Kolose 1:10 - Tedim Bible Revision 2017

¹⁰ Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

Tedim Bible

¹⁰ Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,

Kolose 1:10 Referans Kwoze

Efesa 4:1

Tua ahih ciangin Topaʼ na ka sepna hangin thong a kia keimah in noteʼ nuntak zia dingin a hong deihna tawh a kilawm a kituakin na nuntak nadingun ka hong hanthawn hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

1 JOHAN MASA 3:22

Ama thupiaknate zui-in ama lungkim nadingin gamta ihih manin ama kiang panin i nget peuhpeuh i ngah hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

1 THESALONIKA MASA 4:1

Tu-in sanggamte aw, Pasianʼ deihna le ama lungkim nadingin bangci nuntak ding cih thu kote kiang panin na theih sa uh thute tawh kizui-in na nuntak sa uh ahih mah bangin a kicing zaw semsemin na nuntak nadingun i Topa Jesu min tawh hong thumin ka hong hanthawn uh hi.

Hebru 13:16

Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

Johan 15:8

Gah tampi gah le-uhcin ka Paʼ minthanna a kilangsak na hi ding uh a, keima nungzui na hihna uh kilang ding hi.

Titu 3:14

I mite om mawk loin, thu kisam a phamawhte huh thei-in, na hoih na phate a sep theih nadingun na hilh in.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

Paunak 16:7

Topaʼ deih bangin gamtatna pen galte nangawn lawm a kaih zawhna ahi hi.

2 PETER NIHNA 1:8

Hih bang hoihnate a kicingin na neih uh leh i Topa Jesu Khris na theihna uh ah thahatin kimanna na nei ding uh hi.

Kolose 2:6

Note hong honpa dingin Topa Khris na san sa uh ahih mah bangin amah tawh hoihtakin kipawlin nungta un.

Micah 4:5

Bang hang hiam cih leh midangte in amauʼ pasian ciat bia-in a thu mang ding uh a, ahi zongin eite in ahihleh eima Topa Pasian mah a tawntungin bia-in ama thu i mang ding hi.

1 THESALONIKA MASA 2:12

Note hong hehnemin ka hong hanthawn uh a, amah tawh ukna le minthanna a ngahkhawm dingin a hong sam Pasianʼ lungkimna bangin na gamtat theih nadingun ka hong gengen uh hi.

Kolose 4:5

A pualam mite tungah a kilawm a kituakin gamta unla, hunhoih na ngah khempeuh uh na valkhongsak ngei kei un.

Efesa 5:15

Tua ahih ciangin hoihtakin kingaihsunin gamta unla, mihaite bang hi loin mipilte bangin gamta un.

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

2 KORIN NIHNA 2:14

Ahi zongin Pasian tungah lungdam mahmah nading thu a om hi. Khris tawh ka kipawlna hangun gualzawhna tawh Khris a paina khempeuh ah Pasian in kote hong zuisak hi. Mun khempeuh ah paknamtui a kizelh bangin Khris thutheihna a kizelsak dingin Pasian in kote hong zang hi.

ROM (Romans) 6:4

I Paʼ vangliatna tawh sihna panin Khris a kithawhkiksak mah bangin eite zong nuntakna thak i nuntak theih nadingin tui i kiphum ciangin amah tawh kiphum khawmin a si khawm ihi hi.

Efesa 5:10

Bang teng in Topa lungkimsak ahi hiam, ci-in kan un.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Filippi 1:27

Note tawh a om khawm dingin ka hong pai thei a, ka hong pai thei kei zongin note in lungdamna thu tawh kipawl upna thu ah ngimna kikhatin kip takin na om nading uh le deihna kikhatin na do khawmna thu uh ka zak theih nadingin Khris hanga lungdamna thu tawh a kilawm a kituakin na nuntak ding uh a thupi pen ahi hi.

Filippi 1:11

Jesu Khris in note mihoih a hong suahsak theihna le mite in Pasian pahtawi-in a phat theihna thu, noteʼ gamtat hoih in midangte tungah kilangsak ding hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.

Titu 3:1

Na mite in hong uk kumpite le aana neiteʼ thu mangin, thuhoih khempeuh a sem dingin a kiging sa-in a om ding uh phawksak inla,

Kolose 3:20

Tate aw, na nu na pate uh thu man tawntung ding pen na Khristian nasep uh ahi hi. Tua bang thumanna in Pasian lungdamsak hi.

Efesa 4:13

Tua hileh Pasianʼ Tapa i theihna le i thu upna ah kithukhatin, eite a khang cing suakin, Khrisʼ cingtaakna ciang i ban to ding hi.

Habakkuk 2:14

Tuipi, tui tawh a kidim mah bangin Topa’ minthanna theihna tawh leitung kidim ding hi.

Hebru 11:5

A upna hang mahin Enok zong sihna tawh kipelh hi. Pasian in ama kiangah la to ahih manin kuamah in Enok mu nawn lo hi. Amah a kilaktoh ma-in Enok in Pasianʼ lungkimna ngah hi, ci-in Lai Siangtho in a na gen hi.

2 TIMOTI NIHNA 2:4

Galkap a sem lai mipa in ama tungah a om bupa a lungkimsak theih nadingin na sem ahih manin tualsung miteʼ nasep tawh thuah khawm lo hi.

Kolose 2:19

lutang ahi Khris a len nawn lo uh ahi hi. Lutang ahi Khrisʼ ukna tawh pumpi na khempeuh kizom dimdiam uh ahih manin pumpi in thahatna ngah a, Pasianʼ deih bangin a khangto hi.

Filippi 4:18

Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Efesa 1:17

i Topa Jesu Khrisʼ Pasian ahi, a minthang Pa Pasian in note tungah Kha Siangtho hong pia-in, tua Kha Siangtho in note tungah lungpilna hong pia-in, note in Pasian na theih nadingun note tungah Pasian hong kilatsak nadingin thu ka hong ngetsak niloh hi.

2 KORIN NIHNA 9:8

Note in na kisap khempeuh uh na neih theih nading uh le midangte huh nading zong na neih thuah theih nadingun Pasian in hong pia thei hi.

Johan 17:3

Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Daniel 12:4

Tu-in Daniel aw, beina hun a tun mateng laibu khupcip inla, a tungah ciaptehna koih in. A kallak ah mi tampite in bang thu piang hiam cih thei tel nuamin a hanciam ding uh hi,” a hong ci hi.

Isaiah 53:11

Amah in a gimna thaman mu-in a lungdam ding hi. A mawk thuak ahih lohna thei-in a thuman ka nasem pa in mi tampi tak a dik suaksak dinga, amah in amauteʼ mawhnate pua ding hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuʼ maitang a taangsak Pasianʼ vangliatna thu theih nading khuavak ka ngah theih nadingun kote lungsim sungah khuavak hong taangsak hi.

ROM (Romans) 4:12

A vun a ki-at ma-in i pupi Abraham a upna hangin a gamtat mah bangin a gamta, a vun a ki-at mite adingin zong Abraham pen pupi mah ahi hi. Tua pen vun ki-at lelna hang hi loin upna hang ahi hi.

ROM (Romans) 1:13

Khris sungah sanggamte aw, Gentail midangte lakah thu um mi ka ngah mah bangin note lakah zong ngah ding lametna tawh note kiangah pai ding tam veipi ka geel zel hangin ka hong pai theih lohna thu nong theih ding uh ka ut hi.

2 KORIN NIHNA 5:9

Tua ahih manin hih lai inn ah a ki-om ahi a, hua lai vantung inn ah a ki-om ahi zongin thudang khempeuh sangin Topa lungdamsak ding ngaihsutpi-in a kinei ahi hi.

3 JOHAN THUMNA 1:6

Amaute na limbawlna thu, hih lai-a pawlpite kiangah hong gen uh hi. I biak Pasianʼ deihna tawh kituakin a khualzinna uh nuam takin a zoptheih nadingun na huh in.