keimah in amah ta upa penin ka bawl dinga, leitung kumpite lakah a lian penin ka bawl ding hi.

ROM (Romans) 8:29

Pasianʼ Tapa mi khempeuh lakah a upa pen a suah theih nadingin Pasian in a teel kholh sa mite, a Tapa tawh a kibang dingin a seh sa ahi hi.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasianʼ piansakte khempeuh a kipatna ahi Amenʼ thugen in:

Hebru 1:6

Tua banah, Pasian in leitungah a Tapa neihsun hong paisak ding ciangin, “Pasianʼ vantungmi khempeuh in amah bia ding uh hi,” na ci hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi henla, vanglian tawntung tahen. Amen.

Johan 15:24

Kuamah in a bawl ngei loh nalamdangte amaute lakah a bawl lo hi leng amaute in mawh pua lo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Kolose 1:13

Amah in khuamial vangliatna panin eite hong hon khia-in, a lungmuanhuaina mun, a it a Tapaʼ ukna sungah hong koih a,

Hebru 11:27

Moses pen kumpipaʼ heh ding lau het loin Egypt gam panin paikhia a, a kimu thei lo Pasian a mu bang keekin a nungkik het lohna zong a upna hang mah ahi hi.

Gamlak-vakna 12:8

Amah tawh kam le kam kiho-in, a kitel lo kampaute tawh hi loin, a kitel takin thu ka gen uh a, amah in Topaʼ mel a mu hi. Tua bang ahih ciangin bang hangin ka nasem Moses gensiat ding lau lo na hi uh hiam?” a ci hi.

Paikhiatna 24:10

amaute in Israel Pasian mu uh hi. Ama khe nuai ah a sianthona van mel tawh a kibang, sapfaia suangmanpha tawh a kibawl suangphahpek bang pian om hi.