Kolose 1:1 - Tedim Bible Revision 2017

¹ Pasianʼ deihna tawh Jesu Khrisʼ sawltak dingin a hong kiseh keimah Paul le i sanggam Timoti in,

Tedim Bible

^1-2 Pasian’ deihna hangin Khazih Zeisu’ sawltak keimah leh i sangampa Timoti in Kolose khua-ah a om Khazih sungah misiangthote leh a thuman ute naute kiangah thu ka hong zasak uh hi. I Pa Pasian kiang panin hehpihna thupha leh nopna in note tungah om ta hen.

Kolose 1:1 Referans Kwoze

2 KORIN NIHNA 1:1

Jesu Khrisʼ sawltak ahi dingin Pasian in a hong seh keimah Paul le thu upna sungah i sanggam Timoti in, Korin khua ah a om Pasianʼ pawlpi mite le Akhaia gam sungah a om Pasianʼ mite khempeuh tungah lai ka hong khak uh hi.

Filemon 1:1

Khris Jesu hangin thong a kia keimah Paul le i sanggampa Timoti in, Ka hong it uh, ka nasep pih uh ahi Filemon,

1 KORIN MASA 1:1

Khris Jesuʼ sawltak dingin Pasian in a hong teel keimah Paul le thu upna sungah i sanggam Sosthenes in,

1 THESALONIKA MASA 1:1

Keimah Paul le Silas le Timoti in Pa Pasian le Topa Jesu Khris sungah a om Thesalonika khua-a om pawlpi mite tungah lai ka hong khak uh hi. Pasian in note tungah dikna le nopsakna thupha hong tungsak tahen.

Filippi 1:1

Jesu Khrisʼ sila keimah Paul le Timoti in Filippi khua-a om Khris tawh a kipawl Pasianʼ mite, siate le upate khempeuh tungah lai ka hong khak uh hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasianʼ teelna tawh sawltak ahi, Jesu Khrisʼ sila keimah Paul in lai ka hong khak hi.

1 THESALONIKA MASA 3:2

Khris Lungdamna Thu hilhna ah Pasian adingin kote tawh na a sem khawm i sanggampa Timoti hong paisak le-ung hoih pen ding hi, ci-in ka ngaihsun uh hi. Amah in note hong hanthawnin na upna uh ah hong kipsakin,

2 THESALONIKA NIHNA 1:1

Keimah Paul le Silas le Timoti te in: Pasian le Topa Jesu Khris sungah a om, Thesalonika khua-a om pawlpi mite tungah lai ka hong khak uh hi.

Efesa 1:1

Pasianʼ sawlna tawh Jesu Khrisʼ sawltak ahi keimah Paul in, Efesa khua ah a om thu um mite tungah lai ka hong khak hi.

Sawltak 16:1

Paul paisuak lai-in Derbe khua tung a, tua panin Lystra khua a tung hi. Tua Lystra khua ah Timoti a kici thu um mi khat om a, a nu zong thu um Jew mi hi a, a pa pen Grik mi ahi hi.

Hebru 13:23

I sanggampa Timoti zong thong panin a suahtak khitna thu ka hong theisak nuam hi. Amah hong pai baih nakleh note kiangah ka hong pai ciangin ka hong tonpih ding hi.