Kolose 1:14 - Tedim Bible Revision 2017

¹⁴ tua a Tapa in eite hong khah khia a, i mawhna hong kimaisak khinta hi.

Tedim Bible

¹⁴ Tua a Tapa’ sisan hangin i mawhnate maisakna ahi hong tatkhiatna thupha i ngah hi.

Kolose 1:14 Referans Kwoze

Efesa 1:7

Khris hong sihna hangin eite in suahtakna ngahin, i mawhnate hong kimaisak ahi hi. Tua zah dongin Pasianʼ hong hehpihna thu bangzah takin lian ahi hiam?

Hebru 9:22

Thukham kizatna sungah na khempeuh sisan tawh kisiansuah a, sisan a kiluansak khit ciang bekin mawhna kimaisak thei pan hi.

Hebru 9:12

Siangtho Pen Mun ah a tawntungin a kimang dingin khatvei bek Khris a va lut ciangin biakpiak nadingin keel sisan le bawng no sisante va keng loin ama sisan va keng a, eite adingin tawntung hotkhiatna a hong ngahsak hi.

Mangmuhna 5:9

Amaute in la thak khat sa uh a, “Nang Tuuno, tua laizial a la khia ding le a ciaptehnate a la khia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a,

Galati 3:13

Lai Siangtho in, “Sing tungah a kikhai mi peuhmah Pasianʼ samsiat mi ahi hi,” na ci ahih manin eite adingin Khris in samsiatna a thuak manin Thukham zuih lahna hangin samsiatna panin eite a hong tan khia ahi hi.

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

1 JOHAN MASA 2:2

Tua Jesu hangin eiteʼ mawhna hong kimaisak a, eite ading bek hi loin leitung mi khempeuhʼ mawhna zong a mai nading ahi hi.

1 PETER MASA 3:18

Khris mahmah zong note adingin si a, Pasianʼ kiangah hong tunpih theih nadingin mihoih khat pen mihoih loteʼ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

Late 130:4

Ahih hangin nangmah hong kizahtak theih nadingin nangmah in mawhna na maisak hi.

1 JOHAN MASA 2:12

Ka tate aw, Khris hangin noteʼ mawhna hong kimaisak ahih manin lai a hong gelh ka hi hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

1 TIMOTI MASA 2:6

Mi khempeuh a tan khia dingin tua Jesu hong kipiatawm a, a hun lian laitakin a hong kipiakna pen Pasian in mi khempeuh a hotkhiat nopna thu a kilatna ahi hi.

Kolose 2:13

A beisa hunah na mawhna uh hangin kha thu tawh kisai-in misi na hi uh a, Gentail mi na hih manun Thukham nei lote na hi uh hi. Ahi zongin Khris hangin Pasian in note hong hingsak a, i mawhna khempeuh hong maisak khinta hi.

Efesa 4:32

khatlekhat kihehpihin, lungsim nem tawh na kiho zaw unla, Khrisʼ hangin Pasian in noteʼ mawhna hong maisak mah bangin khatlekhat na mawhna uh na kimaisak ta un.

Sawltak 20:28

Kha Siangtho in noteʼ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Sawltak 10:43

Amah a um mite khempeuh in ama min hangin a mawhna uh a mai nading thu, kamsangte khempeuh in zong gen belin a neih khat uh ahi hi,” a ci hi.

Kolose 3:13

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in noteʼ mawhna hong maisak bangin note zong khatlekhat na mawhna uh na kimaisak ding uh hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesu Khris min tawh tui kiphum ciat un. Tua hileh Pasianʼ piakkhong Kha Siangtho na ngah ding uh hi.

1 JOHAN MASA 1:9

Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i hoih lohnate khempeuh hong siangsak ding hi.

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuh ah zui uh a, midang khempeuh sung panin a kitan khia sa, Pasian le Tuuno tungah a kipia masa mite ahi uh hi.

Luka 5:20

Jesu in amauteʼ upna a muh ciangin a mipa kiangah, “Lawm aw, na mawhnate hong kimaisak khinta hi,” a ci hi.

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.